6 / 112
4
d
ie 2015/2016-seisoen is nou behoorlik soos ‘n vyfdag-
kriekettoets. Dit is nou die laaste sessie van die vyf-
de dag en daar is nog so twee paaltjies staande – én
ons kolf vir ‘n gelykopuitslag. Dit stuur af op ‘n einde
waar niemand wen nie. Dit was ‘n lang, taai stryd ge-
kenmerk deur baie sweet.
Ons het baie lesse geleer, maar dit is nie ‘n seisoen wat ons graag
sal wil onthou nie. Daar sal nog baie daaroor gepraat word, maar
die onthou sal geforseerd wees. Die baie ure wat ons as georgani-
seerde landbou spandeer het om droogteplanne te skryf en somme
van die skade te maak, het soos ons mielie-oeste aan die weste-
kant van die land, geen opbrengs gelewer nie.
Almal het geluister en saamgepraat, maar geen dade is by die
woorde gevoeg nie. Die enigste baken van hoop was die aksies
wat die privaat sektor via Agri SA geloods het. Ons skuld al die
donateurs en betrokkenes ‘n groot dankie! Die trane van produsente
wat só uitkoms ontvang het, het die groot waardering bevestig.
Gelukkig is daar ‘n volgende seisoen wat voorlê. Met die skryf
van hierdie artikel het dit lekker in die Wes-Kaap gereën en hul oeste
lyk baie mooi. Dit is dalk net ‘n wonderlike voorloper van dít wat
ons hier bo in die noordelike dele van ons land kan verwag.
Na die 2016 munisipale verkiesing is daar in die hele land ook ‘n
gevoel van afwagting vir ‘n nuwe seisoen. Die belangrike van ‘n
nuwe seisoen is dat dit meer met doen as praat te make het en
daar dalk heelwat gebeur wat jou aandag en fokus mag aftrek. Die
manier waarop jy reageer en sake afhandel, moet ook sprekend van
jou karakter wees. Landbou vereis nederigheid en dat ons stil word
voor die Skepper wat alles beheer. Ons lot is in Sy hand.
Een “nuwe seisoen” wat so skeef-skeef teen die opdraand aansuk-
kel, is die plek wat die Bedryfskamer in Agri SA moet vul. Daar is
al van die bedrywe wat uit Agri SA bedank het weens die feit dat
ons nie eenheid in landbou kan bereik nie. Dit noodsaak van die
bedrywe om by meer as een nasionale organisasie te affilieer en
dit kos addisionele geld. Die oplossings vir dié netelige kwessie is
nie volop nie, maar ons sal moet deurdruk ter wille van ‘n sektor wat
krities vir ons land se toekoms is.
Ek het onlangs nagelees oor wat geskryf is oor Brexit en die oor-
eenkoms wat dit het met die onverwagse steun wat Donald Trump
in die VSA kry. Daar is selfs ooreenkomste daarvan met die uitkoms
van ons eie munisipale verkiesing.
Landbou sal moet kennis neem van mense se woede oor sake wat
hul eie lewens en lewensstandaarde bedreig wat in stembusse
beslag kry. In Engels word verwys na
sea change
– betekenisvolle
verandering of transformasie. Terwyl ons in landbou nog spook
om konsensus te kry oor wat transformasie is en hoe om dit reg te
doen, het daar ‘n ander tipe transformasie in ons gemeenskappe
plaasgevind wat min met ras te doen het.
Landbouleiers loop nou die gevaar dat dieselfde met hulle kan
gebeur as wat met hul politieke eweknieë gebeur het: Om kontak
te verloor met wat regtig op grondvlak saak maak. Woede en vrees
dryf mense tot irrasionele besluite en misplaaste optrede.
Moenie fokus verloor nie
JANNIE DE VILLIERS,
uitvoerende hoofbestuurder/CEO
“
Die belangrike van
‘n nuwe seisoen is
dat dit meer met
doen as praat te
make het...
“
STANDPUNT
POINT OF VIEW
Graan SA
Oktober 2016