57 / 84
55
May 2018
AKTUEEL
Fotokompetisie
Die heel beste plekke
om foto’s te neem
M
et die tema van vanjaar se fotokompetisie, Simbiose,
is ywerige fotograwe uitgedaag om anders te dink oor
die natuur. Indien jy lus het vir ‘n opwindende foto-
bestemming, kan jy gerus ‘n besoek aflê aan een van
Villiers Steyn, fotograaf van die tydskrif,
Weg
, se top vyf-fotobestem-
mings in Suid-Afrika:
Naby Nigel, Gauteng, is ‘n voëlparadys, die
Marievale Voël-
reservaa
t, wat tussen myne en kragdrade geleë is. Hier word
meer as 280 voëlspesies in ‘n klein reservaat aangetref. Vir die
geduldige fotograaf sal een van die vyf voëlskuilings die ideale
wagplekkie wees vir ‘n wenfoto.
As die geskiedenis jou inspireer, is die
Mapungubwe-park
, ‘n
wêrelderfenisterrein van Unesco, ‘n besoek werd. Volgens Steyn
sal jy nêrens anders suid van die Limpoporivier só ‘n kombina-
sie van sandsteenrotse, reuse kremetarte en eindelose uitsigte
kry nie.
Die
Kruger Nasionale Park
moet natuurlik op dié lys wees.
Olifantskamp is volgens Steyn die plek waar fotograwe se asem
weggeslaan word. Hy noem dat reuse-krokodille, sowel as wa-
tervoëls soos die saalbekooievaar en reiers van die Olifantsri-
vierbrug af waargeneem kan word.
Indien jy in die
Kosibaai-distrik
kuier, is daar
antieke visfuike
wat al langer as 700 jaar deur die Tonga-bevolkings in stand
gehou word. Dit is van hout, riete en gevlegte palmblare aan-
mekaar gesit en ontwerp om net vis van ’n sekere grootte te vang
– die kleineres kan ontsnap.
Kies koers
Pilanesberg
toe as jy die Groot Vyf met ‘n lens wil
skiet. Dié diverse habitat gaan verseker dat jy kan spog met jou
foto’s van luiperds, swartrenosters en vele meer. Daar is ook ver-
skeie skuilings vanwaar jy die diere en voëls kan dophou.
Bron
https://www.netwerk24.com/Weg/Fotografie/5-lekkerste-fotoplekke-in-sa-20160808.
SA GRAAN/GRAIN REDAKSIE
Die klein slakkie wat ‘n roosgeurige soetig-
heidjie geniet, het aan Charlotte Pistorius
van Nigel die eerste plek van R1 500 in die
Maart-kompetisie besorg.
As ‘n man dors is, maak jy ‘n plan! Ezelle Harmze van Bultfontein
het dié tikkie natuurhumor op die plaas raakgeloop en besluit dit
pas perfek in by die kompetisietema.
In die derde plek is Claudi Lourens van Frankfort se foto getiteld,
“Sampioene groei welig in beesmis” – ‘n bewys dat iets wat
aardig klink, in die natuur as fotogenies gesien kan word.
2
de
3
de
Renette van der Merwe van Kockspark se treffende foto, “Lekker
soet geur” wat die simbiose tussen ‘n skoenlapper en ‘n baakhout
(
bottlebrush
) uitbeeld, besorg aan haar die eerste prys van R1 500
in die April-kompetisie. Dié foto is op die plaas, Tygerfontein, in die
Vredefortkoepel geneem.
WENFOTO
VIR APRIL