46 / 68
Februarie 2019
44
Voorgestelde veranderings
in
koringgradering
D
ie koringbedryf werk al meer as vier jaar aan ’n om-
draaistrategie. Een van die mikpunte in dié strategie was
om die graderingsmaatreëls te verander. Talle gesprekke
en onderhandelings het binne die forum – en meer spesifiek
binne die Handels- en Bemarkingswerkgroep – plaasgevind.
Verskeie voorstelle is gemaak en mandate is vir elke weergawe
vanaf produsente deur die Wintergraanwerkgroep asook tydens
Graan SA Kongres en produsente-inligtingsdae ontvang. In die
middel van 2018 was daar uiteindelik ’n werkbare voorstel waarmee
al die partye in die forum tevrede is.
Die voorstel is by die Koringforumvergadering goedgekeur vir
indiening by die Departement van Landbou, Bosbou en Visserye.
Wat behels die nuwe
voorgestelde gradering?
Die verandering wat binne die forum voorgestel is, is in
Tabel 1
aangebring. Die nuwe voorstelle is besonder voordelig vir pro-
dusente in dié sin dat produsente ’n graad sal kan produseer wat
vergelyk kan word met invoere en internasionale standaarde sonder
om die kwaliteit van koring te laat daal.
Produsente kan ook op insette bespaar in die sin dat stikstoftoedie-
ning verminder kan word weens die laer proteïenvlakbehoefte.
Volgens ’n studie wat vroeër verlede jaar deur Buro vir Voedsel-
en Landboubeleid (BVLB) gedoen is, kan die besparing gemiddeld
in die orde van R222/ha wees. Dit hang natuurlik grootliks af van
klimaatsomstandighede en individuele praktyke. Neem ook in ag dat
ons stikstof – en totale produksiekoste – volgens die International
Agri Benchmark-program wat die BVLB in Suid-Afrika verteenwoor-
dig, van die duurste in die wêreld is.
Natuurlik is die insluiting van die super graad ook ’n positiewe punt
vir produsente omdat dit nog steeds vir die produsent wat ’n hoë
proteïenvlak koring produseer, ’n spasie in die mark bied. Dit is ’n
beduidende voordeel as ’n mens in ag neem dat die produsent ook
hiervoor vergoed sal word.
Die feit dat die gradering meer simplisties en homogeen is, beteken
ook dat die produsent ’n regverdiger prys vir sy kommoditeit sal kry.
Is dit op die regte vlak? Verseker nog nie: Grotendeels omdat die
Suid-Afrikaanse pryse afgelei word van die Russiese koringprys. Dit
lewer egter ’n bydrae om in die omdraaistrategieproses nader aan
’n prys, wat die kwaliteit van die produk reflekteer, te beweeg.
Verdere stappe met die oog daarop om nader aan die regte prys
vir die regte kwaliteit te beweeg, is om die invoertarief opnuut te
analiseer en om die opbrengs te verhoog deur middel van nuwe
genetika.
Die verandering is slegs ’n verandering in die proteïenvlak binne
die gradering van koring en veroorsaak nie dat die Suid-Afrikaanse
OP PLAASVLAK
Koringbedryf / Omdraaistrategie / Graderingsmaatreëls
Gradering
DR DIRK STRYDOM,
bestuurder: Graanekonomie en Bemarking, Graan SA
GRADE MINIMUM PROTEÏENE* HLM
VALGETAL
Super
12,5%
76 kg 250 s (30 s-afwyking)
B1
11,5%
76 kg 250 s (30 s-afwyking)
B2
10,5%
76 kg 250 s (30 s-afwyking)
B3
9,5%
74 kg 250 s (30 s-afwyking)
TABEL 1: KORINGGRADERING.
TABEL 2: PRYSVERSKILLE TUSSEN GRADE.
GRADE
MINIMUM PROTEÏENE PRYSVERSKIL
Super
12,5%
+2%
B1
11,5%
Basis
B2
10,5%
-1%
B3
9,5%
-4%
GRADERING TANS
NUWE GRADERINGSVOORSTEL
GRADE PROTEÏENE HLM VALGETAL PRYSVERSKIL* GRADE PROTEÏENE HLM VALGETAL PRYSVERSKIL
Super
12,5% 76 kg
250 s
+2%
B1
12% 77 kg
250 s
Basis
B1
11,5% 76 kg
250 s
Basis
B2
11% 76 kg
250 s
-2%
B2
10,5% 76 kg
250 s
-1%
B3
10% 74 kg
250 s
-4%
B3
9,5% 74 kg
250 s
-4%
B4
9% 72 kg
200 s
-6%
Utiliteit
8% 70 kg
150 s
-8%
* ± word op formulebasis by JSE bereken
TABEL 3: OPSOMMING VAN GRADERING EN PRYSVERSKILLE.
Graan SA/Sasol fotokompetisie
* 12% vog