9 / 84
DS KOOS KIRSTEN
WOORD
Uit die
o
ns het die gewoonte om meegevoel met mekaar te be-
toon wanneer iemand in die familie dood is, of wanneer
iemand hoor dat hy terminaal siek is. Dit is goed as ons
dit in opregtheid doen. Dit toon dat ons vir mekaar omgee
en mekaar se hartseer en pyn ken en verstaan.
Wanneer ons aan die ontvangkant van meegevoel, simpatie en
medelye is, beteken dit soveel meer as dit van iemand kom wat al
dieselfde paadjie geloop het. Jy weet dan dat hy werklik begrip vir
jou hartseer en pyn het.
In Hebr. 4:14 - 16 lees ons dat ons ‘n groot Hoëpriester het wat
vir ons by die Vader intree, naamlik Jesus Christus. Die werk van
‘n hoëpriester in die Ou Testament was dat hy vir die gelowiges
moes offer en vir hulle by God in gebed moes intree. Hy moes vir
hulle by God pleit omdat hulle in swakheid sonde gedoen het en
ongehoorsaam aan die Here was. Omdat hierdie priesters almal
gewone mense was, het hulle geweet wat dit beteken om ‘n swak
en nietige mens te wees. Hulle het dus simpatie met die ander
gelowiges gehad. Hulle kon hulself in die skoene van die gewone
mense van hulle tyd plaas. As ons aan die Here Jesus dink, dan
moet ons besef dat Hy volmaak gehoorsaam aan die Vader was en
geen enkele sonde gedoen het nie. Hoe kan Hy dan nou medelye hê
met ons wat vol sonde is? Hy kan, want Hy was in alle opsigte mens
net soos ons is. Hy was volkome mens en moes alle versoekings
wat elke dag na ons toe kom, ook ervaar. Hy weet dus presies wat dit
behels ommens te wees. Hy was net soos ons elke dag gekonfronteer
met die aanslae van die duiwel en die wêreld. Hy weet wat dit bete-
ken om in uitdagende omstandighede steeds gehoorsaam te bly.
As daar dan iemand is wat regtig meegevoel en medelye met ons
kan hê, dan is dit Hy. Daarom kan ons met vrymoedigheid na
Hom gaan met al ons hartseer, pyn en worstelinge. Hy verstaan
en sal vir ons by die Vader intree en die Vader sal op die regte tyd
barmhartigheid en genade aan ons betoon.
Baie geluk aan
Elizabeth Shezi van
Bothaville wat vir
die April-uitgawe van
SA Graan/Grain
die
gratis Bybel gewen
het.
7
May 2018
KANTLYN
Op die
Dankie vir die waterskenking
Beste Graan SA-vriende
Hoe sê ‘n mens dankie? Miskien moet ek die atmosfeer probeer beskryf van hoe
‘n groepie mense wat mekaar glad nie geken het nie, vir die vragmotor met die
kosbare vrag water van Graan SA af gestaan en wag het? Uit verskillende oorde
het ons, as deel van die netwerk wat geskep is nadat ons van die donasie gehoor
het, op die afgespreekte tyd en plek byeengekom. Onbekend aan mekaar, maar
saamgebind deur ‘n glimlag op almal se gesigte. Ons glimlag, want op een of
ander manier voel ons almal dieselfde: Oorweldig, aangeraak, vol afwagting.
Dit is op hierdie presiese punt van ontmoeting wat die waarde van ‘n gebaar
soos julle skenking lê. Dit wat gegee word, is maar een deel van die storie. Dit
is hoe mense aan mekaar verbind word, van mekaar bewus raak, wat eintlik die
grootsheid vervat. Die eerste ontmoeting is dié tussen Graan SA en die mense
van die Wes-Kaap. Die aanvanklike oproep om te sê dat julle ons met hierdie
geskenk wil seën, was alreeds kosbaar. Hierna het die water ‘n ontmoetings-
geleentheid geskep tussen lidmate van die NG Gemeente Bellville-Wes en die
VGK Delft. Van hier af het die kontakgeleenthede onmeetbaar uitgekring, want
Gee gerus jóú mening van die kantlyn af:
estie@infoworks.biz083 490 9449
nou het die gemeentes van Bellville en die gemeentes van Delft, Elsiesrivier en
Belhar iets fisies in die hand gehad om mee van deur tot deur te gaan en te be-
moedig. Buiten die genoemde areas, sal 4 000 tieners op Bredasdorp eersdaags
ook hoor van die groot geskenk, want 3 000 liter van die water sal gebruik word
vir 'n byeenkoms daar.
Ons woon in ‘n wonderlike land met wonderlike mense. Die welwillendheid van
Suid-Afrikaners is net oorweldigend. Ons hier in die Wes-Kaap staan tans aan
die ontvangkant van hierdie welwillendheid en daarom wil ons uit ons harte
dankie sê.
Mag julle harte verwarm word deur ons dankbaarheid, net soos ons harte
verwarm is deur julle vrygewigheid.
Vriendelike groete en seënwense
Nioma Venter
NK Kerk in Suid-Afrika; Sinode van Wes-Kaapland
Op die foto is
Nioma Venter,
Sedric Heare (VGK
Delft), Lene Novem-
ber (VGK Delft) en
Willie Badenhorst
(NG Bellville-Wes).