129 / 132
127
June 2018
Die buitenste afmetings is dieselfde as voorheen, maar die asafstand is 5 cm langer as dié van sy voorganger en sy lang enjinkap en
besonder kort voorste oorhang, wat die volmaakte massaverspreiding van 50:50 na die voor- en agterasse beklemtoon, gee aan hom ‘n
voorsprong bo sy voorganger.
Ou bekende
nou ook hier beskikbaar
h
oewel Isuzu in Suid-Afrika hoofsaaklik bekend is vir
die gewilde KB-reeks bakkies en middelslag- en swaar
vragmotors, het dié Japannese vervaardiger deur die
jare ook twee sportnutsvoertuie in Suid-Afrika bemark,
naamlik die Trooper en die Frontier.
In daardie jare was Isuzu ‘n deel van General Motors in Suid-
Afrika. General Motors het geleidelik die Trooper en Frontier met
die Chevrolet Captiva en Trailblazer vervang. In 2017 het Chevrolet
egter uit die land onttrek en Isuzu in Japan het beheer oor hul
belange in Suid-Afrika geneem. Isuzu is derhalwe nie meer een
van General Motors se produkte in die Suid-Afrikaanse mark
nie, maar staan nou op sy eie voete.
Een van die vinnigste groeiende marksegmente in Suid-Afrika is
die sportnutsvoertuig-segment (SNV) en Isuzu Suid-Afrika se
eerste projek in Suid-Afrika was om weer ‘n Isuzu SNV soos die
Frontiers en Troopers van ouds uit te bring. Sodoende is
die mu-X, wat reeds sedert 2013 in Australië, Thailand en die
Filippyne diens doen, nou ook in Suid-Afrika bekend gestel.
General Motors het die mu-X se bakwerk gebruik vir sy Trailblazer,
maar die nuwe mu-X is ‘n ras-egte Isuzu met ‘n Isuzu-onderstel en
‘n Isuzu-enjin. Daar is twee modelle beskikbaar – albei met die
turbo-aangejaagde dieselenjin van drie liter wat ook in die KB-bak-
kiereeks gebruik word. Hierdie enjin lewer 130 kW teen 3 600
omwentelinge, het ‘n wringkrag van 350 Nm tussen 1 800 omwen-
telinge en 2 800 omwentelinge en ‘n outomatiese ratkas met ses
gange, asook ‘n handratfunksie wat standaardtoerusting is. Daar is
‘n keuse tussen ‘n 4x2- en ‘n 4x4-model – albei met ‘n sleepvermoë
van 3 ton wat veroorsaak dat hy uiters geskik is vir die sleep van
woonwaens en sleepwaens.
Die 4x4-model word toegerus met Isuzu se Terrain Command-
vierwielaandrywingstelsel, wat maklik is om te gebruik en ‘n
keuse bied tussen ‘n 4x2-hoëstrekmodus, asook ‘n 4x4- hoë- en
laestrekmodus. Laasgenoemde modus stel die voertuig in staat
om meer uitdagende veldrytoestande baas te raak. Dit spog met
onafhanklike vering reg rondom – wat die beste balans tussen
rygerief, hantering en veldryvermoë bied.
KB se verfynde, maar geharde karakter, kom ook duidelik in
die mu-X na vore, met LED-dagryligte en Bi-LED-projektorkopligte
wat standaardtoerusting vir albei modelle is. Daarby is kanttrappe
van aluminium, allooiwiele van 18 duim, donkergetinte vensters en
LED-kombinasie-agterligte ook standaardtoerusting.
Die bi nekant van die sportnutsvoertuig bied ‘n kombinasie
van doelmatigheid en we lde, met sewe sitplekke wat by pro
dusentgesinne byval sal vind danksy die derde ry sitplekke wat
in die bakwerk invou. Dit spog met sleutellose toegang en die deure
kan oopgemaak word deur bloot aan ‘n sensor te raak terwyl die
sleutel in die bestuurder se sak is. Die leer-oorgetrekte stuurwiel
bevat kontroles vir die radio, die telefoon en die spoedbeheer.
Daar is ‘n inligting-en-vermaakstelsel met verskeie funksies, met
‘n negeduim-raakskerm wat toegang bied tot satellietnavigasie,
‘n radio met ‘n CD- en DVD-speler, Bluetooth-verbinding, Apple
Car Play, Android Auto, asook USB-punte voor en agter en ‘n
HDMI-kragpunt.
Die mu-X het verskeie veiligheidskenmerke as standaardtoerus
ting, soos ABS-remme met elektroniese remverspreiding en
noodremhulp, elektroniese stabiliteitsbeheer, vastrapbeheer
asook wegtrek- en afdraandehulp wat saam met die 4x4-lae
strekfunksie gekoppel kan word. Passiewe kenmerke sluit onder
meer dubbele voorste-, kant- en gordynlugsakke in, asook
‘n veiligheidsel vir die insittendes van die voertuig. Daar is ook ‘n
tru-kamera wat op die raakskerm gesien kan word.
Met die padtoets was
SA Graan/Grain
se toetsspan beïndruk met
die besondere stewigheid van die onderstel en bakwerk. Alhoewel
besonder stewig, is hy nie te hard geveer nie en hanteer hy
grondpaaie uitstekend. Dit bestuur veilig – veral danksy tegnologiese
hulpmiddels soos elektroniese stabiliteitsbeheer.
Die mu-X bou voort op Isuzu se jarelange erfenis, tesame met
die bewese betroubaarheid en veelsydigheid van die KB-bakkie,
gekombineer met ‘n nuwe vlak van gemak, gerief en doelmatigheid
wat ideaal is vir die aanwending daarvan as ‘n gesinsvoertuig.
Dit word gerugsteun deur Isuzu Complete Care, wat by die prys
ingesluit is. Dit behels ‘n waarborg en padbystand, ‘n waarborg
van vyf jaar teen roes – ongeag die motor se kilometerafstand – en
‘n diensplan van vyf jaar of 90 000 km, met dienstussenposes van
15 000 km. Dit alles kan teen bykomende koste verleng word.
Die pryse van die twee mu-X-modelle lyk soos volg:
mu-X 3,0 4x2 AT 6: R568 000
mu-X 3,0 4x4 AT 6: R629 100.
Gerrie Smit,
lid van die SA Motorskrywersgilde
WIELE
vir die plaas
September 2018