15 / 84
Alhoewel sonneblom nie in hulle wêreld aangeplant word nie, het
Billy Stewart (Napier) en Stephan de Villiers (Caledon) belangstellend
vir Henk Crafford (Agricol) uitgevra oor een van Agricol se nuwe
sonneblomkultivars, Agsun 5270. Die kultivar lewer ‘n konstante,
bestendige opbrengs, het goeie siekteweerstand en kan van die
Springbokvlakte tot by Bloemfontein aangeplant word.
Dié personeel van Pioneer, Philip Fourie (links) en AJ Steyn (tweede van
regs), het vir Manie van Rooy (Tweeling) en André Theron (Frankfort)
meer inligting gegee oor die maatskappy se nuwe P2319B-kultivar
met die MON 89-dubbelgeen (wat bestand is teen stronkboorder).
Die kultivar is wyd aangepas – vir die ooste tot in die weste. Dit is
sterk meerkoppig – ook by ‘n lae plantestand.
Pascalina Mohlotsane, Khwathiso Netshifhefhe (albei van die Univer-
siteit van die Vrystaat) het met Hendrik Mokoto (Pannar) kom gesels
oor die saadmaatskappy se geelmieliebasterpakket vir die westelike
produksiegebied. Hendrik het hulle meer vertel van hul PAN5A-182-
en PAN 6R-710BR-kultivars.
Henco en Rouxan Fouché (voor) het saam met pa Cobus Fouché
(agter links) die NAMPO Oesdag besoek en ‘n draai by Monsanto se
saadplot gemaak. Cobus is een van die produsente wat hierdie jaar
DKC75-65BR as ‘n proef by hom aangeplant het en het opgewonde met
Leon Pretorius (Monsanto) oor dié nuwe witmieliekultivar gesels. Dit is
‘n mediumgroeier met die MON 89-geen en is vanjaar vir die eerste keer
kommersieel verkoop en ook in plantpopulasieproewe aangeplant.
Wally Bergmann (besturende direkteur: Smith Power Equipment) en
Deon Engelke (hoofbestuurder: Verkope, Kubota) is baie trots op die
Kubota M9540-trekker. Volgens Deon is die twee uitstaande kenmerke
van dié 71 kW-trekker sy kort draaisirkel en lae brandstofverbruik.
Die trekker is geskik vir algemene plaaswerk.
SA Graan/Grain
het ook ‘n draai gemaak by sy kennisvennote en
medewerkers wat gereeld artikels vir die tydskrif skryf: LNR-Kleingraan
en LNR-Graangewasse het oudergewoonte in die Microbial Solutions-
saal uitgestal. Voor: Lieketso Moremaholo, Mary James en
dr Annalie Barnard. Agter: Drs Annemie Erasmus en André Malan.
TERUGBLIK
NAMPO 2017
Spesiale
13
June 2017
Nuwe NAMPO-rekord
Uitstallers by NAMPO 2017