41 / 44
Hyundai se taai Tucson-reeks
d
ie Hyundai Tucson is een van die gewildste nutsvoer-
tuie in Suid-Afrika. Sedert dit in 2005 in Suid-Afrika
geloods is, het dit ‘n naam vir betroubaarheid opge-
bou – veral omdat dit tipies nutsvoertuig, padvas op
‘n grondpad kan sit. Oor die jare is daar selfs ‘n paar
vierwielaangedrewe modelle toegevoeg, wat sorg
vir diegene wat ook rowwe en gladde paaie met hul nutsvoertuie
wil aandurf.
Alhoewel die Hyundai Tucson tussen 2006 en 2009 as die ix-35
bekend gestaan het, het die nuwe benaming nie sy verkoopsyfers
aangetas nie.
Daar is altesaam 22 716 Tucsons tussen 2005 en 2009 verkoop,
terwyl 33 692 ix 35’s van 2009 tot 2016 van die hand gesit is. Met
die bekendstelling van ‘n nuwe geslag van hierdie model in 2016,
het Hyundai besluit om die Tucson-naam te laat herleef.
Hierdie nuwe reeks bestaan uit sewe modelle, waarvan vyf petrol-
enjins het en twee dieselenjins. Die petrolaangedrewe Tucson-
modelle is die 2,0 Nu Premium, wat ‘n keuse tussen ‘n hand- of
outomatiese ratkas bied, die 2,0 Nu Elite-outomaties, die turbo-
aangejaagde 1,6 T GDI Executive-handrat en die 1,6 T GDI Elite
met ‘n DCT-ratkas. Daar is ook twee modelle met dieselenjins,
naamlik die 1,7 Executive Diesel en die R 2,0 Elite Diesel. Op die
oomblik is net die petrolaangedrewe Elite-model met permanente
vierwielaandrywing toegerus.
In die intreemodelle lewer die 2 liter-petrolenjin 115 kW teen
6 000 omwentelinge en 196 Nm teen 4 000 omwentelinge. Volgens
Hyundai is hierdie enjin se gemiddelde brandstofverbruik omtrent
9 liter per 100 km. Die turbo-aangejaagde 1,6 liter-enjin, wat in
die topmodelle gebruik word, lewer 130 kW teen 5 500 omwen-
telinge en 265 Nm teen 4 500 omwentelinge. Die Elite-modelle
kry ook ‘n sewegangratkas met ‘n dubbele koppelaar as stan-
daardtoerusting. Die gemiddelde amptelike brandstofverbruik
van die modelle met hierdie enjin is tussen 8,3 liter en 8,5 liter per
100 kilometer.
Die 1,7 CRDI Executive se 1,7 liter-enjin lewer 85 kW teen 4 000
omwentelinge en het ‘n wringkrag van 280 Nm tussen 1 250 en
2 500 omwentelinge. Die R 2,0 Elite Diesel het ‘n kraglewering
van 131 kW teen 4 000 omwentelinge en ‘n stewige wringkrag van
400 Nm tussen 1 750 en 2 750 omwentelinge.
Die R 2,0 Elite Diesel is besonder goed toegerus en kry verskeie
standaardkenmerke vergeleke met sy goedkoper stalmaats. Dit sluit
onder meer ‘n panoramiese sondak, ‘n monitor wat jou waarsku
wanneer daar ‘n motor in jou blinde kol is, ‘n waarskuwing as ‘n
voetganger agter die voertuig is, die vermoë om die motor sonder
‘n sleutel aan te sit, ‘n keuse van verskillende bestuursmodusse en
18 duim-allooiwiele in.
Hierdie nuwe Tucson-reeks is al klaar benoem as een van die
tien finaliste vir 2017 se Motor-van-die-Jaar-toekenning wat in
Maart vanjaar aangekondig sal word – en nie sonder rede nie.
Die petrolmodelle is besonder lig op brandstof – en veral die
vierwielaangedrewe Elite 1,7 T-model klou aan enige pad soos ‘n
ware sportmotor.
Al die Tucson-modelle is ruim, besonder gemaklik en skep binne
die indruk van ‘n veel groter voertuig. Die diesels loop op hul beurt
stil en versnel verbasend vinnig.
Die Tucson-reeks kom uit met Hyundai se aantreklike waarborg,
wat vir sewe jaar of 200 000 km geldig is, asook ‘n diensplan van
vyf jaar of 90 000 km. Dít alleen is ‘n goeie rede om in plaas van ‘n
groter en duurder nutsvoertuig eerder die Tucson te oorweeg.
Pryse vir die Hyundai Tucson-reeks lyk soos volg:
Tucson 2.0 Nu Premium (handrat) R369 900
Tucson 2.0 Nu Premium (outomaties) R389 900
Tucson 2.0 Nu Elite (outomaties) R454 900
Tucson 1.6 TGDi Executive (handrat) R439 900
Tucson 1.6 TGDi Elite DCT AWD R519 900
Tucson 1.7 Executive Diesel (handrat) R439 900
Tucson 2.0 Elite Diesel (outomaties) R519 900.
GERRIE SMIT,
lid van die SA Motorskrywersgilde
WIELE
vir die plaas
39
January 2017
Die 1,7 CRDI Executive met 1,7 liter-enjin kos R439 900 en kom met 17 duim-wiele uit.
Die kragtiger 2 liter Elite-dieselmodel is met 18 duim-wiele toegerus.