53 / 64
Intelligente gewasoplossings
vir volhoubare landbou
I
nteliGro is die resultaat van die integrasie van twee van Suid-
Afrika se markleiers in die gewasoplossingsbedryf. TechniChem,
met sy hoofkantoor op Viljoenskroon, bedien sy produsente
alreeds vanaf 1989 met gewasoplossingsinisiatiewe in die sen-
trale en noordelike landboustreke van Suid-Afrika. Terason, op sy
beurt, verskaf ook sedert 1989 soortgelyke dienste aan die suidelike
streke van die land vanuit Wellington.
Die nuwe besigheid is gunstig geposisioneer om die uitdagings ten
opsigte van voedselsekerheid in die landboubedryf deur middel
van sy oplossingsgefokusde benadering te hanteer om sodoende
die optimalisering van opbrengs en verbeterde kwaliteit as hoof-
doelwitte na te streef.
Die maatskappy verskaf ‘n kombinasie van produkte, vaardighede,
tegnologie en kundigheid deur middel van spesifieke programme en
aanwendings en verleen op die wyse ondersteuning om volhoubare
landbou te verseker. Hul kernbesigheid is om produsente van die
nodige middele te voorsien om die verlangde resultate te behaal en
sodoende volhoubare produksie in die hand te werk.
Die tegniese en bemarkingsdienste-afdeling, met 14 gekwalifiseerde
en hoogs-ervare tegniese bemarkingspesialiste, verskaf nie slegs
uitstaande diens aan produsente nie, maar verseker ook dat die
gewasoplossingspesialiste ten alle tye goed opgelei en op standaard
is wat betref die nuutste tegnologie, gewas- en marktendense.
Hulle verskaf ‘n omvattende gewasbeskermingsprodukreeks aan
produsente wat uit insek-, swam-, onkruid-, aalwurm-, mytdoders
en plantgroeireguleerders bestaan. Met die samestelling van die
produkreeks word oorweging aan onder andere antiweerstand-
strategieë, markvereistes, produsentvoorkeure, residu-beperkinge,
geïntegreerde plaagbeheer, bestuurstrategieë, formulerings en ver-
pakking gegee.
Die belangrikste dienste wat InteliGro aanbied, is:
Gedifferensieerde gewasoplossings ondersteun deur ‘n sterk
tegniese span.
‘n Omvattende gewasbeskermingsprodukportefeulje.
Gespesialiseerde plantvoedingsoplossings.
Innoverende en ondersteunende tegnologie.
‘n Gevestigde, dinamiese verspreidingskanaal wat produkte en
dienste landswyd aanbied.
Gevestigde en gesonde vennootskappe met navorsingsgeba-
seerde, multinasionale en ander verskaffermaatskappye.
Biologiese oplossings.
Uitsetgedrewe benadering
As ‘n toegewyde vennoot in die landboubedryf is die onderneming
verbind tot ‘n sakevennootskap met produsente en volhoubare
gewasoplossings wat uitset en gehalte optimaliseer en ook risiko
beperk.
BOET WIENAND,
besturende direkteur: InteliGro Noord
OP PLAASVLAK
Geïntegreerde plaagbeheer
Produk-inligting