108 / 132
September 2018
106
Verwagte klimaat vir
die
lente
en
somer
S
oos wat die winter einde se kant toe staan, verskuif ons
fokus na die verwagtinge vir die somerreënvalgebiede.
Terwyl einde-wintervoorspellings vir die winterreënval
gebiede nog steeds onseker is, is daar tekens dat daar
bonormale reën vir gedeeltes van KwaZulu-Natal, Oos-Kaap, Noord-
Kaap, Vrystaat, Noordwes Provinsie en Limpopo gedurende laat
lente (Oktober, November en Desember) (
Figuur 1,
middel) verwag
kan word.
Die reënvaltotale begin ook gedurende hierdie seisoen – veral
in die oostelike gedeeltes van die land (Figuur 1, regs) – optel.
Bonormale maksimumtemperature word regoor die land verwag
en daar word verwag dat dit ‘n beduidende impak gaan hê, aan
gesien maksimumtemperature gedurende hierdie seisoen drasties
begin toeneem (
Figuur 2
).
Daar word verwag dat ‘n hoër frekwensie van hittegolwe kan
voorkom as gevolg van die voorspelde warmer omstandighede
– wat ‘n groot risiko vir landbou kan inhou.
Ongelukkig is die huidige verwagtinge vir die middel en laat
somerseisoen (Desember, Januarie en Februarie en Januarie, Fe
bruarie en Maart) nie goed nie. Met die voorspelde aankoms van
‘n El Niño-fase gedurende die somerperiode, is die aanvanklike
verwagting ‘n droër en warmer somerseisoen.
Voorspellings strek op hierdie oomblik nog nie ver genoeg vir
enige sekerheid oor die impak van die voorspelde El Niño (
Figuur 3
)
nie, maar die publiek en veral die landbousektor, word aangeraai om
sover moontlik voorsorg te tref sou daar ‘n tipiese impak van droër
en warmer omstandighede gedurende die somer voorkom.
Tans is die verwagting nie dat die impak so erg sal wees soos
gedurende die 2015/2016-periode nie, aangesien die damvlakke
vir die somerreënvalgebiede redelik hoog is vergeleke met die lae
vlakke in 2015, alhoewel daar wel ‘n beduidende impak op reën-
gevoede landbou kan wees.
aktueel
Cobus Olivier,
wetenskaplike: Voorspellingsnavorsing, Suid-Afrikaanse Weerdiens
Figuur 1: Reënvalvoorspellings vir Suid-Afrika vanaf Oktober tot Desember vanjaar, gegewe die mees waarskynlike uitkoms kragtens bo- en onder-
normale reënval. Die middelste figuur wys waar die voorspellingsisteem nie voldoende vaardigheid het om betroubare voorspellings te maak nie
(verwys na wit kleur). Die figuur aan die regterkant wys die normale klimatologiese reënval vir Oktober, November en Desember in mm.