118 / 132
September 2018
116
Voortreflike rugby gedurende
Rugbyweek gespeel
D
ie jaarlikse Pannar Rugbyweek vir Suid-Afrikaanse Land
boukolleges het van 30 Junie tot 5 Julie vanjaar by die
Cedara Landboukollege naby Howick in KwaZulu-Natal
se Middelande plaasgevind. Agt landboukolleges ding
jaarliks om die IPJ du Plessis-trofee mee.
Die toernooi het die eerste keer in 1969 plaasgevind met vyf spanne
wat deelgeneem het. In 1987 het Pannar die borgskap oorgeneem.
Dit is vanjaar die 32ste jaar wat die maatskappy die toernooi borg:
Een van die langste aaneenlopende rugbyborgskappe in Suid-Afrika.
Deelnemende spanne is: Fort Cox naby Alice in die Oos-Kaap,
Elsenburg naby Stellenbosch in die Wes-Kaap, Glen naby Bloem
fontein in die Vrystaat, Taung naby Hartswater in die Noordwes
Provinsie, Tardi naby Tsolo in die Oos-Kaap, Cedara naby Howick
in KwaZulu-Natal, Grootfontein by Middelburg in die Oos-Kaap en
Potchefstroom in die Noordwes Provinsie.
Elsenburg, die Wes-Kaapse kollege, is die verdedigende kampioene
en is die bulspan wat deur al die ander kolleges getem wil word,
want hulle is die kompetisie se mees dominante en suksesvolle
span met 37 oorwinnings oor die jare – waarvan een met Saasveld
gedeel was.
Vorige wenners sluit ook in: Potchefstroom (drie), Grootfontein
(drie), Glen (een), Kovsies Landbou (een) en Saasveld (twee – een
gedeel met Elsenburg).
Hierdie toernooi word in twee afdelings gespeel, naamlik ‘n beker-
en ‘n plaatafdeling. Die spanne word op grond van die Saterdag se
spel deur die SALK-komitee in die twee groepe ingedeel. Die
volgorde van die wedstryde word deur middel van ‘n trekking be
paal, met dien verstande dat die gasheerkollege die hoofwedstryd
speel. Die verloorders in die bekerafdeling speel ook uit teen die
wenners van die plaatafdeling van die vorige jaar (in dié geval was
dit Fort Cox teen Glen).
Wen- en verloor-spanne bevind hulle hierna in verskillende afde-
lings waarbinne hulle in ‘n rondomtaliebasis teen mekaar deelneem.
Elsenburg en Grootfontein het mekaar in die finaal aangedurf en dié
wedstryd is as die beste wedstryd van die toernooi aangewys – met
Elsenburg wat die gesogte IPJ du Plessis-trofee as wenners van die
toernooi gewen het.
Aan die einde van die week is ‘n Suid-Afrikaanse Landboukolleges
(SALK)-span gekies.
aktueel
Peet van der Walt,
Pannar
Voor: Sihle Mtunje (Tardi), Curtley Leslie (Grootfontein), André Booysen (Elsenburg), Thyo Skein (Elsenburg), Gerco Nortjé (Elsenburg),
WP van Heerden (Elsenburg), Stefan Fourie (Elsenburg) en Njabulo Shezi (Cedara).
Middel: Ayabonga Mamaza (Fort Cox), Lucas Qhu (Elsenburg), Alex Creig (Grootfontein) en Gershwin Jacobus (Elsenburg).
Agter: Rod Collett (Landboukolleges voorsitter), Khulekani Malanda (Potchefstroom), Eben Bronn (Potchefstroom), Jaco de Waal (Potchefstroom),
Ewald Oberholzer (Potchefstroom), Jopie du Pisani (Grootfontein), Brendon Botha (Elsenburg), MC Slabbert (Elsenburg), Ruan Lambrecht
(Grootfontein), Slabber la Grange (Elsenburg), Joubert Lategan (Elsenburg), Pieter Hamman (Elsenburg), Willie van Zijl (Elsenburg) en
Niel Schoeman (Grootfontein).
SALK-span