48 / 68
Februarie 2016
46
TT-kanola verseker volhoubare
graanproduksie
E
en van die grootste kopsere waarmee bykans elke produsent
jaarliks worstel, is hoe om die raaigras in sy koringlande te
beheer. Die voorkoms van raaigrasweerstandbiedendheid kom
redelik algemeen voor en verskeie produsente gebruik kanola in
hulle wisselboustelsel om hierdie probleem aan te spreek.
Heelwat produsente het raaigraspopulasies wat weerstandbie-
dend is teen die chemiese onkruiddodergroepe wat vir die beheer
van eenjarige grasse in koring toegedien kan word, met ander
woorde die FOPs en DIMs (Groep A) en die Sulfonylureas (of die
SUs) (Groep B).
Dit veroorsaak natuurlik dat die selektiewe eenjarige grasdoders
wat in kanola aangewend kan word (Groep A), ook swak of geen
beheer van raaigras tot gevolg het. Só is Cysure (Groep B), wat
op die Clearfield-kultivars gebruik kan word, ook grotendeels on-
effektief in hierdie geval.
Wat is die alternatiewe opsies? Een van die oorblywende opsies wat
wel beskikbaar is, is om triasientolerante (TT) kultivars te plant en
‘n triasienonkruiddoder te gebruik vir die beheer van grasonkruide.
Een van die besware hierteen is egter dat die triasienbestande kul-
tivars onder normale toestande wel ‘n effense laer opbrengs lewer
in vergelyking met die ander kanolakultivars en dat produsente
dan eerder gebruik maak van die hoër produserende konvensionele
of Clearfield-kultivars. Die vraag is egter of dit die beste besluit is
en of dit op die lange duur tot voordeel van die produsent is.
Soos reeds genoem, kom raaigrasweerstandbiedendheid redelik
wyd voor en is heelwat van die ouer selektiewe grasonkruiddoders
bykans nutteloos. Alhoewel nuwe middels van tyd tot tyd voorkom,
is hulle gewoonlik redelik duur en is die algemene vraag vir hoe
lank hulle effektief gaan bly. Die norm is om hierdie middels aan
te hou gebruik totdat hulle effektiwiteit afneem waarna daar dan
gehoop word dat nuwe produkte beskikbaar sal wees om die
onkruidprobleem verder aan te spreek.
Gegewe die impak van onkruidpopulasies op die opbrengs van
kleingrane, die koste van nuwe selektiewe grasdoders en dat die
punt moontlik eendag bereik kan word waar niks meer werk nie,
kan gevra word of die verlaagde opbrengs van die TT-kultivars
enigsins relevant is.
Is ons nie besig om
penny wise, pound foolish
hier te redeneer
nie? Is dit nie raadsaam om die werking van die ouer, goedkoper
grasonkruiddoders te beskerm nie? Oorskadu die voordeel van
die gebruik van triasienonkruiddoders nie heeltemal die verlaagde
inkomste van TT-kanolakultivars nie?
Die realiteit is dat aspekte soos hierdie ernstig oorweeg moet
word om die winsgewendheid van kleingraanverbouing in die
toekoms te verseker. Vermy herhaalde aanwending van middels
uit dieselfde chemiese groep en probeer voortdurend die ak-
tiewe bestanddele te wissel om die opbou van weerstandige gras-
populasies te vermy.
Agricol het toegang tot uitstekende genetika wat betref TT-kanola-
kultivars en opbrengssyfers uit die bedryf toon dat die kultivars
Atomic en Gem met groot sukses verbou word.
Volgens mnr Jannie Louw, wat boer in die Hermon-area, het
Atomic baie goed vertoon ondanks die lae grondvogtoestande
(200 mm vir die seisoen) wat in 2015 in die gebied voorgekom het.
Volgens Louw plant hy nog altyd net TT-kanola en is Atomic beslis
een van die bestes in hierdie groep.
Mnr Gawie Kok van die Villiersdorp/Caledon-area het gemiddeld
1,5 t/ha met Atomic, wat eers einde Mei geplant is, behaal.
Mnr Fritz Joubert van Gansbaai het gemiddeld 2,2 t/ha met die-
selfde kultivar behaal en was beïndruk met hoe vinnig die rye
toegemaak is.
Mnr Jannie Viljoen, wat in die Greyton-area boer, het ook Atomic
geplant en het gemiddeld 1,8 t/ha afgehaal.
PROMOSIE-ARTIKEL
DIRK HANEKOM,
landboukundige: Agricol
Atomic-kanola gereed om geoes te word.