15 / 76
13
FOKUS
Grondbone
Mini-
Februarie in die grondboonland
M
et die grondboonaanplanting
wat relatief vroeg afgehandel
is aan die begin van die sei-
soen, behoort meeste van die
grondbone nou al die twee en ‘n half maan-
de groeitydperk bereik het.
Hierdie plante sal dus nou reeds sterk
in die peulvormingstadium wees, dus
moet daar gesorg word dat die blaredak
behoue bly. Grondbone wat onder be-
sproeiing aangeplant is, sal nou ook ‘n
groter wateraanvraag toon aangesien die
waterverbruik binnekort ‘n piek van 4 mm
water per dag gaan gebruik.
Uit die staanspoor moet daar gewaak word
teen oorbesproeiing, aangesien grond-
bone geneig is tot peulvrot as die plante
nie kans gegun word om ordentlik af te
droog tussen watertoedienings nie. Dit is
ook lank reeds tyd om op die uitkyk te wees
vir blaarvlekke.
Die regte metode is om weekliks deur die
lande te stap en plante kort-kort te onder-
soek vir tekens van blaarvleksimptome. Dit
is noodsaaklik om tot in die binnekant van
die plant se blaredak ondersoek in te stel,
aangesien vroeë en laat blaarvlek eerste
op die oudste blare voorkom (
Foto 1
).
Vroeë blaarvlek se simptome is ‘n donker-
bruin vlek wat omring is met ‘n geel kring
en wat voorkom op die bokant van die
blaar (
Foto 2
). Laat blaarvlek daarenteen, is
‘n donkerbruin tot swart vlek wat aan die
onderkant van die blaar voorkom (
Foto 3
).
Hierdie blaarvlek begin gewoonlik voorkom
vanaf die middel tot die einde van die
seisoen. Dit is noodsaaklik om die blaredak
van die grondboonplant te behou om op-
timale peulvorming en vulling te verseker
asook om die oesproses te vergemaklik.
Spatselvlek (
Foto 4
) is natuurlik een van
die blaarvlekke waarvoor daar spesifiek
uitgekyk moet word, aangesien hierdie
swamsiekte in staat is om ‘n hele grond-
boonland binne twee weke te ontblaar. Die
omstandighede wat baie bevorderlik is vir
die ontwikkeling van spatselvlek, is koel,
bewolkte weer wanneer die blaaropper-
vlak nie vinnig in die oggend afdroog nie.
Dit is uiters noodsaaklik dat produsente ‘n
goeie blaarvlek-spuitprogram moet volg.
Wees egter uiters versigtig vir enige blaar-
voedings aangesien daar gewaak moet
word teen die stimulasie van vegetatiewe
groei by grondbone. Die stimulasie van
vegetatiewe groei veroorsaak dat die plant
nie voortgaan met peulvorming en vulling
nie en net fokus op blaarvorming en dus
gaan waardevolle tyd verlore wat eerder
bestee kan word aan opbrengsversekering
as aan voerproduksie.
‘n Grondboonprodusent moet altyd bewus
wees van wat in die grondboonland aan
die gebeur is. Wat is die stand van on-
kruidbeheer? Is daar ‘n korslaag besig om
te vorm ná harde reëns? Is daar moontlike
luisprobleme? Is daar enige snaakse tekens
wat aandag behoort te geniet?
Voorsorg is beter as nasorg. Solank daar
goeie bestuur geskied gedurende die sei-
soen, is die kanse op ‘n goeie oestydperk
soveel beter. Onthou: ‘n Grondboon-
produsent se voetspore lê
vanaf plant- tot oestyd in sy
grondboonlande.
LOUREINE SALOMON,
LNR-Instituut vir Graangewasse
1: Só ondersoek ‘n mens die binnekant
van ‘n grondboonplant.
2: Vroeë blaarvlek op grondbone.
3: Laat blaarvlek op grondbone.
4: Spatselvlek op grondbone.
1
2
3
4
Mini-fokus op grondbone
SA Graan/Grain
gee erkenning aan die volgende adverteerders en
instellings vir hul deelname aan die mini-fokus op grondbone:
Graan SA
LB Nuts
LNR-Instituut vir Graangewasse
February 2015