04 Jun 2010ESTIE DE VILLIERS, ASSISTENT-REDAKTEUR: SA GRAAN/GRAIN
Produsente het die afgelope plantseisoen dit onder Graan SA se aandag gebring dat dit
voorkom of saad van veral nuwe mieliekultivars kleiner raak.
Volgens produsente is die kiem- en groeikragtigheid van die saad minder en plant die
kleiner pitte glo ook moeiliker. Hulle kan dus nie so effektief plant soos wat hulle graag
sou wou nie.
SA Graan/Grain het met van die grootste saad maatskappye gesels en gaan uitvind of
hulle bewus is van die situasie.
Kiemkragtigheid nie die probleem by kleiner saad
Uit die ondersoek blyk dit dat kleiner saad wel ‘n tendens is, omdat die nuwe generasie
basters enkelkruise is. Di? tipe basters produseer kleiner saad.
Kleiner saad het egter nie ‘n effek op kiemkragtigheid nie, maar dit kan wel groeikragtigheid beïnvloed.
Groeikragtigheid word deur genetika bepaal.
Saadgrootte of -vorm (plat of ronde pitte) het ook nie ‘n invloed op plantdoeltreffendheid
nie. Wat wel ‘n effek kan hê, is as daar ‘n variasie in saadeenvormigheid en -grootte in
een saadbak is. Koop dus saad wat volgens internasionale standaarde gegradeer is om te
verseker dat saadeenvormigheid en –grootte binne aanvaarbare parameters is.
Verder moet produsente seker maak dat hulle planters gekalibreer is en dat die korrekte
saad plaat en lugdrukverstellings gebruik word.
http://www.landbou.com/nuus/nuus-artikel/hernubare-krag-kan-koste-opstoot
