12 / 84
TERUGBLIK
NAMPO 2017
Spesiale
Junie 2017
10
Steven Mathews, Suid-Afrika se jong afslaer van die jaar vir 2016,
het deelgeneem aan die internasionale jongafslaerskompetisie
(geborg deur Toyota), wat tydens die eerste drie dae van die
Oesdag plaasgevind het. Hy het met die louere weggestap teen
internasionale deelnemers van Namibië, Argentinië en die VSA.
Nog ‘n eerste by NAMPO was ‘n inligtingsessie wat
SA Graan/Grain
vir
adverteerders gehou het
.
Tydens die geleentheid is hulle bedank vir hul
volgehoue ondersteuning – veral tydens ‘n moeilike produksieseisoen
die vorige jaar. Die adverteerders is ook ingelig oor onder andere die
markposisionering van die tydskrif. Die fotokompetisiewenners vir
2016 is ook aangekondig.
Franci Swart van Swellendam (inlasfoto) het ‘n tweede plek in die
kompetisie behaal met haar foto “Al lê die berge nog so blou”. Sy kon
ongelukkig nie die funksie bywoon nie en die Graan SA Hoofbestuurslid
vir haar streek, Richard Krige (tweede van links), het die R7 000-prys-
geld namens haar in ontvangs geneem. By hom is Jannie de Villiers,
Theo Ferreira en Hennie de Kock.
Vir die skoner geslag was die nuwe vroueprogram ‘n hoogte-
punt op vanjaar se NAMPO kalender. Retha de Villiers (heel regs)
het elke oggend die program op gepaste wyse geopen met sielskos.
Isabel Barends het praktiese dekor-idees gedemonstreer, terwyl pro-
gramleier, Elma Postma, vir Arina du Plessis (tweede van regs) in die
Plaaskombuis gehelp het. Lizz Meiring (middel) het gaste laat skater-
lag met haar stories oor die ware geskiedenis van skoonheid.
Hendrik de Waal van Durbanville (tweede van links) glimlag breed
nadat hy weggestap met die eerste prys (R10 000) vir sy foto “Arends-
oogblik van die Franschhoekvallei” in die 2016 Graan SA/Sasol-
fotokompetisie. By die oorhandigingsgeleentheid op NAMPO Park
was: Jannie de Villiers, Theo Ferreira (voorsitter:
SA Graan/Grain
Redaksiekomitee) en Hennie de Kock (senior bestuurder: Bemarking
en Verkope, Sasol Fertilisers and Base Chemicals).
In die derde plek was Jan Rheeder van Wesselsbron (tweede van links)
se foto van sonneblomme “Oggendstond”. Hy het R3 000 daarvoor
ontvang. Jannie de Villiers, Theo Ferreira en Hennie de Kock wens hom
geluk. Die tema van 2016 se fotokompetisie was “Landbou in volkleur”.
Nuwe NAMPO-rekord