34 / 124
FOKUS
Saad
Spesiale
Maart 2015
32
HANS LOMBARD,
vir Monsanto
Dr Shadrack Moephuli (hoof uitvoerende beampte van die Landbouna-
vorsingsraad), links, oorhandig pakkies van die DroughtTEGO WE3127
droogtebestande gewone mieliebastersaad amptelik aan die adjunk-
minister van landbou, generaal Bheki Cele.
Generaal Bheki Cele plant met ‘n eenry-handplanter die eerste
DroughtTEGO WE3127 droogtebestande mielies op die LNR se
Loskop Navorsingsplaas, op Groblersdal. Hy is omring deur ‘n
skare opkomende boere wat elk gratis saad ontvang het om dié
seisoen te plant.
Droogteverdraagsame mielie
bekend gestel
D
ie adjunkminister van Landbou, Bosbou en Visserye,
generaal Bheki Cele, het amptelik die eerste voorraad
droogteverdraagsame konvensionele witmielie-bastersaad
op die Landbounavorsingsraad (LNR) se navorsingsplaas
op Groblersdal, Limpopo, bekend gestel.
Sowat 10 000 sakkies, 500 gram elk en bekend as DroughtTEGO
TM
WE3127, is gratis deur die LNR landwyd aan ‘n aantal opkomende
boere geskenk. Die saad sal tydens die 2014/2015-seisoen in demon-
strasieplotte geplant word.
Met die volgende plantseisoen sal die saad van verskeie saad-
handelaars teen ‘n verlaagde prys beskikbaar wees, danksy
Monsanto wat die tegnologie-tantieme gratis aan opkomende
boere voorsien.
Luidens dr Kingstone Mashingaidze, navorsingspanbestuurder vir
plantteling en biotegnologie van die LNR-Instituut vir Graangewasse
(LNR-IGG), het proewe met WE3127 tydens die 2013/2014-plant-
seisoen opbrengste van gemiddeld tot 7,7 ton/ha in Mpumalanga
gelewer, 7,4 ton/ha in Limpopo en 5 ton/ha in KwaZulu-Natal.
Dié droogteverdraagsame mielie is deur die Waterdoeltreffende
Mielies vir Afrika-projek (WEMA) ontwikkel. Dit is deur die Kenia-
gebaseerde Stigting vir Landboutegnologie in Afrika (AATF) gekoör-
dineer en word geborg deur die Bill en Melinda Gates-stigting, die
Howard G. Buffett-stigting, USAID (die VSA se hulpverleningsagent-
skap), CIMMYT (Internasionale Mielie- en Koringverbeteringsentrum)
en Monsanto. As dit nie vir Monsanto was nie, het dié projek nie
van die grond af gekom nie, aldus dr Sylvester Oikeh, van die AATF
en WEMA-projekbestuurder. Volgens hom het Monsanto drie
transgene (GMO) en 700 globale kiemplasma-tantieme geskenk.
Generaal Cele het gewaarsku dat dié saad nie hulself gaan plant
nie. Hy het ‘n beroep op boere gedoen om hulle sokkies op te trek,
hard aan die werk te spring en die saad te plant. “Maar ons wil nie
werk nie. Suid-Afrikaners is lui. Baie bly in huise omring met grond,
maar stap daaroor na die supermarkte om te gaan kos koop in plaas
daarvan om dit self te plant,” het hy beklemtoon.
“Droogtes veroorsaak oesverliese, werkloosheid, hongersnood
en armoede. Klimaatsverandering voorspel erger toestande met
bogemiddelde temperature. Hierdie drogteverdraagsame-mielie-
variëteite sal boere help om droogtes te verlig,” het generaal Cele
verder gesê. Hy het die aankondiging verwelkom dat droogte- en in-
sekverdraagsame mielies teen 2017 beskikbaar sal wees. Dit sal die
hoë koste van insekdoders vir boere verlig.
Hy het ook ‘n hou gemik na “sommige wat gradueer met
grade en vaardighede en in plaas daarvan om hul moue op te
rol en boere in die veld behulpsaam te wees, vestig hulle hulself
in Sandton en plant blomme”. Vir meer besonderhede, skakel
dr Kingstone Mashingaidze by 018 299 6356 of 074 694 6946.
Baie bly in huise omring met grond,
maar stap daaroor na die supermarkte
om te gaan kos koop in plaas daarvan
om dit self te plant.
“
“