32 / 108
Produk-inligting
Julie 2017
30
Doeltreffende bemesting vir
die komende seisoen
D
ie afgelope seisoen was ‘n rekordjaar vir graanprodu-
sente. Die voorspellings vir die komende seisoen dui op
‘n El Niño-verskynsel. Wat behoort die benadering dan
te wees?
Die Nasionale Oesskattingskomitee is van mening dat die afgelope
seisoen ‘n rekordoes van 15,63 miljoen ton mielies gaan oplewer.
Die styging is ongeveer 1,9 t/ha (49% verhoging) – wat beteken
dat daar meer voedingstowwe per hektaar as die vorige seisoen
verwyder is. Voeg daarby die voorspelling van ‘n El Niño-verskyn-
sel en dit beteken dat daar vanuit ‘n bemestingsoogpunt meer
doeltreffend te werk gegaan moet word.
Hierdie doel kan bereik word deur ‘n doeltreffende benadering te
volg, die doeltreffendheid van die gewasse te verhoog en om ook
die doeltreffendheid van die kunsmisprodukte te verhoog.
Doeltreffender benadering
By Kynoch verhoog ons die doeltreffendheid van bemesting deur
‘n gewasspesifieke, groeistadiumspesifieke en plekspesifieke bena-
dering te volg.
Gewasspesifiek
Graangewasse soos byvoorbeeld mielies, sonneblom en sojabone
se voedingsbehoeftes verskil baie van mekaar en behoort elkeen
verskillend bemes te word. Daarom het Kynoch dan ook die
Oemff®-blaarvoedingsreeks, wat gewasspesifiek is, ontwikkel.
Daar is byvoorbeeld verskillende produkte vir mielies, koring,
sojabone, lusern en groente wat gebruik kan word.
Groeistadiumspesifiek
Buiten dat produkte gewasspesifiek moet wees, moet dit ook
groeistadiumspesifiek wees. Verskillende voedingstowwe is meer
belangrik gedurende sekere groeistadiums as ander. Só ‘n bena-
dering kom op Voedingstofskedulering
TM
neer. Daar is 17 essensiële
voedingstowwe waarsonder die gewas nie kan klaarkom nie,
maar gedurende sekere groeistadiums is sekere voedingstowwe
meer belangrik as ander. Al die voedingstowwe behoort volgens
groeistadiums gegee te word om die beste resultaat te verkry.
Plekspesifiek
Met inagneming van ‘n gewasspesifieke en groeistadiumspesifieke
benadering, moet die grond en klimaatomgewing ook in bere-
kening gebring word. Geen bemestingsvoorstel kan sonder ten
minste ‘n chemiese grondontleding gedoen word nie. ‘n Che-
miese grondontleding saam met ‘n beplanningsopbrengs en ‘n
wetenskaplik-gefundeerde bemestingsriglyn is ‘n voorvereiste vir
‘n ekonomiese bemestingsvoorstel.
Doeltreffender gewasse
Plante, oftewel gewasse, het die vermoë om die son se energie in
die teenwoordigheid van water, voedingstowwe en gasse na voed-
sel vir mens en dier om te skakel. Hierdie proses staan as fotosin-
tese bekend. Die doeltreffendheid van gewasse kan verbeter word
deur die doeltreffendheid van die proses van fotosintese te verbeter.
Daarom is daar binne die Kynoch-produkreeks produkte wat spe-
sifiek gemik is op die verbetering van die doeltreffendheid van
gewasse. Die plant (gewas) kan as ‘n fabriek gesien word, waar
die blaaroppervlakte ‘n baie belangrike rol speel. Die geheim van
gewasverbouing lê daarin om die fabriek so vinnig as moontlik te
bou en dit dan so lank as moontlik aan die gang te hou. Terselfder-
tyd moet die fabriek so vinnig as moontlik (hoë revolusies) produ-
seer om die potensiële opbrengs en gevolglik inkomste van die
gewas te verhoog.
Doeltreffender produkte
By Kynoch word daar ook gekonsentreer om die doeltreffendheid
van die kunsmisprodukte te verhoog. Een van die produkte is
KynoPlus
®
, ‘n stikstofkunsmis met ‘n hoër effektiwiteit as van die
ander produkte. KynoPlus kan voor-plant (breedwerpig uitgestrooi,
diep geplaas of liggies ingewerk), met planttyd (in die plantermeng-
sel) en na-plant as topbemesting (bo-op die grond uitgestrooi of
ingewerk) gebruik word.
Spesialisprodukte soos KynoPop
TM
, Oemff-blaarvoedingsreeks en
die nuutste toevoeging, Kyno
μ
Algae
TM
is uiters doeltreffende
produkte. KynoPop is ‘n produk wat in die behoeftes van die jong
saailing voldoen en met planttyd naby aan die saad toegedien
word om ‘n sterk en gesonde saailing te vestig wat beter weerstand
teen strestoestande soos koue-versuiptoestande, onkruiddoder-
skade en siektes kan bied.
Die Oemff-blaarvoedingsreeks is gewasspesifiek en is daarop
gemik om die fisiologie van die gewas te bestuur om sodoende by-
voorbeeld die fotosintesetempo van die gewas aan te help en om
bystand te verleen met stresbestuur.
‘n Nuwe, baie opwindende produk is Kyno
μ
Algae wat alleen of
in kombinasie met KynoPop en die Oemff-blaarvoedingsreeks
gebruik kan word. Die hooffunksie van Kyno
μ
Algae is om die
produktiwiteit van die gewas te verhoog, om die kwaliteit van dít
wat geproduseer word te verbeter en moontlik die belangrikste
funksie is dat dit voorkomend of regstellend gebruik kan word om
die immuniteitstelsels van die gewas en stresbestuur te verbeter.
Opsommend
Opsommend kan gesê word dat die doeltreffendheid van bemes-
ting met die goeie opbrengste van die vorige seisoen en die
voorspellings vir die komende seisoen verhoog moet word.
Kynoch beskik oor die regte benadering en produkte om dit te
bewaarheid. Ons leuse is nie verniet “Verhoogde doeltreffendheid
deur innovasie” nie.
FOKUS
Bemesting
Spesiale
DR JOHAN VAN BILJON,
Opbrengsverbeteringstelsels, Kynoch Kunsmis
Bogemiddelde oeste is die
afgelope seisoen afgehaal.