39 / 116
Saad
Produk-inligting
Saadbehandeling verhoog
ontkieming en groeipotensiaal
D
eur middel van ‘n kombinasie van hoogsgekwalifiseerde
interne kundigheid, navorsing en innoverende ontwikke-
ling, vervaardig en verskaf Rolfes Agri verskeie landboupro-
dukte. Die produkte is gefokus op die volhoubaarheid
van die besighede van hul verspreiders en uiteindelik dié van
kommersiële, klein en opkomende produsente.
Die maatskappy is aktief betrokke by die ondersteuning en ver-
spreiding van hul produkte deur uitgesoekte verspreiders soos
BayAgro, Farmers Agricare, Inteligro, Laeveld Agrochem en
NexusAG.
Bemarking is gemik op die verskaffing van behoorlik-nagevorsde
produkte van uitstekende gehalte, wat oplossings bied vir spesifieke
markte. Dit word tesame met sterk tegniese ondersteuning deur hul
goed gekwalifiseerde en ervare tegniese areabestuurders behartig.
Deel van die versameling van produkgroepe wat deur Rolfes Agri
aangebied word, is saadbehandelings sowel as entstowwe vir
peulplantsade wat deur Stimuplant vervaardig word en deur Rolfes
Agri versprei word.
Die voordele van behandelde saad is lank nie meer beperk tot alleen-
lik die beskerming van die plante nie. ‘n Plant is op sy kwesbaarste
vanaf die tyd wat die saad geplant word tot en met opkoms. Sodra
die saad in die grond geplant is, word dit blootgestel aan verskeie
omgewingsfaktore, aanvalle deur insekte, bakterieë, swamme en
ander plae.
Saadbehandeling beskerm die saad teen sodanige skade en ver-
hoog sodoende die saailing se ontkieming en groeipotensiaal.
Navorsingresultate het getoon dat saadbehandeling vroeë plant-
gesondheid verbeter, bydra tot die opbou van die plant se weer-
stand en immuniteit, opkoms verbeter en groei en verbeterde
voedingstofeffektiwiteit tot gevolg het. Saadbehandeling kan
inderdaad bydra tot ‘n merkwaardige verhoging in die oesopbrengs.
Van die produkte wat Rolfes Agri aanbied, is:
Mo-Flo en Mo-Flo ST: Molibdeen-
saadbehandeling saam met die entstof
Molibdeen is ‘n mikro-element wat vir alle plante belangrik is. Dit is
meer beskikbaar in opneembare vorm in gronde wat alkalies is (hoë
pH-vlakke). Plante kan eerder hoë vlakke van molibdeen as tekorte
daarin hanteer.
In suur gronde word tekorte van molibdeen algemeen ervaar. As ‘n
mikro-element is molibdeen uiters belangrik vir die plant se groei
– veral wat die essensiële ensiemaktiwiteite, naamlik die binding van
stikstof in peulplante, betref. Peulplante verkry die meeste stikstof
deur stikstofbinding wanneer die regte Rhizobiumspesie gebruik
word en dit aktief is – maar slegs wanneer voldoende molibdeen,
fosfaat en kalium beskikbaar is.
Proewe deur Rolfes Agri gedoen met die kombinasie van molibdeen
(Mo-Flo) en Rhizobium het getoon dat molibdeen en entstowwe
wat gemeng word, wel lei tot ‘n verhoging in die hoeveelheid
effektiewe nodules wat gevorm word – en daarom tot ‘n verhoogde
produksie van stikstof deur stikstofbinding.
XSeed SD: Geformuleer om nodige
elemente in die regte verhouding te bied
XSeed SD bestaan uit ‘n mengsel van fosfaat, stikstof, mangaan,
koper, sink, molibdeen en seewier-ekstrak. Hierdie elemente speel
‘n belangrike rol in die ontkieming van saad en die ontwikkeling van
die saailing.
Die mengsel is geformuleer om noodsaaklike elemente in die
regte verhouding te bied en spesifieke tekorte te help voorkom. Dit
assisteer met die ontwikkeling van die saailing wanneer die elemente
benodig word en verseker daardeur dat die saad sy volle genetiese
potensiaal bereik.
Sojaboonentstowwe
Enting van peulplantsade met behulp van suiwer Rhizobiumkulture
is wêreldwyd ‘n algemene praktyk. Hierdie simbiotiese verhouding
van enting begin wanneer Rhizobium die wortels van peulgewasse
infekteer en nodules vorm.
In die nodules (knoppies) skakel Rhizobium gasagtige atmosferiese
stikstof (N
2
) om na ammoniak (NH
3
), wat grotendeels deur die
peulplant gebruik kan word. In ruil voorsien die peulgewas Rhizobium
van voedingstowwe, energie en ‘n habitat om te kan voortbestaan.
Rolfes Agri het die GT SOJA PLUS-pakket geloods – wat ‘n uiters
suksesvolle kombinasie is. (GT staan vir Global Technology
– produkte en tegnologie van regoor die wêreld verkry.)
Die pakket is spesifiek ontwikkel vir produsente wat saad behandel.
Die pakket is só saamgestel dat die saad nie te nat gemaak word nie,
wat voorkom dat die saad te nat en taai word voor dit geplant word.
Die pakket bestaan uit:
Stimuplant Liquid: Sojaboonentstof
Bradyrhizobium japonicum
ras WB74-bakterieë vir doeltreffende stikstofbinding op soja
(
Glycine max
).
Extrasol: Bevat twee isolate
Bacillus subtilis
-bakterieë wat
wortelgroei bevorder.
Preserver: Dit lei tot die verlengde lewe van die Rhizobium wat
op die saad toegedien is.
Mo-Flo: ‘n Vloeibare molibdeenmengsel wat toegedien word as
‘n saadbehandeling.
Besoek gerus ons webtuiste of laai ons toep (Rolfes Agri
App
) af
vir Android- of IOS-selfone vir alle inligting met betrekking tot ons
produkte en verspreiders.
Mo-Flo (Reg nr B3523, Wet nr 36 van 1947)
Mo-Flo ST (Reg nr B4984, Wet nr 36 van 1947)
XSeed SD (Reg nr B5479, Wet nr 36 van 1947)
Stimuplant Liquid (Reg nr L9213, Wet nr 36 van 1947)
Extrasol: (Reg nr B4918, Wet nr 36 van 1947)
37
March 2018
FOKUS
Spesiale
LEONA VERMAAK,
bemarkingsbestuurder, Rolfes Agri