41 / 44
GWM Steed 5
– goedkoopste
turbodieselbakkie in die land
m
et Great Wall Motors (GWM) se toetrede tot die
Suid-Afrikaanse mark tien jaar gelede, was die
publiek erg skepties oor die vermoë van Chinese
voertuigvervaardigers om ‘n kwaliteit betroubare
voertuig te bou. Daar was te veel assosiasie
met ander Chinees-vervaardigde goedere soos
speelgoed en snuisterye, wat soos ons almal weet baie goedkoop
is, maar waarvan die kwaliteit onder verdenking was.
Sedertdien het GWM-modelle soos die H5-sportnutsvoertuig en
die Steed 5-, 5E- en 6-bakkies egter by Suid-Afrikaanse motoriste
byval gevind en veral die bakkies het gewys dat hulle nie bang is vir
harde werk nie.
Daar is tans vier Steed 5-enkelkajuitbakkies beskikbaar en veral
die 2,0 VGT Workhorse, die goedkoopste turbodieselbakkie op
die Suid-Afrikaanse mark, bied goeie waarde vir geld. Hierdie
bakkie se turbo-aangejaagde 2 liter-dieselenjin lewer 78 kW teen
4 000 omwentelinge en het ‘n wringkrag van 225 Nm tussen
1 400 en 2 800 omwentelinge. Die gemiddelde brandstofverbruik is
8,1 liter per 100 km.
Die Stee 5 Workhorse k n ‘ vrag van meer as ‘n ton dra en die
dubbel-geïsoleerde laaibak het verskeie hegpunte om ‘n vrag vas te
maak. Die laairuim is 2 280 mm lank, 1 520 mm breed en 460 mm
diep. Onder die standaardkenmerke is lugversorging, kragstuur, ‘n
verstelbare stuurkolom, misligte voor en agter en ‘n kleurgekodeer-
de voorste stamper, asook staalwiele van 16 duim.
Die 2,0 VGT Workhorse se prys is nou ‘n verminderde R179 900. Dit
is ‘n besparing van R20 000 ter viering van GWM se tiende
bestaansjaar in Suid-Afrika. Die prys van die petrolmodel, met ‘n
enjin van 2,4 liter, is R149 900. Die pryse sluit ‘n waarborg van drie
jaar of 100 000 km in en ‘n diensplan is opsioneel. Dienstussen-
poses is 15 000 km.
GERRIE SMIT,
lid van die SA Motorskrywersgilde
WIELE
vir die plaas
Die Steed 5-bakkies het byval by Suid-Afrikaanse motoriste gevind en gewys dat hulle nie bang is
vir harde werk nie.
39
Desember 2017