22 / 150
Skat só jou eie oesopbrengs
Droëland:
Besproeiing:
Are of halms per m
2
x sade per aar
3 500
= ton/ha
Are of halms per m
2
x sade per aar
3 000
= ton/ha
Navorsing ten opsigte van metodes vir die bepaling van akkurate haelskade word deurentyd deur
finansiële instellings gedoen. Opbrengsskattings vir ‘n reeks gewasse word ook gereeld verfyn.
Hierdie navorsing word nooit as afgehandel beskou nie. Nuwe terreine word voortdurend bestudeer
en bestaande prosedures word getoets en aangepas om tred te hou met onder meer nuwe kultivars en
veranderde boerderytegnieke.
Een gebied wat intens bestudeer word, is die bepaling van oesopbrengste of oesskattings.
Sekere formules is ontwikkel en aangepas, maar ‘n deeglike kennis van onder meer die betrokke
boerderyvertakking en -streek bly belangrik met die bepaling van ‘n oesopbrengs.
Die volgende inligting moet slegs as riglyne gebruik word. Nietemin kan dit handig te pas kom
wanneer produsente die potensiële oesopbrengs wil beraam. Daar moet egter in gedagte gehou
word dat daar baie veranderlikes is wat die akkuraatheid van ‘n oes- of opbrengsskatting kan
beïnvloed. Hoe nader aan oestyd, hoe akkurater kan bepalings gedoen word, omdat daar minder
kans is dat groot veranderlikes kan voorkom. Een van die mees kritieke faktore is die pitmassa. Dit
varieer nie net baie van seisoen tot seisoen nie, maar ook binne die seisoen. Selfs nadat die oes ryp
geword het, kan faktore soos kopvrot en ander patogene die pitmassa beïnvloed.
Die riglyne is soos volg:
1. Koring
By koring is ‘n goeie gemiddelde saadtelling ongeveer:
Droëland:
3 500 sade/100 g.
Besproeiing:
3 000 sade/100 g.
Vir opbrengsbepalings word twee algemene praktyke, naamlik saai en plant, afsonderlik beskryf.
1.1 Die saai van koring of plant in baie nou rye
1.1.1 Eerstens word die aantal are of halms per vierkante meter (m²) bepaal.
1.1.2 Die gemiddelde aantal sade per aar word bepaal deur die sade in ‘n monster van
koringare, wat klein en groot are na verhouding insluit, te tel. Indien die sade nog nie getel
kan word nie, moet ‘n goeie gemiddelde telling vir die betrokke kultivar gebruik word.
1.1.3 Die volgende formule kan aangewend word vir die berekening van die opbrengs waar
koring gesaai is:
1.2 Koring wat in onderskeibare rye geplant is
1.2.1
Bepaal die rywydte soos volg: Die afstand oor tien ryspasies word gemeet, met ander
woorde vanaf ry een tot ry elf, en die afstand só verkry, word deur tien gedeel om die
rywydte te bepaal.
VOORBEELD
Afstand oor 10 ryspasies = 3,5 m
Rywydte is 3,5 m
10
= 0,35 m
Vervolg op bl. 21