31 / 124
29
September 2017
GRAAN SA
“Ons wil graag die ekstra myl stap en ondersoek daarom tans die
moontlikheid om van ons produkverpakkings aan te pas om meer
prakties by die projek in te pas.”
“Hierdie projek is besig om mense se drome te bewaarheid,” aldus
me Carlin Fullard (bemarkingsbestuurder, SA Kalk & Gips). Die
maatskappy neem jaarliks talle tydelike werkers in diens om met
die verpakking van die projek se kalk te help.
Uitvoerende hoofbestuurder van Graan SA, mnr Jannie de Villiers,
het McPherson en haar span geloof vir hul passie, positiwiteit
en pligsgetrouheid. Die span ervaar die sukses van elke boer
persoonlik en hul trots kom so duidelik deur in hul kommunikasie
en administrasie.
"Graan SA se Ontwikkelende Landbouspan het ‘n gesonde platform
geskep om dié projek te kan hanteer. Hierdie platform is vir jare al
deur die verskillende graantrusts ondersteun," het hy gesê.
De Villiers het ook die Subsistence to Abundance-span geluk
gewens met hul onlangse skitterskoon ouditeursverslag.
Ek het tot die slotsom gekom dat daar voordele vir alle betrokkenes
by hierdie projek is. In kort:
Vir die boere
Toegang tot die beste insette teen drastiese verlaagde pryse;
toegang tot kundige mentorskap en opleiding;
verhoogde opbrengste per hektaar;
verbeterde voedselsekerheid; en
verhoogde inkomstepotensiaal.
Vir die sektor en insetverskaffers
‘n Addisionele mark vir die beste tegnologie;
deel in ‘n projek wat waarlik mense se lewens verander; en
die nakom van maatskaplike en sosiale verantwoordelikheid
sonder om alleen die risiko’s te dra.
Vir ons land
Optimale gebruik en verbetering van landbougrond;
verbetering van nasionale en huishoudelike voedselsekerheid;
‘n teenvoeter vir die ontvolking van die platteland;
stimulasie van die ekonomie in afgeleë landelike gebiede; en
verminderde afhanklikheid van welsynstoelaes.
Ek is oortuig daarvan en verstaan nou waarom die staat en groot
maatskappye met oorgawe betrokke is en wil bly by dié projek. In
teendeel, ek wonder nou: Hoe kan enige landboubesigheid bekostig
om nie betrokke by Subsistence to Abundance te wees nie?
Subsistence to Abundance
1: Samson Sibiya by sy pragtige mielies naby Hereford-Oos, afgeneem in
Januarie vanjaar.
2: Solomon Masango, trotse wenner van die 2015 Graan SA Nuwe Era Kommersiële
Boer van die Jaar-toekenning, vertel vir die groep dat mens nêrens kom sonder ‘n
duidelike visie en uiteindelike doel van wat jy wil bereik nie.
3: Albert Mazibuko het ‘n steunpilaar in sy gemeenskap geword en deel graag sy
boerderykennis, wat hy by die studiegroep bekom, met ander boere in die omgewing.
4: Eunice Hadebe kon vandat haar man oorlede is, nie haar kinders se skoolgelde
betaal nie. Vandat sy deel geword het van Graan SA se projek, betaal sy self vir al hul
studies en is daar nog geld oor.
5a en 5b: Lede van die Lijahasisu-studiegroep toets hul dorsmasjien. Die foto’s is in
Junie vanjaar geneem.
6: Nokwazie Nxumalo is ‘n trotse Graan SA-lid.
1
4
6
5a
5b
3
2