72 / 84
April 2018
70
Maak seker jy voldoen aan die
brandwet
D
ie Nasionale Wet op Veld- en Bosbrande (Wet 101 van
1998) is hierdie jaar 20 jaar oud. Heelwat vrae oor
wat die implikasies van die wet vir hulle is en wat hulle te
doen staan word steeds deur produsente gevra.
Dit is kommerwekkend dat só ‘n mate van onkunde bestaan oor
wetgewing waaraan grondeienaars reeds twee dekades lank be-
hoort te voldoen. Deur die wet en sy implikasies so bietjie uit te
pluis kan ons sin daarvan maak en sien dat hierdie stuk wetgewing
eintlik ‘n uiters handige stuk gereedskap is in die produsent se
deurlopende risikobestuursplan en die aksies wat hy moet uitvoer
om sy eiendom te beskerm.
Dit is amper soos ‘n handleiding vir brandbestuur op die plaas, nie
volledig nie, maar definitief ‘n duidelike maatstaf vir die minimum
wat gedoen moet word.
Die logiese beginpunt sou wees om te verstaan wat die wetgewer
se doel met die wet was en steeds is. Die doel van hierdie wet is
om veldbrande, bosbrande en bergbrande te voorkom en te bestry.
Die wet maak voorsiening vir ‘n hele handvol maniere, mense en
metodes om dit reg te kry. Nie-voldoening kan jou ‘n swaar boete of
selfs tronkstraf op die hals haal.
So, wat sê die wet dan nou eintlik? Indien ‘n brand op jou eiendom
kan begin of daaroor versprei, het jy ‘n plig om aan die wet te
voldoen. Dit beteken jy moet darem voldoen aan die volgende
basiese vereistes:
‘n Brandbaan op die grens van jou eiendom, wat “lank genoeg
en breed genoeg moet wees om redelikerwys die verspreiding
van ‘n brand te kan voorkom”, is dié deel waaraan ons almal
altyd dink. Jou buurman het dieselfde plig – wat dan beteken
dat daar as’t ware ‘n dubbele baan op die grens sal wees
(weerskante van die draad). Dit is belangrik om te weet dat
“eienaar” hier ook huurder beteken.
Die brandbaan hoef nie gebrand te word nie, maar kan ook
skoongeskoffel of chemies behandel word om dit skoon en
vry van brandbare materiaal te maak. Die wet gee egter vir jou
die ruimte om dit alles te doen met inagname van die plaaslike
klimaat, weerpatrone, terrein en plantegroei. Onthou: Jy mag nie
gronderosie veroorsaak nie.
Jy moet werkers met beskermende klere hê – en die nodige
toerusting beskikbaar om brande te bestry.
In die geval van ‘n brand moet jy jou bure en ander be-
langhebbendes onmiddellik laat weet.
Jy moet alles in jou vermoë doen om die brand te bestry en te
verhoed dat dit versprei.
Ek dink nogal hierdie lysie is, alhoewel voorgeskryf deur die wet,
eintlik ‘n logiese lys van aspekte wat in plek moet wees alvorens
die gevaartyd begin.
Brandbestrydingsvereniging
Daar is natuurlik dan die vraag wat almal vra en dit is of dit
enige sin maak om aan ‘n brandbestrydingsvereniging te
behoort. As ek al die bogenoemde voldoen, dan is ek mos reg?
AKTUEEL
ANDRIES WIESE,
hoof: Landbou, Hollard
Kontrolelys
As jy in beheer van die grond (huurder of eienaar) is, dan is jy volgens die wet verantwoordelik vir die brandbestuur op
die plaas. Gebruik dié kontrolelys om jouself af te vra of jou voorbereiding vir die brandseisoen in plek is:
WAT
JA NEE
Brandbane op grens of soos per goedgekeurde plan?
Buurman ingelig/betrokke/ooreengekom?
Datum binne toegelate grense en brandpermit bekom?
Toerusting in plek?
Personeel opgelei/voldoende?
Toesig?
Reël hulp van brandbestrydingsvereniging/Working on Fire/plaaslike owerheid/rampbestuur
Erosiebestuur?
Beskerming van plantegroei byvoorbeeld groot bome op grens?
Is my brandbestrydingsvereniginglidmaatskap in plek?
Is my versekeringsdekking behoorlik hersien?