SA Grain June 2017

56 / 84

Hoe vergelyk jóú chemiese pryse
met die algemene tendense?
CORNÉ LOUW, senior ekonoom: Graan SA
INSET
-oorsig
d eurlopende monitering van insetpryse is krities om
seker te maak dat die regte prys vir die regte kwaliteit
betaal word. Plaaslike graan- en oliesadeprodusente
betaal reeds invoerpariteit vir die meeste van hul in-
sette, wat kompetisie met internasionale eweknieë ‘n
uitdaging maak.
In die Wes-Kaap maak landbouchemikalieë tussen 16% en 20% van
‘n koringprodusent se lopende produksiekosterekening uit, terwyl
dit in sekere dele van die somergewasproduserende dele onder 5%
uitmaak. Produksiepraktyke soos geenbewerking, asook die pro-
bleem van onkruiddoderweerstand in die Wes-Kaap, het veroorsaak
dat koste verbonde aan landbouchemikalieë uitermate styg.
Hoe groter die koste aan landbouchemikalieë, hoe belangriker is dit
dat produsente die regte prys vir hul chemikalieë betaal. Suid-Afrika
voer basies 100% van sy landbouchemiese behoeftes in, daarom
speel internasionale pryse en die wisselkoers ‘n bepalende rol in die
samestelling van plaaslike pryse. Nie net dít nie, maar hoe die finale
produk vanaf invoere tot by die eindverbruiker, die koringprodusent,
beweeg, speel ook ‘n bepalende rol.
In hierdie artikel word tendense in internasionale landbouchemiese
pryse uitgewys en ook met gemiddelde plaaslike landbouchemiese
pryse vergelyk.
Internasionale landbouchemiese pryse
Tabel 1 toon internasionale onkruiddoderpryse (in ‘n Chinese hawe)
per aktiewe bestanddeel oor ‘n jaartydperk. In die eerste gedeelte
van die tabel is die pryse in dollarterme, terwyl dieselfde pryse in die
tweede gedeelte in randwaarde aangedui word.
Hieruit kan afgelei word dat die prys van glifosaat skerp gestyg het,
terwyl die pryse van ander onkruiddoders tussen 6,8% en 9,2%
gedaal het. Omdat die wisselkoers byna met 8% versterk het, kan
gesien word dat onkruiddoders (glifosaat uitgesluit) in randterme
oor ‘n jaartydperk met meer as 10% gedaal het. Dieselfde tendens
word in die plaaslike mark verwag.
Tabel 2 toon internasionale insekdoderpryse per aktiewe bestand-
deel oor ‘n jaartydperk. In die eerste gedeelte van die tabel is die
pryse in dollarterme terwyl dieselfde pryse in die tweede gedeelte
in randwaarde aangedui word. As ons die tabel ontleed, is dit duide-
lik dat pryse van die meeste insekdoders in dollarterme gestyg het.
Dit is veral die prys van imidaklopried wat skerp toegeneem het.
Die versterking in die waarde van die rand het egter die styging in
die meeste van die onkruiddoders tot ‘n mate geneutraliseer. Dit is
duidelik sigbaar in die tweede gedeelte van die tabel.
Plaaslike versus internasionale tendense
Tabel 3 toon die jaar-op-jaartendense van
geselekteerde plaaslike landbouchemika-
lieë. Dit is belangrik om daarop te let dat
dit gemiddelde pryse van ‘n mandjie van
produkte van ‘n spesifieke aktiewe bestand-
deel bevat, byvoorbeeld ‘n gemiddeld van al
die glifosaat 480 g/liter-produkte beskikbaar
in die mark.
Grafiek 1 toon die internasionale en plaas-
like prysindekse van glifosaat. Uit die grafiek
kan ons aflei dat die plaaslike prysindeks
heelwat platter is as dié van internasionale
glifosaatpryse. Met hierdie tipe inligting
probeer ons om die chemiese mark meer
deursigtig vir Graan SA-lede te maak. Dit sal
interessant wees om van ons lede te hoor
wat hulle tans vir landbouchemiese middels
betaal vergeleke met verlede jaar dieselfde
tyd – gegewe die bostaande tendense. Stuur
gerus ‘n e-pos na Ons
hoor graag van jou.
OP PLAASVLAK
Grafiek 1: Internasionale en plaaslike prysindekse van glifosaat.
Junie 2017
54