21 / 92
“Vier koppe dink beter as een”
“M
et dié groep kan ons oorlog toe gaan,” sê mnr
Gerhard Bruwer van Genade Boerdery op Douglas.
Dié familie, wat vanjaar aangewys is as die
Graan SA/Syngenta Graanprodusent van die Jaar, is mnre Vickie
Bruwer en sy seuns Gerhard, Hannes en klein Vickie.
Wanneer ‘n mens na hierdie hoogs moderne en gediversifiseerde
boerdery kyk, is dit moeilik om jouself in te dink dat Vickie op ‘n
klein stukkie grond in 1976 op Jacobsdal begin boer het ná die
afsterwe van sy oupa. Hy het op 20 ha besproeiing en 200 ha veld
begin en na-ure by die plaaslike korrektiewe dienste asook by die
destydse poskantoor gewerk vir ‘n ekstra inkomste. In 1986 het hy
Douglas toe verhuis.
“Vanaf 2003 het ons boerdery ongelooflik uitgebrei. Elkeen van ons
seuns het ‘n sterk punt en my pa hou die besigheid bymekaar – vier
koppe dink beter as een. Ons werk ongelooflik lekker saam en ons
het 100% vertroue in mekaar,” vertel Gerhard op die DVD wat tydens
die toekenningsaand oor hul boerdery vertoon is.
Soos enige ander produsent wat daagliks uitdagings in die gesig
staar, is die Bruwers konstant besig om planne te maak om die uit-
dagings in hul boerdery te oorkom, soos om water teen ‘n heuwel
uit te pomp oor afstande van tot 2,5 km en teen ‘n helling van 85 m.
Met dikker pype het hulle daarin geslaag om wrywing te verminder
en is nou besig met nuwe spilpunte vir doeltreffender pypbestuur.
Wat grond betref, beskou hulle prima-grond as ‘n uiters noodsaak-
likheid vir ‘n suksesvolle saaiboerdery. Mediumpotensiaal kleigronde
word met saadsonneblom en katoen afgewissel. Aartappels word
slegs in nuwe grond geplant, wat dan met graan opgevolg word en
die grondboonlande lê vir drie maande voor planttyd kan begin.
“Voor jy grond koop, doen jou huiswerk baie goed, want dit is ‘n
baie duur belegging. Belê bietjie meer en koop presies dít wat jy wil
hê,” is Gerhard se raad.
Bykomend tot die wye verskeidenheid gewasse wat aangeplant
word in ‘n goed beplande wisselboustelsel, het hulle ook Bons-
mara-koeie en Tuli-bulle wat gebruik word vir speenkalfproduksie.
Verder is daar ook verskeie wildspesies op die plaas.
Dankbaar
“Ek sê vir die Here dankie dat ons as produsente vanaand in hier-
die saal ons afhanklikheid van Hom kan erken. Dankie ook aan
Graan SA vir die diens wat julle lewer om mense op te hef en om vir
ons as produsente te baklei oor aangeleenthede soos water en die
rabat op diesel,” – pa Vickie se woorde in sy bedankingsboodskap.
“Aan Graan SA se Hoofbestuur, dankie ook vir julle onbaatsugtige
diens asook Johan Jacobs (Graan SA-hoofbestuurslid) wat ons
genomineer het vir dié kompetisie. Laastens, vir elke finalis en per-
soon wat ‘n toekenning vanaand gekry het, baie geluk.”
Vickie sluit af met ‘n boodskap aan sy medeprodusente met seuns:
“As jy ‘n boerseun wil grootmaak, maak hom op die bakkie se sitplek
groot, al baklei sy ma soms as hy vuil by die huis kom of as hy sy
nerwe afgeval het. Ek het drie seuns en ek is baie trots op hulle.”
19
November 2015
GRAAN SA
Toekenningsgeleentheid
RUTH SCHULTZ,
SA Graan/Grain
medewerker en foto’s:
HELENUS KRUGER
1: Boerdery is vir die Bruwers meer as net ‘n besigheid; dit is ‘n passie wat deur die hele
familie gedeel word. Hannes Bruwer, saam met sy vrou, Almyne; Vickie saam met sy vrou,
Trisa, en klein Vickie saam met sy verloofde, Chrisna Fourie. Gerhard en sy vrou, Liesel, kon
ongelukkig nie die toekenningsgeleentheid bywoon nie.
2: Vickie Bruwer besig om sy toespraak te lewer nadat Genade Boerdery aangekondig is
as Graanprodusent van die Jaar. Syngenta is saam met Graan SA die trotse borg van die
Graanprodusent van die Jaar toekenning.
1
2