19 / 92
17
November 2015
“ABSA se samewerkingsooreenkoms met John Deere Financial is
ook ‘n bewys van ons filosofie by ABSA om saam te werk met so-
veel landbourolspelers as moontlik, bo en behalwe ons betrokken-
heid by die finansiering aan die primêre produsent se kant,” het
Van der Walt gesê.
Mnr Louw Steytler (voorsitter: Graan SA) het die belangrikheid van
sulke samewerkingsooreenkomste benadruk. “Dit is hoe ons as
land uitdagings gaan oorkom. Voorbeelde soos dié samewerkings-
ooreenkoms moet ons aanmoedig as ons ‘n beter samelewing wil
hê as die een wat ons geërf het. Ons moet die oppervlakkige skei-
ding wat veroorsaak word deur vooroordeel, waarvoor daar nie
meer plek is nie, toemaak, sodat die droom van ‘n pragtige,
harmonieuse, veilige en gelukkige Suid-Afrika bereik kan word,” het
Steytler gesê.
Vir die eerste keer in die geskiedenis van die kompetisie het
die Nuwe Era Kommersiële Boer van die Jaar, Solomon Masango,
‘n John Deere 5403 MFWD trekker gewen wat geborg is deur
John Deere Financial in vennootskap met ABSA.
“John Deere Financial verstaan die belangrikheid daarvan om nie
net ‘n kliëntebasis vir die toekoms te bou nie, maar ook te help bou
aan ‘n inklusiewe en diverse landbousektor. Ons moet ‘n toekoms
bou wat gebaseer is op kommersiële beginsels en waardes. Die
mededingendheid van die landbousektor moet ten alle tye beskerm
word,” meen mnr Jacques Taylor (besturende direkteur: John Deere
Financial, sub-Sahara Afrika en Thailand).
As Taylor ‘n kykie in die kristalbal vir landbou teen 2025 gee, glo hy
dat tegnologie die grootste ontwrigter in landbou sal wees. “Teg-
nologie sal besigheid in landbou herdefinieer. Om hierdie sektor
vorentoe te neem, sal die samewerking tussen kernrolspelers in die
waardeketting al hoe belangriker word. Die fasilitering van toegang
tot tegnologie en voortdurende pogings om doeltreffendheid te
verbeter, moet die temas wees soos ons die toekoms in gaan.”
Bydraers tot voedselwaardeketting met
toekenning vereer
Graan SA het verlede jaar begin kyk hoe hulle mense in die
voedselwaardeketting kan inspireer en ophef om sodoende die
waardeketting meer kompeterend te maak. Daar is toe besluit om
‘n inspirasietoekenning by dié geleentheid te oorhandig aan ‘n
individu of organisasie wat die graanindustrie met uitnemendheid
dien en bydra tot die welvaart van die industrie.
Hierdie spesiale toekenning is vanjaar oorhandig aan dr Julian Jaftha
(hoofdirekteur: Plantproduksie en Gesondheid, Departement van
Landbou, Bosbou en Visserye).
1: Die bekende aanbieder van die SABC 3-ontbytprogram,
Expresso
,
Katlego Maboe, met sy breë glimlag, is weer vanjaar genooi om as
seremoniemeester by dié spoggeleentheid op te tree.
2a, 2b en 2c: Jakkie Louw en Kevin Leo (ook bekend as Jakkals en
Leeu) was die gaskunstenaars vir die aand en het die gehoor behoorlik
vermaak met hul grappighede, onder andere waar Kevin Leo sy eie
interpretasie van een van Elvis Presley se treffers gedoen het. Die
kombinasie van dié twee sangers se uiteenlopende stemme is werklik
iets besonders.
3: Die drie Graanprodusent van die Jaar-finaliste kort nadat hulle hul
finalis-toekennings ontvang het, saam met Louw Steytler (links) en
Linda van der Merwe (regs). Van links is Niel Neethling; klein Vickie,
Vickie en Hannes Bruwer van Genade Boerdery en Henk Michau.
4: Brienne van der Walt besig om sy toespraak te lewer. ‘n Interessante
feit wat Van der Walt tydens sy toespraak genoem het, is dat ABSA
ongeveer 62% van alle John Deere-toerusting finansier wat in
Suid-Afrika verkoop word.
5: “Gegewe die kompeterende landskap in Suid-Afrika; as jy ‘n finalis
in hierdie kompetisie is, is dit reeds ‘n buitengewone prestasie,” het
Jacques Taylor tydens sy toespraak gesê.
6: “Tough times don’t last, but tough people do.” Met hierdie aanhaling
van Robert H. Schuller het Linda van der Merwe haar toespraak ingelei.
Hierdie aanhaling laat haar dink aan die suksesverhale van historiese
en huidige legendes, wat insluit die 2015 Graanprodusent van die
Jaar-finaliste.
7: Al die wenners en hul vroue saam met personeel van Graan SA en die
borge aan die einde van die aand, kort ná die aankondiging van al die
wenners in die verskeie kategorieë.
8: ‘n Wenfoto van Ngubengcuka Moyo nadat hy sy Graan SA/ABSA
Bestaansboer van die Jaar-toekenning ontvang het.
9: Louw Steytler wens vir Daliwonga Nombewu in sy moedertaal geluk
met sy prestasie om as Graan SA/Syngenta Kleinskaalseboer van die
Jaar aangewys te word. In die agtergrond is sy vrou, Zoliwe Rhum.
10: Solomon Masango besig om sy toespraak te lewer nadat hy sy
toekenning ontvang het as Graan SA/ABSA/John Deere Financial Nuwe
Era Kommersiële Boer van die Jaar. Agter dié suksesvolle man staan sy
trotse vrou, Christina.
11: Die aankondiging van die wenners het weer vanjaar plaasgevind by
The Theatre on the Track in Johannesburg en word elke jaar met styl
aangebied.
6
8
9
10
11
7