SA Graan April 2015

25 / 92

23
April 2015
Dit het ‘n negatiewe effek op die winsgewendheid en volhoubaar-
heid van landboukommoditeitsproduksie – veral vir nuwe toetreders
tot die landbousektor. Ons moet die landbou-omgewing in ge-
heel holisties heroorweeg om ‘n omgewing te skep waarbinne
kommoditeitsproduksie kan floreer.”
Visser sê voorts die feit dat die helfte van ons plaaslike koringbe-
hoeftes op invoere aangewese is, maak ons weerloos wat stapel-
voedselsekerheid betref. Graan SA is daarom besig om alle
belanghebbendes aan boord te kry om die herlewing van ons plaas-
like produksie te fasiliteer. Wat die ander kommoditeite betref, dien
die organisasie se markontwikkeling as dryfkrag en veiligheidsnet
om produksie te stimuleer.
“Strategies het ons besluit om markte plaaslik en internasionaal
te ontwikkel om seker te maak dat die produsente die vryheid het
om meer te produseer,” verduidelik De Villiers. “Die plaaslike hoen-
derbedryf en die geelmieliebedryf groei. Die witmieliebedryf het
‘n plafon bereik, terwyl die sojabedryf baie uitgebrei het met die
nuwe olieperskapasiteit wat opgerig is. Ons wag nog vir die bio-
brandstofaankondiging – die sorghumbedryf behoort ook ‘n groot
inspuiting te kry wanneer dit gebeur. Ons is baie opgewonde oor
die groei in uitvoermoontlikhede. Die afgelope jaar het ons die
ooreenkoms met China gefinaliseer en het ons ‘n vrag mielies na
Saoedi-Arabië uitgevoer. Dit is lande wat groot hoeveelhede mielies
invoer, waarmee ons meer permanente verhoudings wil vestig.”
In ‘n omgewing wat deur verandering gekenmerk word, is vinnige
toegang tot inligting kritiek. Graan SA het daarom sy kommuni-
kasievoetspoor uitgebrei om, naas die gebruik van tradisionele
media, die effektiewe gebruik van die internet en sosiale media in
te sluit. Dit verseker ‘n onmiddellike interaktiewe dimensie en dien
ook om die gaping tussen produsent en verbruiker te oorbrug.
As sodanig sal hierdie kommunikasieskakels al meer belangrik word
in 2015.
Volgens De Villiers gaan 2015 ‘n jaar wees waar daar gepoog gaan
word om al meer op die sosiale sy van die besigheid te fokus. “Ons
het al baie gedoen wat die opleiding van plaaswerkers betref,
so ons wil nou verder gaan deur te kyk na die moontlikheid van
poswaardering vir die verskillende kategorieë van plaaswerkers,
leiding te gee in terme van salarisse en miskien ook ander werks-
voordele te verbeter.”
2015 is ook die jaar waarin grondhervorming uitgesorteer sal moet
word. As gevolg van droogtetoestande sal Graan SA baie energie
gebruik om sy lede deur die komende moeilike seisoen te dra. Voorts
sal gekyk word na die herstrukturering van die organisasie om
toenemend aan die behoeftes van produsente te voldoen.
“Graan SA gaan ‘n groot rol speel in die vereniging en genesing
van die toekomstige landbousektor en sodoende ook die res van
die samelewing beïnvloed,” aldus Steytler. “Wat ons nodig het, is
‘n eenvoudige visie vir ons toekoms, samewerking deur die bank
en ‘n ommeswaai na dié samewerking wat die hoeksteen was van
oudpresident Nelson Mandela se visie vir Suid-Afrika, waar alle
Suid-Afrikaners die uitdagings wat ons in die gesig staar aanvaar,
omdat ons op daardie manier die uitdagings met redelike gemak sal
oorkom. Die ‘ons-en-hulle’-era is, sover dit ons betref, verby en ons
moet aanbeweeg na ‘ons’.”
Ons moet aanbeweeg na “ons”
Ander voordele van die produk
Die produk belowe om maklik toeganklik te wees met die minimum
administrasie vir werkgewers. ‘n Toegewyde inbelsentrum by
Momentum hanteer alle administrasie en eise. Begrafnisdekking
word ook gewaarborg om binne 48 uur uitbetaal te word mits
die nodige dokumentasie soos verlang in orde ontvang word.
Momentum beskik ook oor ‘n aanlynstelsel wat werkgewers toe-
laat om maandeliks die veranderinge aan sy personeelkorps aanlyn
op te dateer.
Effektetrust teenoor ‘n pensioenfonds
Ná deeglike oorweging is daar besluit om eerder ‘n spaaropsie
beskikbaar te maak in die vorm van ‘n effektetrust. Lede sal merk
dat die koste rondom die administrasie van pensioenfondse baie
hoog is, veral wanneer dit as ‘n persentasie omreken word. Wanneer
die werknemer byvoorbeeld tussen R100 en R200 per maand spaar,
kan die maandelikse koste tot R20 beloop, wat uitwerk op tussen
20% en 10% onderskeidelik.
Wanneer die effek van inflasie ingereken word, beteken dit dat
pensioenfondse ‘n opbrengs van tot meer as 25% per jaar moet
behaal om te verseker dat ‘n werknemer nie agteruit boer nie.
Alhoewel effektetrusts nie beheer word deur onttrekkingsvoor-
waardes nie, gee dit steeds aan werknemers die geleentheid om
koste-effektief vir aftrede te spaar.
Vergelyk appels met appels
Wanneer produsente die produk teen ander produkte in die mark
opweeg, is dit belangrik om seker te maak dat jy appels met appels
vergelyk. Daar is verskeie voorwaardes betrokke by die tipe produkte
wat oorweeg moet word.
Wagperiodes en ander voorwaardes
As deel van die voordele wat Momentum bied, het hul ook die
wagperiodes gevrywaar met doodsdekking indien die werknemer
deel was van ‘n soortgelyke skema. Dit gee werkgewers die
nodige gerusstelling dat die wagperiodes nie van toepassing sal
wees indien die produk aanvaar word nie. Die wagperiodes se
voorwaardes verskil by die verskillende tipes dekking en jy word
versoek om noukeurig te let op onderskrywingsvoorwaardes.
Dit is ook belangrik om daarop te let dat alle permanente werk-
nemers onder die produk ingesluit moet word om te kwalifiseer.
Werkgewers kan wel verskillende opsies vir verskillende werknemers
kies, maar alle permanente werknemers moet ingesluit word.
Hoe kry ek toegang tot die produk?
Graan SA is trots om die voortou te neem in die landbousektor met
innoverende oplossings en ons moedig lede aan om deel te neem
aan die inisiatief. Opbetaalde lede van Graan SA kan die nodige
aansoekvorms aflaai op die Graan SA se webtuiste by
co.za, onder die Ledevoordele-seksie. Lede kan ook die Momentum
toegewyde inbelsentrum skakel by 0860 333 334.
Indien jy nie ‘n lid is nie en jy graag toegang tot die produk wil kry,
kan jy gerus een van die volgende kontakte skakel by 086 004 7246
om jou lidmaatskap te aktiveer:
NAAM E-POS
Dirk Kotze Ledebemarker
Hans van der Berg Ledebemarker
Toit Wessels Ledebemarker
(Wes-Kaap)
Patricia Mahlatsi Lede-administrasie
Elray Stuurman Lede-administrasie elray.stuurman@
grainsa.co.za
Willem Voogt Bestuurder:
Bemarking en
Finansies