110 / 132
September 2018
108
Nuwe naam, selfde toewyding
N
a 50 suksesvolle jare in die landboukalkbedryf, het Gras
land onlangs hul nuwe naam en logo aan rolspelers in die
bedryf bekend gestel. Die onderneming staan voortaan
as Bastion bekend.
Tydens ‘n spoggeleentheid vroeg in Augustus in Klerksdorp, het
die direksievoorsitter, mnr Lemmer Vermooten, gesê die onder
neming het die afgelope drie jaar ‘n groot bydrae gelewer ten
einde steeds die leier in ‘n veranderende mark te wees. Aanlegte
is opgegradeer, bedryfspunte is verbeter met die oog daarop om
‘n groter afsetgebied te verseker en produkte is uitgebrei.
“Ons gaan die drie jaar se belegging benut en die maatskappy uit-
brei na een waarop almal trots sal wees.”
Mnr Etienne Schoeman (besturende direkteur) het op sy beurt
gesê die markplek het verander en dit was derhalwe nodig om te
herkalibreer en effektiewer met hul klante te skakel.
Bastion se fokus is steeds op die dinamiese groei van hul klante op
elke vlak van die waardeketting in hul strewe na voedselsekerheid.
Kortom, Bastion is ‘n nuwe naam vir ‘n nuwe era met dieselfde
kerngesonde grondbeginsels, soos wat daar in die onderneming se
nuwe radio-advertensie bevestig word.
Volgens ‘n video-aanbieding wat tydens die geleentheid vertoon
is, beklemtoon die nuwe naam die standvastigheid van die on
derneming. Bastion beteken letterlik die versterking in die muur
van ‘n fort. Voorts is die naam relevant in Afrikaans en Engels en
sterk genoeg om die toets van die tyd te deurstaan.
Die nuwe logo beeld ‘n bastion in groen en wynrooi uit en die
slagspreuk is: ”Grondslag vir groei“.
aktueel
Karina Muller,
SA Graan/Grain
medewerker
Gesondheid! Piet Prinsloo en dr Pieter Haumann (regs) wat onderskei-
delik 21 jaar en 20 jaar lank aan stuur van sake by Grasland was, klink
saam met hul eggenotes, Rita en Amari, ‘n glasie op Bastion se blink
toekoms.
Ben Krog (bemarkingsbestuurder: Bastion) by Claude Möller (sake-
ontwikkelingskonsultant) wat as gasspreker by die geleentheid in
Klerksdorp opgetree het.
Voormalige hoofbestuurders van Grasland, Piet Prinsloo (regs) en
dr Pieter Haumann (tans hoof uitvoerende beampte: Fertasa) wys hoe
beïndruk hulle is met die nuwe rigting wat die onderneming ingeslaan
het. By sy voorgangers is Etienne Schoeman (middel).
Bastion-personeel kyk toe hoe Marius Maritz (bedryfsbestuurder:
Bastion) die verjaardagkoek sny. Heel regs is Francois Strydom (hoof
uitvoerende beampte van Senwes) wat die heildronk op Bastion
ingestel het.
Produkinligting