111 / 116
‘n Valentynsdagtroue om
van te droom
ABRIE COETZEE,
onthaal- en dekorspesialis
KUIER SAAM MET
Abrie
v
alentynsdag word eeue lank deur die wêreld gevier as ‘n
dag van romanse en liefde. Dit is vernoem na die mis-
terieuse St. Valentine, ‘n priester in Rome. Vir hierdie ge-
paste tema het ons ‘n gebeurtenis in rooi rose, silwer en
ougoud geskep.
Vroegoggend word die bruid wakker gemaak met ‘n romantiese
ontbyt. ‘n Rooi keramiek-eetstel op ‘n houtskinkbord, wat outentiek
afgewit is, is pragtig, keurig gedek met verse van liefde op die hout
geskryf. Die bruid word dadelik in die regte stemming geplaas na ‘n
heerlike ontbyt.
Sy ruik diep en behaaglik die soet reuk van die wynrooi roos en teug
aan die lemoensap met droomverlore oë. Die kapel se gewel is met
‘n krans rooi rose en wit madeliefies en asters soos ‘n wafferse
Valentynsdagreënboog van die grond bo-oor die boog tot op die
onderkant versier. Binne verwelkom honderde kerse die bruid in
staande heuphoogte kandelare – soos soldate in gelid.
Die massiewe saal is getooi in wynrooi tafsy op ronde tafels met
Tiffanystoele in wit. Ougoud kerskandelare in verskillende hoogtes,
sommige omring deur wynrooi rose wat passievolle liefde ver-
sinnebeeld, is die fokuspunt van die tafels. Goue onderborde en
stylvolle, egte linneservette met dik kant en ‘n enkele roos wys die
tafelplekke aan.
Só word dit gedek, met romanse en die eeue-oue legende as die
inspirasie daarvoor. Die bruidstafel is getooi met elegante hoë
staanders, met pragtige flikkerende kerse. Daar word tot in die na-
nag gedans.
109
March 2016
Kontak Abrie Coetzee van Kamelia in Klerksdorp
by 018 468 5689 of 072 804 9841.