113 / 116
Die Mazda CX-5-reeks:
‘n Ruim, kompakte SNV wat wikkel
d
ie Mazda CX-5 is ‘n middelklas sportnutsvoertuig
(SNV), wat alreeds in 2012 geloods is. Dit het destyds
slegs met ‘n 2 liter-petrolenjin uitgekom.
Mazda het egter aan die einde van 2014 hierdie
voertuig weer in Suid-Afrika met ‘n aansienlike string
verbeterings, asook met ‘n 4x4-weergawe en twee bygevoegde
nuwe kragbronne (‘n 2,5 liter-petrolenjin en ‘n 2,2 literdieselenjin),
hervrygestel.
Die nuwe reeks CX-5 was van vooraf, van kop tot toon, heront-
werp om ekonomies, veilig, stylvol en kragtiger as die 2012-voor-
ganger te wees. In 2015 is kosmetiese verbeterings ook weer eens
aangebring in ‘n voortdurende proses deur Mazda om hierdie
voertuig heeltyd nuut en modern te laat lyk.
Die Mazda CX-5 is nou beskikbaar met die 2 liter-, ‘n 2,5 liter-
petrolenjin en ‘n 2,2 liter-dieselenjin. Die wat weet sal saamstem
dat Mazda al die afgelope 30 jaar die koning is met hulle 2 liter-
petrolenjins. Die huidige een stel ook nie teleur nie.
Dit het ‘n kraglewering van 121 kW teen 6 000 omwentelinge en ‘n
wringkrag van 210 Nm reeds teen slegs 4 000 omwentelinge. Die
2,5 liter-dieselenjin het ‘n kraglewering van 141 kW teen 5 700 om-
wentelinge en ‘n wringkrag van 256 Nm teen 3 250 omwentelinge.
Daar is twee weergawes van die 2,2 liter-dubbelturbo ondersteunde
dieselenjin beskikbaar. Een vir die voorwiel-aangedrewe model en
vir die 4x4 is die kragtiger weergawe ingespan.
In die voorwiel-aangedrewe model, die CX-5 2,2 DE Active, is die
meer ekonomiese 2,2 liter-diesel, wat ‘n kraglewering van 110 kW
teen 4 500 omwentelinge en ‘n wringkrag van 380 Nm teen 1 800 om-
wentelinge bied, ingespan. Die gemiddelde brandstofverbruik is
5,7 liter/100 km in hierdie model.
Met sy permanente vierwielaandrywing, het die CX-5 DE Akera
egter meer krag nodig en daarom is sy 2,2 liter-dieselenjin gestel
om ‘n kraglewering van 129 kW teen 4 500 omwentelinge en ‘n
maksimum wringkrag van 420 Nm teen slegs 2 000 omwentelinge
te lewer. Koppel hierdie kragtige njin aan ‘n besonderse ligte, maar
sterk bakwerk, dan het jy voertuig wat uiters gewillig is om selfs
geharde 4x4-omgewing baas te raak.
Die voertuig is die eindproduk van Mazda se weldeurdagte ontwikke-
ling. Die kantspieëls is byvoorbeeld ‘n paar sentimeter geskuif om
die bestuurder se gesigsveld te vergroot. Dit is verfrissend om vir ‘n
slag in ‘n voertuig te sit wat slim beplan is om die bestuurs- en ry-
ervaring ‘n werklike genotvolle gebeurtenis te maak.
Die wielbasis is 2,7 m lank. Dit tel onder die langstes in die middelklas
SNV-segment. Dit verseker ‘n ruim gemaksone binne die kajuit.
Die beenspasie vir die agterste passasiers is die beste in sy klas.
Die agterste sitplekke kan in drie plekke afslaan om die agterste
pakruimte te vergroot. Deur byvoorbeeld die middelste gedeelte
van die agtersitplek af te slaan, kan ‘n fiets vervoer word terwyl daar
steeds sitplek vir twee agterste passasiers is.
Dit is ruim, gemaklik en al die kragbronne is kragtig genoeg om dit
op die oop pad te laat geld. Die CX-5 het al die veiligheidstoerusting
en padbeheerstelsels, wat ‘n mens van ‘n kwaliteit SNV verwag. Die
CX-5 modelle het almal ‘n drie jaar fabriekswaarborg, wat ‘n drie jaar
diensplan en drie jaar nooddiens insluit.
Pryse
CX-5 2.0 Active: R350 500;
CX-5 2.0 Active Auto: R361 800;
CX-5 2.0 Dynamic: R363 800;
CX-5 2.2 DE Active: R417 600;
CX-5 2.5 Individual: R415 100; en
CX-5 2.0 DE AWD Akera: R513 700.
GERRIE SMIT,
lid van die SA Motorskrywersgilde
WIELE
vir die plaas
111
August 2016
Die Mazda CX-5 DE Akera met vierwielaandrywing is die vlagskip in die
reeks en kos R513 700.