SA Graan November 2016

26 / 92

Jy glo in jou potensiaal
en jou opbrengs …
ONS GLO IN JOU!
news.monsanto.com/rss
011 790-8200
Monsanto is ’n geregistreerde handelsnaam van Monsanto Technology LLC.
Monsanto Suid-Afrika (Edms) Bpk, Posbus 69933, Bryanston, 2021.
uppe marketing A12964/SAG
SY BESTE
TOEKENNING NÓG
“Ek ontvang hierdie toekenning vanaand in nederigheid.
Om ‘n toekenning vanuit die akademie te ontvang
is goed, maar om ‘n toekenning vanuit die bedryf te
ontvang, is selfs beter – dit is die beste!”
Só het prof Zakkie Pretorius, wat onlangs afgetree het by die
Departement van Plantwetenskap van die Universiteit van die
Vrystaat, in sy bedankingstoespraak gesê.
Mnr Jannie de Villiers (uitvoerende hoofbestuurder: Graan SA) het
‘n paar hoogtepunte van prof Pretorius se loopbaan uitgelig voor-
dat dié toekenning deur mnr Andries Theron (visevoorsitter:
Graan SA) aan hom oorhandig is.
“‘n Groot deel van sy loopbaan het hy op die navorsing van koring-
roes spandeer. In 1982 het hy die sentrale roeslaboratorium in
Minnesota in Amerika besoek om meer kennis op te doen met die
oog daarop om te bepaal hoe dié probleem in Suid-Afrika hanteer
moes word, omdat daar op daardie stadium ‘n gebrek aan ervaring
in hierdie onderwerp in Suid-Afrika was. Met sy terugkeer na
Suid-Afrika het hy ‘n laboratorium en infrastruktuur op Bethlehem
gevestig.
Sy oorspronklike navorsing het op blaarroes gefokus, maar later
het hy op streep- en stamroes begin konsentreer. Oor die jare het
sy navorsing, wat in die meeste gevalle saam met ‘n ekstensiewe
netwerk van spesialiste en kollegas gedoen is, ‘n verskeidenheid
van onderwerpe ingesluit – van roes-identifikasie, die ontdekking
van nuwe weerstandgene tot geenkartering. Sy huidige navorsing
is toegespits op hulpmiddels wat sal help om die veelvuldige
gene vir roesweerstand in kultivars te kombineer en te bewys,” het
De Villiers gesê.
Hy het prof Pretorius bedank vir al die ure wat hy in die glashuise
deurgebring het en die studente wat hy voorberei het vir die graanbe-
dryf. “Jy het ons geïnspireer met jou toewyding en ons geleer om
aan dié dinge wat die graanbedryf verhoed om vorentoe te be-
weeg, te werk,” het De Villiers afgesluit.
Prof Pretorius sê hy werk al byna vir 40 jaar in die graanbedryf. “In all
nederigheid kan ek julle verseker dat die werk wat ons in Suid-Afrika
doen met die beste in die wêreld kompeteer,” het hy bygevoeg.
“Hierdie toekenning is my nasionale kleure in graannavorsing; dit is
my Proteakleure. Ek dra hierdie toekenning op aan al die produsente
in die wêreld. Julle is baie braaf en innoverend,” het hy afgesluit.
RUTH SCHULTZ, SA Graan/Grain medewerker en HELENUS KRUGER, foto
GRAAN SA Toekenningsgeleentheid
Andries Theron, regs, oorhandig die inspirasie-
toekenning aan prof Zakkie Pretorius.