35 / 44
33
January 2018
Maak dus seker dat elke pos ‘n volledige posbeskrywing en
posontleding het, sodat die regte persone aangestel kan word.
Wanneer iemand geïdentifiseer word, wil ek werklik elke werkgewer
aanraai om die aansoeker se verwysings deeglik na te gaan alvo-
rens ‘n aanstelling gemaak word.
Indien daar periodes op ‘n CV ontbreek, doen deeglik navraag
oor daardie periodes. Jy sal nie kan raai hoe dikwels ek persone
wat by ‘n werkgewer afgedank is, weer by ‘n volgende werkgewer
vind nie.
Indien daar nie iemand met die nodige kennis en vaardighede
aangestel word nie, kan daar sekerlik nie van die administratiewe
beampte en of voorman verwag word om al die nodige kennis te
hê nie. Daarom moet ons ook die nodige opleiding en bystand
verskaf.
Hierdie opleiding en bystand is ‘n werklike behoefte, wat al vir ‘n
geruime tyd deur die AGRISETA aangespreek word. Produsente
het die voorreg om ‘n sektorale opleidingsoutoriteit te hê wat
effektief funksioneer en meeste van die opleiding benodig, op aan-
soek kan befonds.
Wanneer ‘n produsent sy eie mense oplei en aanwend om hom
by te staan, word die werksplek ‘n stelsel waarbinne komplekse
verhoudings maklik en effektief hanteer kan word.
In kort: Jou boerdery is jou besigheid en dit is somtyds nodig om
uit die boks te dink om daardie legkaart wat jou suksesverhaal ver-
tel, te bou.
Ek wil van hierdie geleentheid gebruik maak om elke produsent te
bedank vir die voorreg wat ek het om daagliks te kan sien hoe lief
hy/sy die grond en boerderybesigheid het, om in bitter moeilike
omstandighede steeds die veraf reënwolke te sien wat sy/haar
grond met genadewater besprinkel.
Indien jy enige advies rakende hierdie aangeleentheid of enige
ander arbeidsverhoudinge- of menslike hulpbron-kwessies benodig,
kan jy Dirk Coetzee (wat op Bothaville gesetel is) by 082 443 0296
of 056 515 2001 skakel.
“Buite die boks”-boerdery
Hoe sou jy iemand oortuig om iets te doen wat hulle
nie wou doen nie?
PRELINE:
Sjoe – ek sou saggies praat en al die hoekoms sê en met
my hand op hul skouers diep in hul oë kyk. En natuurlik glimlag!
PETRU:
Oortuiging...ek sal hul op die mooiste moontlike manier
manipuleer.
Wie is jou rolmodel en hoekom?
PRELINE:
Jenny Mathews (voormalige Graan SA-hoofbestuurslid)
en dr Marinda Visser (bestuurder: Navorsing en Beleidsentrum,
Graan SA). Twee ystervroue wat regtig nie bang is om op te staan
vir dít waarin hul glo nie. Jenny doen steeds meer en meer boekeken-
nis op – ouderdom maak nie saak nie – en sy het ‘n ongelooflike
passie vir haar medemens.
PETRU:
My broer. Hy is standvastig, ‘n steunpilaar en ek staan altyd
verstom oor hoe hy alles – met ‘n goeie hart – vir almal doen. Hy is
wonderlik en ek vind moeilik woorde om te beskryf hoe ongelooflik
hy vir my is.
Wat is jou
super power
?
PRELINE:
My glimlag – want enige situasie kan verlig word. My
glimlag en manier van lag is 100% ek en wat eintlik maak dat mense
my ken.
PETRU:
Ek is ‘n spanspeler – ek probeer die beste in mense raaksien
en ek probeer seker maak hulle sien dit in hulself.
Jou raad vir die Grain Academy Klas van 2018?
PRELINE:
Jy moet dit wíl doen. Jy moet wil werk aan jouself en
jy moet daar wil wees om ‘n verskil aan jou eie lewe te maak. Jy
moet passievol wees oor die onbekende wat vir jou wag. Dit is ‘n on-
bekende rit, maak jou gordel vas en benut die geleentheid ten volle
en indien jy nie gaan kan nie, gee die geleentheid aan iemand anders
om te benut.
PETRU:
Benader die geleentheid oopkop, met geen vooropgestelde
idees nie. In dié tyd wat jy daar is, gee net jou beste en wees krities
op jouself – op waar jou sterk en swak punte is. En onthou, dit maak
nie saak wát jy leer nie – jy moet dit in die praktyk kan toepas.
Wat het die Grain Academy vir jou beteken?
PRELINE:
Dit het my oë laat oopgaan en ek kon myself beter ver-
staan. Ek is die geleentheid gegun om my los te maak van baie dinge.
Ek gaan nou ‘n nuwe toekoms in en hierdie nuwe Preline is slagge-
reed daarvoor. As jy jouself nie verstaan nie, kan jy nie die toekoms
tegemoet gaan nie. Dit wat ek geleer het, sal my nog baie ver bring
en het my toegerus vir enige uitdaging wat op my pad mag kom.
PETRU:
‘n Aangename ervaring waar ek kundigheid oor ‘n wye
spektrum temas, gefokus op leierseienskappe, opgedoen het. Ek
het myself beter leer ken, maar die ontmoeting met ‘n dinamiese
groep jongmense wat deel was van die ervaring, was verseker
‘n hoogtepunt.
Vanaf 2018 is die Grain Academy-aansoeke oopgestel vir pro-
dusente van alle gewasse. Meer inligting kan gevind word by
www.grainacademy.co.za.
Petru Fourie