106 / 112
‘n Gastehuis om van te droom...
Kontak Abrie Coetzee van Kamelia in Klerksdorp
by 018 468 5689 of 072 804 9841.
ABRIE COETZEE,
onthaal- en dekorspesialis
KUIER SAAM MET
Abrie
o
uwêreldse sjarme begroet die besoeker wanneer hul by
die voordeur inloop...
Die gevoel van ‘n kunsgalery is geskep met portrette
en stillewes uit die Renaissance-tydperk teen rooi mure
gehang. Dik, diepgekerfde, goue rame en ‘n fluweel-
tapisseriebank en -stoel voer jou terug na die lewenswyse van die
adellikes van weleer.
‘n Gekerfde rooshouttafel met Jakobynstoele, gestoffeer in tapis-
serie, staan in dié gesellige vertrek. ‘n Franse Armoire met ‘n groot
spieël laat die vertrek nog groter lyk. ‘n Groot, pienk fluweel-voetrus-
bank nooi gaste om hul voete daarop te rus.
In die eerste gastekamer is swart en goud die kleurpalet. ‘n Hout-
spieëlkas met boeke daarop gestapel dra by tot ‘n manlike
smoking
room
-gevoel. Die bed het ‘n swart fluweeldeken en dit is gestrooi
met tapisseriekussings wat bedruk is met sepiafoto’s van die ou
dae. ‘n Groot, ovaal raam het ‘n foto van ‘n heer met sy kisklere aan.
Stap jy in die tweede kamer in, kan jy die majesteit van ‘n prinses
se teenwoordigheid voel. ‘n Dramatiese, dieprooi fluweel Jakobyn-
armstoel staan statig in die hoek. Antieke muurtapisseries in diep
rame geraam laat ‘n mens dink aan ‘n k ninklike ka er.
Die laaste kamer aan die punt van die gang is die hoofslaapkamer
en die wittebrood-suite. ‘n Massiewe koperbed met delikate draai-
werk is gedrapeer met voile, kant en satyn. Hierdie is ‘n romantiese
vertrek met die geur van parfuum in die lug. Alles is geklee in wit en
rome, met sagtepienk fluweelstoele wat gesellig in die hoek staan.
Op ‘n eikehoutwastafel met ‘n wit marmerblad staan ‘n porselein-
lampetbeker en -waskom. In hierdie vertrek kan besoekers wat daar
tuisgaan hulself rustig en stadig aan die diep slaap van ‘n droom-
wêreld oorgee…
Oktober 2015
104