63 / 76
Monsanto kyk terug oor 2014
M
nr Kobus Steenekamp (besigheidsbestuurder: Mon-
santo SA) het by Monsanto se jaarlikse mediajaar-
eindfunksie op 26 November verlede jaar, onder andere
gesels oor Monsanto se 2014-hoogtepunte:
Een van die groot hoogtepunte in 2014 was toe Monsanto
wêreldwyd aangewys is as een van die top 25 multinasionale
maatskappye om voor te werk. Monsanto het ‘n agtste plek op
dié ranglys verwerf (drie plekke beter as die vorige jaar).
Monsanto het ‘n baie sterk fokus op jongmense wat in die
landbousektor kan werk en daarom hou dié maatskappy aan
om in toekomstige leiers te belê deur internskappe, beurse
asook die bywoning en deelname aan die Internasionale
Voedsel- en Landboubesigheidsbestuursvereniging (Ifama)
en Agbiz se kongres. “Dit is belangrik om nie net te belê in die
wetenskaplike rigtings nie, maar ook in die finansiële rigtings,
want elke landboubesigheid het ook finansiële poste,” het
Steenekamp gesê.
Oor die afgelope tien jaar was grondhervorming Monsanto
se nommer een punt wanneer langtermynplanne gemaak
moes word. “Monsanto is daarom verheug oor die vordering
wat gemaak is met ‘n ordelike proses in die beste belang van
alle partye met die beskerming van voedselsekerheid en
eiendomsreg,” het hy gesê.
Monsanto het einde verlede jaar begin om fokusgroepe te hou
met nuwe era kommersiële produsente. “Ons is aangenaam
verras deur hierdie produsente se vaardighede en die suksesse
wat hulle bereik. Ons gaan baie sterker fokus op hierdie seg-
ment en seker maak dat dié produsente ook toegang kry tot al
die tegnologieë in die landbousektor.” Monsanto het reeds een
van hierdie produsente, mnr Morapedi Mutloane van die Lich-
tenburg-distrik, gekontrakteer vir saadproduksie. “Ons gaan vir
die eerste keer ‘n volwaardige nuwe era kommersiële produsent
gebruik as ‘n saadprodusent. Dit is ‘n groot stap vorentoe vir
Monsanto. Mutloane sal sy werk met groot sukses aanpak,
omdat hy die beginsels van bestuur baie goed verstaan en hy
omring hom met mense wat vir hom die tegniese vaardighede
en kennis kan gee,” het Steenekamp verder verduidelik.
Monsanto het in samewerking met die Universiteit van Pretoria
(UP) die interaktiewe webblad van die Suid-Afrikaanse inisia-
tief vir onkruiddoder-navorsing (SAHRI) bekend gestel. Die
SAHRI-webtuiste is deel van ‘n gesamentlike navorsingspro-
gram van Monsanto en die UP wat begin September 2012 ‘n
aanvang geneem het. Die ander kernkomponent van dié pro-
gram be-staan uit navorsingsprojekte wat toegespits is op die
weerstand van sekere onkruid teenoor glifosaat-onkruiddoder.
Met die bekendstelling van Acceleron verlede jaar, word op-
brengs nou verhoog deur die belangrike bydraers van genetika,
biotegnologie, bewerkingspraktyke (wat presisieboerdery in-
sluit), bemestingspraktyke ens. Hierdie nuutste toevoeging kom
in die vorm van saadbehandelingsmiddels wat saailinge in die
vroeë groeistadium beskerm en sodoende die plant help om
optimale opbrengs te realiseer.
Verder het Monsanto goedkeuring verkry om die droogte-
verdraagsame geen in mielies, in kombinasie met Yield Gard II
en Roundup Ready Corn 2, te toets. “Gedurende die afgelope
vyf jaar het ons dié geen op sy eie getoets en nou kan dit in
kombinasie met res van die ander tegnologieë getoets word.
Dit is egter belangrik om te onderskei tussen kultivars wat
die droogteverdraagsame geen bevat (biotegnologieproses)
en ander basters wat deur ‘n konvensionele telingsprogram
droogteverdraagsaam gemaak word,” het Steenekamp Mon-
santo se 2014-hoogtepunte mee afgesluit.
61
February 2015
AKTUEEL
RUTH SCHULTZ,
SA Graan/Grain
medewerker
1: Na afloop van die middag se besprekings, wat by Riverside Sun Resort in Vanderbijl-
park gehou is, het Monsanto die media bederf met ‘n “Karibiese” bootvaart op die Vaal-
rivier. Hans Lombard (veteraan-landboujoernalis), links en Alita van der Walt (redakteur:
Farmer’s Weekly
), regs, was van die landboumedia wat die Karibiese bootpartytjie saam
met Monsanto en ander mediavriende geniet het. By hulle staan Kobus Steenekamp.
2: Hendrik van Staden (sleutelrekeningbestuurder: Monsanto SA), Johan Bibbey
(streeksbestuurder: Monsanto SA), Bennie Bester (kommersiële bestuurder: Monsanto
SA) en Mof Krugel (streeksbestuurder: Monsanto SA) geniet ‘n tropiese eiland-drankie
met aankoms op die boot.
3: Monsanto ploeg terug in die gemeenskap deur jaarliks ‘n insamelingsprojek van sta-
pel te stuur. Skryfbehoeftes wat deur die wederhelftes van Monsanto-kliënte geskenk
is, is aan die Vrystaat Vroue Landbou-unie (VVLU) oorhandig. “Dit is met groot nederig-
heid en ‘n hand wat oorloop van opregte dankbaarheid dat ek vandag hierdie wonderlike
skenking van skryfbehoeftes ontvang om ons VVLU se projek vir 2015 mee af te skop,”
het Vanda Gagiano (president: VVLU) gesê. Kobus Steenekamp (tweede van links) het
die skryfbehoeftes aan Vanda oorhandig. Langs Kobus staan Bennie Bester, Marco Leita
(kommersiële bestuurder: Gewasbeskerming, Monsanto Afrika) en Gert Heyns (bemar-
kingsbestuurder: Saad en Biotegnologie, Monsanto SA).
1
2
3