9 / 112
7
WAARHEID
Om die
te sê...
KANTLYN
Op die
Gee gerus jóú mening van die kantlyn af:
estiedv@mweb.co.za083 490 9449
Die wolmark het op 21 September vanjaar
noemenswaardig laer verhandel en die
Cape Wools Merino-indikator het met 5,4%
en 842 punte gedaal – en gesluit teen ‘n
waarde van R147,42/kg (skoon). Op die
Australiese mark was die aanwyser 1,4% af,
terwyl die Cape Wools Alle Wol-aanwyser
met 5,4% gedaal het.
–
Cape Wools Weeklikse Wolmark Kommentaar van
21 September 2016
5,4%
October 2016
Goeiedag Grootneef
Elke keer wanneer ek jou e-posse lees, wonder ek waar jy al jou stories vandaan kry? (Ek
verwys na jou brief in
SA Graan/Grain
Augustus 2016.)
Ja-nee, soos jy tereg sê: Klipmense is voorwaar baie besondere mense. Ek en my man het al so baie
boeke gelees oor hierdie wonderlike mense en verwonder ons elke keer oor hul vindingrykheid en deur-
settingsvermoë. Het ons nie baie by hulle te leer nie? Beter spoorsnyers en jagters kry jy nêrens in die
wêreld nie.
Ek het self ‘n groot liefde vir klippe en laat nie sommer ‘n geleentheid verbyglip sonder om ‘n mooi
klippie op te tel nie. Seker maar iets wat ek van my pa geleer het? Elke klip vertel sy eie storie. Ek het
nog nooit probeer om ‘n klip te verander nie, behalwe die sagte leiklip wat jy kan skuur en skaaf na die
vorm wat jy verlang, maar om ‘n gat deur ‘n klip te maak, is bo my vuurmaakplek. Hoeveel tyd, energie
en geduld is daar nie aan die dag gelê om die werkstuk te voltooi nie? En soveel geduld het ek nou
eenmaal net nie!
Ek verwonder my elke dag aan die groot klipgeboue: Kerke, skole, huise, klinieke, stasiegeboue en nog
meer wat so rotsvas staan. Is dit nie uitmuntende vakmanskap nie? Om klippe te moet kap en bytel
totdat hul perfek pas om ‘n gebou waterpas die lug in te laat toring – vir baie eeue – is waarlik kunswerk.
Iets wat my regtig dwars in die krop steek, is diegene wat
oral met spuitverfblikkies die aakligste goeters op rotse en
geboue teken en skryf. Waar is die mensdom se opvoeding
tog heen? Maar dit is ‘n storie vir ‘n heel ander dag. Ons hou
maar by die mooie en die goeie dinge.
Kom, laat ons ons natuur en sommer ook mekaar waardeer.
Rol maar ‘n klippie uit iemand anders se pad en skud daai
lastige ou klippertjie uit jou skoen!
Groetnis uit die mooie Boland!
Ria van Wyk
Worcester