SA Graan Julie 2015

6 / 92

4
ek sit nou die aand in die nuusateljee in Pretoria en
wag vir die nuusleser in Johannesburg se onderhoud
met my. Die hoofnuus gaan oor ons president se be-
huising en die koste daaraan verbonde en wie daarvoor
moet betaal.
Daarna volg die storie van vermoedelike omkoopgeld wat Suid-
Afrika betaal het om die gasheer vir die 2010 Sokker Wêreld-
beker te wees en dieselfde dag word die persoon wat die
loodskomitee gelei het, tot burgemeester van die Nelson Mandela
Metropool verkies.
Toe kom ek aan die woord: “Mnr De Villiers, dit is vandag Wêreld
Hongerdag, hoe vaar Suid-Afrika in hierdie verband?” Ek wou op
daardie oomblik dit uitskreeu dat ons die geld waarvan hulle so
pas gepraat het, eerder vir arm mense kon gee om die honger-
snood in ons land teen te werk. Wat het van ons land geword?
Die positiewe is egter dat die hoeveelheid arm mense in ons
land nominaal en proporsioneel aan die verminder is. Suid-Afrika
het alreeds die Verenigde Nasies se millenniumdoelwit bereik
deur die hoeveelheid mense wat van minder as US$1 per dag lewe,
te halveer.
Inteendeel, ons het ook die hoeveelheid mense wat teen
minder as US$1,50 per dag lewe, binne dié tydsraamwerk ge-
halveer. Dit is inderdaad goeie nuus. ‘n
Mens se gedagtes kan maar net wyd loop
as jy dink wat ons sou kon vermag het as daar
nie soveel korrupsie was nie.
Dit is hierdie jaar moeilike tye in die graan-
bedryf. Die manne in die noorde bly aan die
stropers se monitors klap om te kyk of dit nie
gaan staan het nie en die manne in die suide
hou die weer dop. Met die skryf van hierdie
artikel, het die Kaap nog nie reën gekry nie,
so die jaar begin inderdaad ook droog daar.
Soos dinge nou staan, is klimaatsverande-
ring se skerp kant op ons. Hierdie gebeure
noodsaak produsente om weer en weer te
besin oor bewaringsbewerking en oorlaat-
stelsels. Volhoubare graanproduksie het voor-
waar baie aspekte om te oorweeg.
Die sogenaamde streep in die sand wat
Graan SA tydens die NAMPO Oesdag oor die
minister se grondhervormingsplanne getrek het, het toe wel vuur
getrek. Oom Fanie het altyd gesê: “As die jakkals tjank, was die
skoot raak!” Die minister het van die rolspelers bymekaar geroep
om te hoor waarom ons hom so in die openbaar kritiseer.
Die gesprek was goed en die openlikheid en eerlikheid daarvan
het my moed gegee dat daar tog ‘n onderhandelde oplossing
iewers kan wees. Dit bly maar moeilike sake en daar is uiteenlopen-
de doelwitte tussen die verskillende partye. Saamstaan is nou mos
maar een maal ons Achilles heel.
Elke party speel vir ‘n ander pawiljoen. Geduld raak op en fru-
strasievlakke raak baie hoog. Ons geloof word ook getoets en dit
is elke keer vir my ‘n wonderwerk as sulke gesprekke nie die land in
chaos laat nie.
Laastens wil ek ook vanaf Graan SA se kant die nuwe span wat by
Agri SA aangestel is, gelukwens en sterkte toewens. Vir my was
dit ‘n baie duidelike boodskap dat georganiseerde landbou besig
is om versterkings in te bring en nie terug te deins vir die huidige
uitdagings nie.
Graan SA sien daarna uit om saam met julle te werk in die soeke
na nuwe oplossings. Dit was lekker om vir Omri van Zyl en
Thabi Nkosi by NAMPO as gaste te ontvang en hulle ‘n eersteklas-
voorsmakie van die graanbedryf te gee.
Wat het van ons land geword?
JANNIE DE VILLIERS, uitvoerende hoofbestuurder/CEO
“
Die gesprek was goed en
die openlikheid en eerlikheid
daarvan het my moed gegee
dat daar tog ‘n onderhandelde
oplossing iewers kan wees.
“
STANDPUNT
POINT OF VIEW Graan SA
Julie 2015