89 / 92
Chevrolet Trailblazer opgeknap vir 2017
d
aar is groot wedywering in die middelslag-nutsvoer-
tuigmark. Dit is dié marksegment waar die Toyota
Fortuner met getalle koning kraai. Die Fortuner se uit-
dagers in hierdie mark is hoofsaaklik die Ford Everest,
maar die Chevrolet Trailblazer ding ook mee.
Hierdie voertuie is kenmerkend omdat hulle op bakkie-onderstelle
gebaseer is en daarom glad nie “sagte” nutsvoertuie is nie.
Interessant genoeg is die Chevrolet Trailblazer alreeds in 1999
internasionaal bekend gestel, terwyl die idee om ‘n nutsvoertuig
op ‘n bakkie se onderstel te bou eers in 2005 deur Toyota met sy
suksesvolle Fortuner beslag gekry het.
Chevrolet se Trailblazer is egter nou weer hersien om opnuut
kompeterend met die jongste geslag van die Toyota Fortuner en
die uitgebreide Ford Everest-reeks te wees. Hierdie vars Trailblazer-
reeks bestaan uit vyf modelle met die keuse van ‘n 2,5- of 2,8-liter
turbodieselenjin en ‘n hand- of outomatiese ratkas. Toevoegings
tot die reeks is ‘n 2,5 LT 4x2 met ‘n outomatiese ratkas en ‘n nuwe
topmodel, die Z71, gebaseer op die 2,8 LTZ 4x4 – ook met ‘n
outomatiese ratkas.
Die jongste 2,5 LT 4x2 is met ‘n outomatiese ratkas met ses
gange toegerus. Hierdie 2,5 liter-dieselenjin lewer 132 kW teen
3 600 r/min en 440 Nm se wringkrag teen 2 000 r/min, wat die
beste werkverrigting in sy klas bied. Die handratmodel met die-
selfde enjinsyfers daarteenoor, is 120 kW teen 3 600 r/min en
380 Nm teen 2 000 r/min.
2,8 LTZ-modelle word aangebied met ‘n outomatiese ratkas wat
met ses gange spog as standaardtoerusting. Die groter weergawe
van die Duramax-enjin lewer 144 kW teen 3 600 r/min en wringkrag
van 500 Nm teen 2 000 r/min.
Die nuutste topmodel van die Trailblazer-reeks is die Z71, wat
hoofsaaklik kosmeties van die LTZ verskil. Onder die kenmerke
wat dié nuweling onderskei, is swart deurhandvatsels, truspieëls
en wiele en voorste kopstutte met spesiale afwerking. Hierdie
model is meganies dieselfde as die LTZ-modelle en beskik oor al
die veiligheids- en geriefskenmerke wat as standaardtoerusting in
daardie modelle aangebied word.
Hierdie reeks bied as standaardtoerusting Chevrolet se
My Link
-
vermaak- en inligtingstelsel – waaraan ‘n slimfoon met behulp van
Bluetooth
gekoppel kan word. Dié stelsel kan ook met
Apple Car-
play
en
Android Auto
gebruik word. Op die LT-modelle kan
Maps
op die uitleespaneel vertoon word, terwyl die LTZ-modelle
satellietnavigasie het. Daar is vier luidsprekers in die LT-modelle en
sewe in die LTZ en Z71; stuurwielkontroles is standaardtoerusting
op al die modelle, asook ‘n ritrekenaar.
Een kenmerk van die Trailblazer wat hom uniek in sy klas maak, is
lugversorging wat vanuit al drie rye sitplekke verstel kan word. Die
klankdemping aan die binnekant is verbeter en leerbekleedsel is ‘n
kenmerk van die hele reeks. Die derde ry sitplekke vou ook in die
bakwerk in.
LTZ-modelle kom met verskeie vars veiligheidskenmerke, onder
meer ‘n stelsel wat jou waarsku wanneer ‘n motor in jou blinde kol
is of as jy buite jou baan op die snelweg beweeg. Dit spog met
dagryligte op al die modelle en LED op die LTZ-modelle wat tot
verhoogde sigbaarheid bydra. Daar is ook ‘n enjinremmingfunksie
vir steil afdraandes en ‘n beperkteglyewenaar is steeds stan-
daardtoerusting op al die modelle.
Die hele reeks is ook toegerus met ABS-remme met elektroniese
remverspreiding. Daarby is daar ‘n sensor wat jou waarsku wanneer
ander voertuie naby jou in ‘n parkeerterrein beweeg wanneer jy dié
terrein wil verlaat.
‘n Funksie wat jou in staat stel om die motor van die afstandbeheer af
aan te sit, is by die outomatiese modelle ingebou. Dit beteken dat die
klimaatbeheerstelsel volgens die heersende weerstoestande verstel
word; die motor bly egter gesluit en kan nie bestuur word voordat
die sleutel in die sleutelgat geplaas word nie.
Chevrolet se nuutste ontwerpfilosofie word in die 2016 Trailblazer
ten toon gestel. Die nuweling is steeds herkenbaar as ‘n Chevrolet,
maar die kenmerkende Chevrolet-kenteken is duideliker sigbaar.
Daarby is die strook wat die rooster in twee verdeel, ook groter. Dit
bied ook ‘n nuwe reeks allooiwiele – 17-duim op die LT-modelle en
18-duim op die LTZ-model.
Die hele Trailblazer-reeks word gerugsteun deur Chevrolet se
Complete Care-plan, wat ‘n waarborg van vyf jaar of 120 000 km
en ‘n diensplan van vyf jaar of 90 000 km insluit. Die pryse van die
Trailblazer wissel van R464 000 vir die 2,5 LT-handrat tot by R623 200
vir die Z71.
Pryse
Trailblazer 2.5D LT 4x2 MT R464 000
Trailblazer 2.5D LT 4x2 AT R481 800
Trailblazer 2.8D LTZ 4x2 AT R552 800
Trailblazer 2.8D LTZ 4x4 AT R613 200
Trailblazer 2.8D LTZ 4x4 AT R623 200.
GERRIE SMIT,
lid van die SA Motorskrywersgilde
WIELE
vir die plaas
87
November 2016
Die Chevrolet Trailblazers is besonder luuks toegerus en ry
gemaklik op die oop pad.
– geharde nutsvoertuig teen ‘n goeie prys