15 / 116
‘n
Vriend van Graan SA en ‘n ambassadeur vir landbou,
mnr Manny da Costa van Nigel, is op 25 Januarie vanjaar
oorlede. “Graan SA sal altyd die herinneringe aan Manny
da Costa koester – ‘n lojale lid en ‘n uitstekende am-
bassadeur – nie net vir Graan SA nie, maar ook vir landbou in Suid-
Afrika,” het mnr Jannie de Villiers (uitvoerende hoofbestuurder,
Graan SA) gesê. Da Costa het van 2004 tot 2012 op Graan SA se
Hoofbestuur gedien. Hy en sy broer, Johnny, is ook in 2003 as
Graanprodusent van die Jaar aangewys.
“Hy was die een op wie se knoppie ons kon druk wanneer inter-
nasionale gaste ‘n plaas in Gauteng wil besoek – ‘n diplomaat van
formaat. Ons sal hom in die BBP-lokaal by die NAMPO Oesdag
onthou, in die hoek agter die dienstoonbank – ál vier dae. Hy het
almal met die grootste nederigheid bedien – ‘n eienskap wat almal
bewonder het. Dit het nie saak gemaak of dit ‘n koning of ‘n pre-
dikant of net ‘n normale gas van Graan SA was nie: Almal is met
die grootste respek behandel. Vanuit hierdie perspektief was hy ‘n
onderwyser aan die belangstellende ‘studente’ wat na sy raad en
wysheid geluister het,” het De Villiers onthou.
Mnr Neels Ferreira (voormalige voorsitter van Graan SA) deel die
herinnering. “Ek sal Manny altyd onthou soos hy agter die toonbank
by die NAMPO Oesdag se BBP-lokaal almal met die grootste
respek behandel het. Ek sal hom onthou vir sy nederigheid en
behulpsaamheid. Hy het sy medemens altyd voor sy eie belange
gestel. Manny was van nature ‘n
gentleman
teenoor almal en ‘n
ambassadeur vir landbou in Suid-Afrika,” het Ferreira benadruk.
Da Costa het ‘n nuwe soort boerdery gemodelleer en die pad gelei
met bewaringslandbou en waardetoevoeging tot sy graanbesig-
heid. “Hy was van nature ‘n ongelooflike entrepreneur en was ‘n groot
voorstander vir bewaringsbewerking. Hy het sy seuns, wat saam
in die boerdery was, op ‘n mooi manier die leisels laat oorneem
onder sy unieke leiding,” het Ferreira bygevoeg. Ook De Villiers
noem dat hy ‘n uitstekende model was vir hoe opvolging moet
werk en hy het sy seuns op die voorgrond gehou en aan die woord
gestel wanneer produsente wou weet hoe dinge op Manjoh Ranch
gedoen word.
“Manny da Costa, ons salueer jou vir jou bydrae om van Suid-Afrika
en landbou ‘n beter plek vir almal te maak,” het De Villiers gesê.
“Ons het ‘n groot man vir landbou in Suid-Afrika verloor. Ek eer
Manny se nagedagtenis,” het Ferreira afgesluit.
‘n Groot boom
het geval
SA GRAAN/GRAIN
REDAKSIE
GRAAN SA
! "
# $ % &
' %(
) # $ % &
' %(
* +# + , ! " -" -.
/ 0 #
-
! " -" -.
12 3 4 2 15 3 531
)51 6 31
Manny da Costa, oud-
hoofbestuurslid van
Graan SA, is onlangs in ‘n
motorongeluk oorlede.