52 / 84
November 2017
50
OP PLAASVLAK
moontlik minder goeie seisoen
D
ie afgelope seisoen was ‘n re-
kordjaar vir graanprodusente, maar
vo rspellings dui op die moont-
likheid vir minder gunstige kli-
maatstoestande in die komende seisoen.
Wat behoort die benadering dán te wees?
Afgelope seisoen
Die Nasionale Oesskattingskomitee is van
mening dat die afgelope seisoen ‘n rekord-
oes van meer as 16 miljoen ton mielies gaan
oplewer. Die styging is ongeveer 2,1 t/ha
(52% verhoging) teenoor die vorige seisoen,
wat beteken dat daar meer voedingstowwe
per hektaar verwyder is.
Indien hierdie toename in kunsmis omgesit
word, beteken dit dat daar in die afgelope
seisoen ongeveer 370 000 ton meer kuns-
mis net deur mielies alleen uit die grond
verwyder is.
In die geval van Mpumalanga was die
ooreenstemmende opbrengsverhoging on-
geveer 42%, wat ongeveer 43 000 ton
meer kunsmis uit die grond verwyder het.
Die implikasie hiervan is dat die ekstra
verwydering van voedingstowwe deur
die goeie oes nie uit die oog verloor moet
word nie.
Dit is daarom krities dat die voedsel-
produsente hul moet vergewis van hoe-
veel voeding vir die komende seisoen in
die grond beskikbaar is. “Besparing” op
bemesting behoort die komende seisoen
met groot omsigtigheid hanteer te word.
Komende seisoen
Die voorspelling vir ‘n moontlike El Niño-
verskynsel het vanaf Mei heelwat verander.
Volgens die Mei-voorspelling was die
voorkoms van ‘n El Niño-verskynsel by ver-
re die hoogste gewees, gevolg deur die
voorkoms van ‘n neutrale verskynsel en ‘n
baie klein kans op ‘n La Niña-verskynsel.
Die huidige voorspelling dui daarop dat
die kans op ‘n La Niña-verskynsel nog
steeds klein is, maar dat die waarskynlikheid
vir ‘n neutrale-verskynsel drasties verhoog
het en nou heelwat hoër is as ‘n El Niño-
verskynsel.
Dit is natuurlik goeie nuus deurdat daar
moontlik ‘n effens beter seisoen voorlê as
wat aanvanklik verwag is.
Doeltreffender benadering
By Kynoch verhoog ons die doeltreffendheid
deur:
Die gewas meer doeltreffend te maak;
produkte meer doeltreffend te maak; en
die aanwending van presisieboerdery-
inligting meer doeltreffend en meer
bekostigbaar te maak.
Gewasse
Bemestingsvoorstelle word gewas-, groei-
stadium- en plekspesifiek gemaak. ‘n
Gewasspesifieke bemestingsvoorstel bete-
ken dat elke spesifieke gewas verskil-
lend bemes word, maar dat daar ook
gewasspesifieke produkte soos die beken-
de Oemff®-blaarvoedingsreeks vir byvoor-
beeld mielies, koring, sojabone, lusern en
groente ontwikkel is.
Groeistadiumspesifieke bemestingsvoor-
stelle beteken dat die 17 noodsaaklike
voedingstowwe volgens die gewas se be-
hoefte vir elke groeistadium gegee word.
Dit word gedoen omrede sekere voeding-
stowwe gedurende ‘n spesifieke groei-
stadium meer belangrik as ander is.
Plekspesifieke bemestingsvoorstelle bring
die grond en klimaat in berekening. Geen
bemestingsvoorstel kan sonder ten minste
‘n chemiese grondontleding gedoen
word nie. ‘n Chemiese grondontleding
saam met ‘n beplanningsopbrengs en ‘n
wetenskaplik-gefundeerde bemestingsrig-
lyn is ‘n voorvereiste vir ‘n ekonomiese
bemestingsvoorstel.
Binne die Kynoch aanbod is produkte wat
spesifiek gemik is op die verbetering van
die doeltreffendheid van gewasse. Die
plant (gewas) kan as ‘n fabriek gesien word
waar die blaaroppervlakte ‘n kritiese rol
speel.
Die geheim van gewasverbouing lê daarin
om die fabriek so vinnig as moontlik te
bou en dit dan so lank as moontlik aan die
gang te hou. Terselfdertyd moet die fabriek
so vinnig as moontlik (hoë revolusies)
produseer om die potensiële opbrengs
– en gevolglik inkomste – uit die gewas te
verhoog.
Produkte
By Kynoch word daar ook daarop ge-
konsentreer om die doeltreffendheid van
die kunsmisprodukte te verhoog. Een
van die produkte is KynoPlus®, ‘n stik-
stofkunsmis met ‘n hoër effektiwiteit as
van die ander produkte. KynoPlus kan
voor-plant (breedwerpig uitgestrooi, diep
geplaas of liggies ingewerk), met planttyd
(in die plantermengsel) en na-plant as
topbemesting (bo-op die grond uitgestrooi
f ingewerk) gebruik word.
Spesialisprodukte soos KynoPop
TM
, Oemff-
blaarvoedingsreeks is ook beskikbaar. Ky-
noPop is ‘n produk wat in die behoeftes van
die jong saailing voldoen en naby die saad
met planttyd toegedien word om ‘n sterk
en gesonde saailing te vestig, wat beter
weerstand teen strestoestande soos koue
versuiptoestande, onkruiddoderskade en
siektes kan bied.
Die Oemff-blaarvoedingsreeks is gewas-
spesifiek en daarop gemik om die fisiologie
van die gewas te bestuur om sodoende
byvoorbeeld die fotosintesetempo van die
gewas te bevorder en om ‘n bydrae met
stresbestuur te lewer.
Nuwe presisiebenadering
Presisieboerdery het in sekere gevalle ‘n
negatiewe konnotasie begin kry bloot oor
die feit dat dit dikwels slegs in ‘n boek met
kaarte wat in die kas stof opgaar, geëindig
het. Indien presisieboerdery nie tot ‘n aksie
op die plaas gelei het nie, is dit ‘n mislukking
en was dit geldmors.
Wat behoort te gebeur, is dat die data wat
ingesamel is en tot inligting verwerk is,
tot finansiële voordeel van die boerdery
aangewend moet word. Tot nou toe het die
sinvolle gebruik van presisie-inligting die
voedselprodusent in ‘n groot aantal gevalle
ontwyk.
Kynoch het in samewerking met interna-
sionale rolspelers verskillende tegnologieë
sinvol gekombineer om die interpretering
en gebruik van die inligting te vergemaklik.
Hierdie nuwe benadering behels dít wat
werklik ‘n verskil op die plaas kan maak en
is onder sekere voorwaardes gratis aan
Kynoch kliënte beskikbaar.
Opsommend
Opsommend kan gesê word dat, gegewe
die goeie opbrengste van die vorige seisoen
en die voorspellings vir die komende
seisoen, bemesting se doeltreffendheid
verhoog moet word. Kynoch beskik oor
die regte benadering, produkte, tegnologie
en dienste om dit ‘n werklikheid te maak.
Die leuse is nie verniet, verhoogde doel-
treffendheid deur innovasie, nie.
Bemesting
Produk-inligting
DR JOHAN VAN BILJON,
opbrengsverbeteringstelsels, Kynoch Kunsmis