15 / 44
Nuwe era-boere toegerus vir
hedendaagse uitdagings
D
ie Graan SA Landbou-ontwikkelingsprogram het gedu-
rende September vanjaar ‘n plaastoer vir 24 nuwe era-
graanboere aangebied. Hierdie boere het bestaan uit klein
en groter, asook nuwe- en gevorderde graanboere in die
Wes-Kaap wat hoofsaaklik gemengde boerderye het.
Die doel van die inisiatief is om boere blootstelling te gee aan
kommersiële praktyke wat deur produsente ingespan word, om
onder meer doeltreffendheid en winsgewendheid te verhoog.
Hierdie jaar se plaasbesoeke het hoofsaaklik gefokus op medium-
grootte kommersiële produsente waarby nuwe era-boere aanklank
kon vind. Onderwerpe wat bespreek is en inligting wat tydens die
besoeke oorgedra is, het hoofsaaklik gefokus op hoe die spesifieke
produsente begin boer het, wat hul huidige uitdagings is, hoe hul
die somme laat klop, die balans tussen hul graan- en veevertakking,
rekordhouding en algemene areaspesifieke bestuurspraktyke.
Die inligting en beginsels wat tydens hierdie besoeke oorgedra is,
is van onskatbare waarde. Ons wil hiermee graag die Wintergraan-
trust, wat hierdie toer moontlik gemaak het, hartlik bedank vir hul
ondersteuning van hierdie inisiatief.
Ons wil ook elke produsent en rolspeler wat hul deure vir ons oop-
gemaak het, bedank vir hul bereidwilligheid om hul kennis en on-
dervinding sonder skroom met ons toergroep te deel. Ons glo dat
nuwe kontakte, bande en vriendskappe gevorm is en dat almal
wat die toer bygewoon het, nuwe beginsels en praktyke saam
met hulle terug plaas toe kan neem om die doeltreffendheid en
lewensvatbaarheid van hul graan- en veeboerderye te verhoog.
13
December 2017
GRAAN SA
LIANA STROEBEL,
ontwikkelingskoördineerder, Graan SA
1: Die toergroep wat gedurende September
op ‘n plaastoer in die Suid- en Wes-Kaap was,
het ook ‘n draai by Soill gemaak.
2a tot 2c: By Frehan Bester het die boere meer
inligting oor skaap-, plaag- en onkruidbeheer-
en algemene meganisasiebestuurspraktyke
ontvang. Verskeie ander produsente is ook
besoek.
3: Dr Johann Strauss van die Wes-Kaapse
Departement van Landbou het inligting oor
dekgewasse met hulle gedeel.
4: Pieter van der Walt van Moorreesburg het
die boere meer oor graanbemarking vertel.
2a
3
4
2b
2c
1