61 / 64
Mahindra Scorpio Pik-Up-bakkies:
Stewige bakkies wat waarde bied
d
ie nuwe Mahindra Scorpio Pik-Up-bakkies wat in Indië
gebou word, is ‘n voorbeeld van Mahindra se vaardig-
heid om stewige, waarde-vir-geldvoertuie te vervaardig.
Hierdie bakkies ding mee in die klas van geharde bakkies
waar die Toyota Landcruiser- en Nissan Patrol-bakkies
die toon aangee. Dit is dié soort bakkies wat elke dag rowwe paaie
moet kan hanteer. Die Scorpio’s is egter effens meer kompak en
prysgewys meer bekostigbaar as hulle mededingers.
Binne is die afwerking redelik modern en spog die Scorpio’s met
‘n spoedkontrole, immobiliseerder, klankstelsel met ‘n CD- en
MP3-speler, volumebeheer op die stuurwiel, brandvrye sitplekmate-
riaal, verstelbare stuurwiel, kragstuur en ‘n lugreëling.
Dit is egter die Scorpio se kragtige dieselenjin wat beïndruk. Die
Mahindra mHawk 2,179 cc (2,2 liter) viersilinder dieselenjin lewer
88 kW teen 4 000 omwentelinge en het ‘n wringkrag van 280 Nm
tussen 1 800 - 2 800 omwentelinge. Dit is ‘n verbasende gesofi-
stikeerde enjin wat maklik die voertuig na 150 km/u kan versnel en
die werkverrigting vergelyk uitstekend met van die kompeteerders
se enjins. Die amptelike gemiddelde brandstofverbruiksyfer is
8,8 liter/100 km.
Die Scorpio Pik-Up-modelle is net in ‘n vyfspoedhandratkas be-
skikbaar. As standaardtoerusting spog die modelle met onder
andere ‘n ewenaarslot, ABS-remme en 16-duim wiele. Daar is egter
ook die sogenaamde “Adventure”-weergawe wat met ‘n LA Sport
voor- en agterstamper, ‘n snorkel, dakrak (slegs vir die dubbelkajuit)
asook allooiwiele toegerus is.
Hierdie bakkies is gemaklike en goedtoegeruste voertuie, wat nou
na jare in Suid-Afrika bewys het dat hulle betroubaar is, maar die
belangrikste is dat hulle regtig as werksbakkies, waarde vir geld bied.
Veral die Adventure-modelle is besonders goed toegerus met die
nodige tegnologie om as ‘n betroubare bakkie sy werk op rowwe
terrein te kan doen.
Pik-Ups het ‘n drie jaar/100 000 km waarborg en ‘n drie jaar/
60 000 km diensplan. Die enkelkajuit 4x2-weergawe kos R254 995
en met die Adventure-pakket kos dit R281 995. Die 4x4-weergawe
kos R263 995 en sy Adventure-weergawe R296 995. Die dubbel-
kajuit 4x4 kos R281 995 en sy Adventure-weergawe R311 995.
1: Die Mahindra Scorpio Pik-Up 4x4 met die “Adventure”
bykomstighede: ‘n Bakkie wat vir ‘n rowwe lewe kans sien.
2: ‘n Blik op die middelkonsole van die Scorpio Pik-Up om die kwaliteit
van die afwerking en die hoë vlak van toerusting te wys.
GERRIE SMIT,
lid van die SA Motorskrywersgilde
WIELE
vir die plaas
59
June 2016
1
2