SA Graan April 2015

59 / 92

57
April 2015
Laat die kenners wegdoen met
jou leë, gevaarlike afval
Terwyl ons wag vir die goedkeuring van die industrie afval
bestuursplan, wil die Vereniging vir Veterinêre en Gewas-
verenigings van Suid-Afrika (AVCASA) graag vir produsente
raad gee oor die omgewingsverantwoordelike wegdoen
van uitgediende plaagdoders en leë plastiek plaagdoderhouers met
die ondersteuning van geregistreerde gevaarlike afval bestuurs-
maatskappye en aanbevole plastiekverwerkers.
Produsente benodig veilige en verantwoordelike tegnologie en
metodes om ontslae te raak van uitgediende plaagdoders en leë
plastiek plaagdoderhouers. Dit geld veral vir produsente wat vrug-
te en groente vir uitvoer produseer, omdat sertifiseringsagent-
skappe daarop aandring dat sulke afval verantwoordelik bestuur en
vernietig word.
Hierdie ou plaagdoders en leë plaagdoderhouers hou ‘n gevaar vir
openbare gesondheid en die omgewing in en mag ook produsente
se sertifisering in gedrang bring as dit nie verantwoordelik bestuur
en vernietig word nie.
AVCASA het verlede jaar met geregistreerde gevaarlike afval be-
stuursmaatskappye oor die wegdoen van uitgediende plaagdoders
beraadslaag sowel as met ‘n aantal plastiekverwerkers oor die weg-
doen van leë plastiek plaagdoderhouers.
Verwerking van leë plastiek
plaagdoderhouers
Daar behoort geen rede te wees waarom produsente met leë plas-
tiek plaagdoderhouers belas moet wees nie. Sulke houers moet
drie keer met skoon water gespoel word en die spoelwater moet
in spuittenks oorgegiet word. Dit maak die houers dan gereed om
verwerk te word.
Produsente mag sulke houers op die plaas berg en dan een van die
aanbevole verwerkers kontak vir die wegdoen van die skoon houers.
Sommige verwerkers kollekteer houers op plase, terwyl ander ver-
kies dat die houers by hul persele afgelaai word.
Die lys van aanbevole verwerkers is beskikbaar op
co.za saam met riglyne vir die hantering en wegdoen van drie keer
gespoelde houers. Produsente word aangeraai om van die AVCASA
aanbevole verwerkers gebruik te maak omdat hulle voldoen aan
regulatoriese vereistes en goeie diens lewer.
Onthou:
Leë uitgediende plastiek plaagdoderhouers mag nie in afval
versamelplekke weggegooi word nie; dit mag ook nie op
plase begrawe word nie omdat dit ‘n wesenlike gevaar vir die
vergiftiging van grondwater inhou.
Houers mag nie op plase verbrand word nie omdat die hitte-
energie van gewone vure onvoldoende is en dit giftige gasse
vrystel wat ‘n groot gevaar vir mense, lewende hawe en die
omgewing inhou.
Dit mag ook nie aan enige iemand verkoop of geskenk word
om as houers vir enige voedsel of drank gebruik te word nie.
Dit is lewensgevaarlik om sulke leë houers vir kos of drinkwater
te gebruik.
Wegdoen van uitgediende plaagdoders
Uitgediende plaagdoders kan vernietig word deur drie van Suid-
Afrika se grootste gevaarlike afval bestuursmaatskappye. AVCASA
het met al drie onderhandel en hulle word op die webtuiste
aangedui.
Hierdie maatskappye het goeie diensrekords, beskik oor die no-
dige menslike hulpbronne, vaardighede, toerusting en infrastruk-
tuur om hoogs gevaarlike afval, soos uitgediende plaagdoders, veilig
te vernietig.
Produsente wat uitgediende plaagdoders wil laat vernietig, moet
een van die maatskappye vir kwotasies nader. Dit word van sulke
persone vereis om ‘n inventaris saam te stel waarin die handels-
name, aktiewe bestanddele, tipes en toestand van houers, oor-
blywende massa of volume en produkveiligheidsdata-opgawes
aangedui word alvorens kwotasies saamgestel kan word.
AVCASA kan produsente die versekering gee dat as hulle van
die aanbevole maatskappye se dienste gebruik maak, hulle pro-
fessionele diens kan verwag. AVCASA is nie in ‘n posisie om enige
plastiekverwerker of afval bestuursmaatskappy te akkrediteer of
te sertifiseer nie; ons kan slegs hul bedrywighede onderskryf en
hul dienste aanbeveel. Ons behou die reg voor om slegs daardie
verwerkers en afval bestuursmaatskappye wat aan die industrie se
vereistes voldoen, aan te beveel as gevolg van die sensitiewe aard
van hierdie bedrywighede.
Vir verdere inligting, kontak mnr Tom Mabesa (AVCASA uitvoerende
direkteur) by 011 805 2000 of dr Gerhard Verdoorn (AVCASA-
konsultant) by 082 446 8946.
GERHARD VERDOORN, AVCASA-konsultant
OP PLAASVLAK Geïntegreerde plaagbeheer
Plaaghouers / Uitgediende plaagdoders
1: Leë plaagdoderhouers kan vir die produsent ‘n kopseer word.
2: Uitgediende plaagdoders is ‘n gevaar vir mens en dier.
1
2