SA Graan Junie 2016

51 / 64

Landbou
bou die land.
Landbou bly ‘n uitdaging ...
Tog, teen alle verwagtinge in en in ‘n land
wat dikwels gebuk gaan onder wisselvallige
reënval en soms knellende droogtes,
werk die land se voedselprodusente
elke dag onvermoeid, omdat daar altyd
nog ‘n seisoen is. Dit is hoekom ons
voedselprodusente aanhou boer, met die
oog op beter opbrengste, beter winste
en om die land te voed – wat ookal die
uitdagings.
Dankie dat die land kan staatmaak op jou
liefde vir die grond. As ‘n land sien ons die
produk van jou harde werk en hoe jy die
toekoms met vertroue tegemoet gaan.
Kynoch – verbeterde
doeltreffendheid deur innovasie.
011 317 2000 |
Nie handeldrywend in die Wes-Kaap.
Farmisco (Edms) Bpk. h.a. Kynoch Fertilizer. Reg. Nr. 2009/0092541/07
uppe marketing A13965/SAG
SUID-AFRIKAANSE MIELIEPRODUSENTE
bewys oor tyd hul is wêreldklas
Suid-Afrikaanse graanprodusente het ‘n merkwaardige pre-
stasie behaal deur opbrengs betekenisvol oor tyd te ver-
hoog ten spyte van relatiewe lae en wisselvallige reënval.
Dit maak hulle voorlopers in die internasionale arena.
Opbrengsverhoging
Indien daar na opbrengs oor tyd gekyk word, was die nasionale
gemiddelde mielie-opbrengs gedurende 1920 ongeveer 0,5 t/ha.
Hierdie gemiddelde opbrengs het geleidelik toegeneem tot onge-
veer 1 t/ha gedurende 1960. Tot en met 1970 het die gemiddelde
opbrengs verder tot ongeveer 1,4 t/ha gestyg.
Vir die volgende tien jaar tot 1980 het die gemiddelde opbrengs tot
ongeveer 2,1 t/ha gestyg, hoofsaaklik as gevolg van bemestings-
navorsing wat uitgeloop het op die gebruik van grondontledings en
die gebruik van stikstof as topbemesting.
Gedurende die sanksiejare en die feit dat lae potensiaal mieliegron-
de ook beplant is om voedselsekerheid te verseker, het die gemid-
delde opbrengs sywaarts beweeg op ongeveer 2,1 t/ha.
Oor die afgelope 20 jaar (1995 tot 2015) is ongekende verhoging in
mielie-opbrengs behaal deurdat die opbrengs meer as verdubbel
het van ongeveer 2,1 t/ha tot ongeveer 4,4 t/ha. Die vryemarkstelsel
het meegebring dat mielies net op die hoër potensiaal gronde
geplant is, wat ‘n groot bydrae tot die verhoging in mielie-opbrengs
gemaak het.
Nuwe generasie hoër potensiaal kultivars het ‘n totaal nuwe dimen-
sie aan gewasverbouing gegee. Bemestingspraktyke moes aange-
pas word en nuwe produkte is ontwikkel om hierdie nuwe potensiaal
te benut.
Nuwe benadering in bemesting
Die verhoging van die opbrengspotensiaal het genoodsaak dat
bemestingspraktyke aangepas moes word om die potensiaal te
benut. Gronddrumpelwaardes van verskeie voedingstowwe moes
verhoog word en nuwe generasie produkte moes ook ontwikkel
word om in nuwe gewasbehoeftes te voorsien.
Só het Kynoch Kunsmis begin om die effektiwiteit van kunsmis-
produkte, sowel as die effektiwiteit van gewasse, te verbeter.
Hiermee saam word daar van ‘n plek-spesifieke, gewasspesifieke
en groeistadiumspesifieke benadering gebruik gemaak. Dit is
juis ‘n kombinasie van hierdie produkte en benaderings wat die
gewasprodusent in staat stel om die potensiaal wat vir elke jaar
beskikbaar is, maksimaal te benut. Kynoch staan nie verniet bekend
vir “Verbeterde doeltreffendheid deur innovasie” nie.
OP PLAASVLAK Bemesting
Produk-inligting
JOHAN J. VAN BILJON, Kynoch Kunsmis