37 / 108
Produk-inligting
Grondsuurheidskwessies by
NAMPO bespreek
T
ydens die 2017 Graan SA NAMPO Oesdag het Grasland
‘n geslote opname as deel van
Nasie in Gesprek
gehou.
Verskeie belanghebbendes het die opname bygewoon,
waar daar onder andere oor grondsuurheid, ondergrond-
suurheid, asook die Grasland besighede in die algemeen gesels is.
Die bekende mnr Theo Vorster (hoof uitvoerende beampte, Galileo
Capital) wat die anker van die paneelgesprek was, het aktuele
landbou-onderwerpe saam met mnre Etienne Schoeman (bestu-
rende direkteur, Grasland), Martiens du Plessis (bestuurder: Presi-
sieboerdery, NWK) en dr Pieter Haumann (hoof uitvoerende
beampte, Fertasa) bespreek.
Ondergrondse versuring
Daar is oorwegend aandag aan grondsuurheid gegee. Onlangse
navorsing beklemtoon die feit dat grondsuurheid op ‘n nasionale
basis in Suid-Afrika vererger. Ondergrondse versuring van gronde
neem kommerwekkend toe.
Die hoofoorsake vir die toename in die tendens is nie net die
onoordeelkundige toediening van veral stikstofdraende kunsmis
nie, maar ook dat al meer produsente minimum tot geenbewerking
begin toepas.
Minder kalk vermeng met die grond om die grondsuurheid teë te
werk. Produsente is tydens die paneelbespreking aangeraai om ge-
reeld hul ondergrond se chemiese status te monitor. Dr Haumann
bevestig ook dat gereelde jaarlikse bekalking die produsent se
beste verdediging is om ondergrondsuurheid te bekamp. Produ-
sente moet kalkbronne wat geregistreer is, oor genoegsame fynheid
beskik en wat verkieslik amorf is, kies.
Du Plessis voeg verder by dat kalk baie swak wateroplosbaar is en
daarom fyn genoeg moet wees, asook deeglik in die grond vermeng
word, om reaksie te verseker.
Kalkmengsels
Volgens Du Plessis kan gips en kalkmengsels voordelig wees om
ondergrondsuurheid aan te spreek waar die seskwioksiedes in
goedgebufferde gronde met die swael in die gips reageer om die
grond meer alkalies te maak. Die teenwoordigheid van Ca en Mg,
afkomstig van die kalk in hierdie mengsels, verhoed dat daar Ca- en
Mg-verarming tydens die seskwioksied-reaksie plaasvind.
Grasland versprei hierdie mengsels vanaf sy Britten- en Lovedale-
aanlegte. Daar is standaard 20%, 40% en 50% gipsmengsels
beskikbaar, maar enige kombinasie kan op bestelling voorberei
word, afhangende van individuele produsente se behoeftes.
Du Plessis noem dat kontantvloeidruk op produsente aanleiding
gee tot hierdie gedrag en dat ‘n beter strategie vir produsente is
om hul lande te verdeel in byvoorbeeld derdes en dan om die beurt
‘n derde elke jaar te bekalk. Op dié wyse is die jaarlikse kontantuit-
leg ten opsigte van kalk aansienlik kleiner.
Grasland staan produsente by deur middel van uitgestelde beta-
lingskemas, waar produsente tot en met drie jaar kredietopsies
gebied word om historiese grondsuurheid aan te spreek.
Die maatskappy se produkte is afkomstig van amorfe bronne of
fyn gemaalde kalkstene wat hoogs reaktief is, vergeleke met
bronne wat metamorfies of kristallyn is. Die toename in opbrengs
is genoegsaam om drie jaar se bekalking binne ‘n enkele jaar terug
te betaal.
Aanlegte
Grasland het die afgelope twee jaar heelwat aan sy kalkbron-aan-
legte bestee om te verseker dat kwaliteit, fynheid en veral kapasi-
teit prioriteit geniet. Daar is in die twee jaar veral aandag gegee aan
die vervanging van mobiele masjinerie by sy Britten-, Lovedale-,
Buhrmansdrif- en Marico-aanlegte. Kapasiteitverbeteringe is aan
die einde van 2016 by Britten aangebring om te verseker dat daar
voldoende voorraad is.
Die Lovedale-aanleg is veral toegerus om daarop te fokus om ver-
skillende mengsels te maak en heelwat voorraad is beskikbaar.
Groot opgraderings is by die Buhrmansdrif-aanleg aangebring en
‘n splinternuwe voerkalkpakker is reeds in produksie. Die aanleg se
kapasiteit is ook uitgebrei.
Geografiese voetspoor vergroot
Grasland se strategie is tweeledig: Om sy geografiese voetspoor in
die landbousektor te vergroot, terwyl die maatskappy ook die aan-
treklike industriële sektor wil betree.
Grasland vier boonop vanjaar sy 50ste bestaansjaar en belang-
hebbendes sal in die nabye toekoms by die vieringe betrek word.
35
July 2017
FOKUS
Bemesting
Spesiale
ETIENNE SCHOEMAN,
besturende direkteur, Grasland
Paneellede van die geslote Grasland
Nasie in Gesprek
opname tydens NAMPO Oesdag 2017.