3 / 44
1
December 2016
MEDEWERKERS
vir hierdie uitgawe
Adriaan de Lange, Jannie de Villiers, Annemie Erasmus, Petru Fourie, Alzena Gomes, Koos Kirsten, Dirk Kotzé, Corné Louw, Jaco Minnaar, Michelle Mokone, André Nel,
Ruth Schultz, Gerrie Smit, Hendrik Smith, Dirk Strydom, Liesel Swart, Luan van der Walt en Divan van der Westhuizen
l
aurika Rauch is my gunsteling Afrikaanse sangeres. As ek my
kom kry, neurie ek een van haar liedjies. So vergun my om van-
dag met haar kalwers te ploeg.
Stuur groete aan Mannetjies Roux
O stuur ons net so ‘n bietjie reën;
my oom het ‘n tenk vol diesolien
en seën my pa en seën my ma
en my oom op sy plaas in Afrika.
Maar my oom het gesukkel op die plaas,
want die son was te warm en die reën te skaars
en die man van die bank het net sy kop geskud,
want my oom, ja my oom was te diep in die skuld...
Ek wonder hoeveel keer ek die afgelope seisoen dié liedjie som-
mer kliphard in die kar gesing het as ek hoor hoe droog dit op die
familieplaas is en hoe moedeloos my broers en ander produsente is?
Gelukkig is die nuwe seisoen sover propvol belofte en lekker reën
– mag dit enduit volhou!
Nostalgie
Die tema vir ons Graan SA/Sasol-fotokompetisie vir volgende jaar is
“Plaasnostalgie” – ‘n tema waaroor ek vreeslik opgewonde is, want
ek is baie nostalgies – veral oor die plaaslewe – en ek sien met ver-
wagting uit na ons amateurfotograwe se interpretasie van dié tema.
(
Meer inligting oor die kompetisie verskyn op bladsy 36.
)
Seker dié dat “Nostalgie” van Laurika vir my een van haar mooiste
liedjies is:
Kom sit styf hier teen my
jou kop agteroor.
Hoor jy hoe sag val die reën?
Die dag is verby;
nog ‘n week nog ‘n maand;
waar loop die tyd met ons heen?
‘n Sonneblom uit Bethlehem
En “‘n Sonneblom uit Bethlehem” is vir my tipies van ‘n Suid-
Afrikaanse Kersfees:
Ek bring vir jou ’n sonneblom uit Bethlehem
en gee dit water op Bloemfontein.
Uit Hanover bring ek kappertjiesaad
uit die tuin van nr 3 Darlingstraat
en hanepootdruiwe uit die Paarlvallei.
Nog ’n somerson-Kersfees,
want die Koningskind verjaar;
die Suiderkruis my kompas
en ‘n eng’lekoor ry saam...
‘n Geseënde somerson-Kersfees aan elkeen van ons lesers, adver-
teerders en medewerkers. Geniet die Koningskind se verjaarsdag
saam met jou geliefdes.
Kersgroete
ESTIE DE VILLIERS,
redakteur
VOORPUNT
G
raan SA se openbare betrekkinge-strategie
fokus deurentyd op die bou van netwerke en
die skep van bewustheid van die organisasie se
aktiwiteite gedurende die jaar.
ALZENA GOMES
(Graan SA) kyk op
bladsy 12
na die “wie, wat en
waar van Graan SA in die media”.
G
ERRIE SMIT
(verantwoordelik vir ons
rubriek
Wiele vir die plaas
) het die nuwe
Foton Tunland Granite toetsbestuur. Volgens
hom bied die bakkie uitstekende waarde vir geld.
Loer op
bladsy 38
na sy indrukke van dié
“Kyk weer-bakkie”.
T
e oordeel aan die bevin-
dinge van ‘n omvattende
internasionale studie is die
Hoëveldklimaat, waarbinne die
somersaaigebied gedeeltelik
lê, besonder gunstig vir
opbrengsverhogings met
geenbewerking. Om sukses
met geenbewerking te behaal,
moet dit nie in isolasie toege-
pas word nie, maar saam met twee praktyke
van bewaringslandbou, te wete die behoud van
‘n deklaag van oesreste en die toepassing van
wisselbou.
ANDRÉ NEL
(onafhanklike akkerbou-
kundige) en
HENDRIK SMITH
(Graan SA) brei
op
bladsy 26
hieroor uit.
Ontmoet ons
medewerkers...
d
ivan van der Westhuizen het
sy voor- en nagraadse studies
by die Universiteit van Pretoria
voltooi. Hy is tans besig met
sy doktorsgraad in Landbou-
ekonomie met ‘n spesifieke fokus op
landboumeganisasie in Afrika.
Hy is die projekkoördineerder van die Buro vir Voedsel- en
Landboubeleid (BFAP) se plaasvlakprogram, wat alle plaasver-
wante analises en finansiële modulering insluit. Die fokus van
die program is voorts om produksiestelsels en die ekonomie/
finansies daaragter te analiseer en te vergelyk met internasio-
nale boerderybesighede.
Divan het op die platteland grootgeword – Bethlehem in die
Oos-Vrystaat en Volksrust in Mpumalanga. Dit is híér waar sy
liefde vir die grond en boerdery posgevat het. Sy liefde vir jag,
die natuur, motorfietsry en kuier saam met vriende neem die res
van sy vrye tyd op. Hy is nog nie getroud nie.
Lees gerus sy artikel
Hoe mededingend is ons graan- en olie-
saadbedrywe in ‘n globale konteks?
op
bladsy 14
.