Grain SA August 2017

9 / 112

7
KANTLYN Op die
August 2017
1,219 miljoen ton
24%
Gedurende Junie en Julie is gemiddeld 1,219 miljoen ton mielies
per week gelewer volgens die weeklikse SAGIS-data.
Dit is ‘n goeie aanduiding vir die plaaslike infrastruktuur.
Bron: Luan van der Walt (Graan SA) na aanleiding van
interpretering van SAGIS-data
Trekkerverkope van 479 eenhede in Junie is aansienlik (24%) hoër
as die 385 eenhede wat verlede Junie verkoop is. Vir die jaar tot
dusver is trekkerverkope nou byna 3% hoër as verkope verlede jaar.
Bron: Persverklaring, Afrikaanse Landboumasjinerieassosiasie, Julie 2017
DS KOOS KIRSTEN
WOORD Uit die
ons leef in ‘n wêreld wat besig is om baie vinnig te
verander. As ons net kyk na watter veranderings die
tegnologie vir ons gebring het en dit wat voorlê, sien
‘n mens gou hoeveel alles verander het. Ten spyte
hiervan het die hart van die mens nie verander nie.
Die boosheid van die goddelose mense duur steeds voort. Korrup-
sie, diefstal, roof, moord en al sulke dinge is nog steeds deel van
ons lewens en van die wêreld. Selfs die slegte mense maak
gebruik van tegnologie om hulle bose dade te bevorder. Ons is ook
verplig om die tegnologie te gebruik om dit te bekamp.
Voeg nou nog hierby al die rampe soos droogtes, oorstromings,
brande, pessiektes en insekplae wat landbou direk raak, dan wil
‘n mens half steier onder die geweldige aanslag op ons. Dan is daar
ook nog die groot wisseling van landbouprodukpryse.
Wat moet ons doen en hoe moet ons al hierdie dinge hanteer? Wat
moet ons lewensingesteldheid wees om in só ‘n deurmekaar en
verwarde wêreld te oorleef? Nie net fisies nie, maar in besonder
geestelik. Om fisies te oorleef, mag en behoort ons alles wat die
Here tot ons beskikking stel, te gebruik. Vir ons geestelike oorle-
wing moet ons ook dít wat die Here ons gee, naamlik sy Woord
en die Heilige Gees, gebruik.
In Openbaring 1:4 lees ons iets wat op die oog af amper onbedui-
dend en so effens deurmekaar is: “Hy wat is en wat was en wat
kom.” Ons het hier te doen met Jesus Christus se openbaring van
Homself aan ons. Hy wil ons iets besonders van Homself leer,
sodat ons daardeur in ons geloof getroos en versterk kan word.
Sodoende sal ons kan staande bly in hierdie lewe.
Eerstens sê Hy dat Hy is. Dit beteken dat Hy Homself op dieselfde
vlak plaas as die Here wat Homself in Eksodus 3:14 aan Moses
bekendstel. Hy is die ewige, ware en lewende God, wat Sy kinders
eindeloos liefhet. Hy is nou by en met ons elkeen om ons by te
staan, te beskerm en te onderhou met alles wat nodig is vir tyd en
ewigheid. Ons kan onvoorwaardelik op Hom vertrou en niks in tyd
of ewigheid kan ons van sy liefde skei nie.
Hy sê ook dat Hy was. In die verlede was Hy God en in die verlede
het Hy ons bygestaan, beskerm en bewaar. Ons moet net van tyd
tot tyd terugkyk, sodat ons kan sien en weer eens kan besef hoe
Hy al die pad by ons was. Soms besef ons dan ook eers werklik wat
Hy alles vir en met ons gedoen het. Die grootste van alle dinge is
dat Hy Sy lewe vir ons gegee het, sodat ons deur Hom van die
ewige dood gered kon word.
Laastens sê Hy ook dat Hy weer gaan kom. Die wederkoms is
onherroeplik op pad. Dan gaan Hy almal wat in Hom geglo het,
opwek uit die dood en ons almal in volle heerlikheid by Hom op
die nuwe aarde laat woon. Alles wat nou gebeur, is gerig op die
wederkoms – om dit te laat plaasvind op die bestemde tyd.
Kyk dan nou na jou lewe en wat die Here vir en met jou doen. Kyk
terug en besef wat Hy gedoen het. Kyk vorentoe en sien dat alles in
sy hande is en dat Hy ten volle in beheer van alles en almal is. Gaan
dan die toekoms in die geloof tegemoet.
Baie geluk aan
Michael Khoza van
Mbombela wat vir die
Julie-uitgawe van
SA Graan/Grain die
gratis Bybel gewen het.
Gee gerus jóú mening van die kantlyn af:
083 490 9449
11%
Vir die jaar tot dusver is stroperverkope 11% hoër as vir die
ooreenstemmende tyd verlede jaar.
Bron: Persverklaring, Afrikaanse Landboumasjinerieassosiasie, Julie 2017
The Mycorrhizal fungi in healthy soil can increase
plant root volume by 100 to 1 000 times for better
uptake of water and nutrients.
Source: Bücking, H. and Kafle, A. 2015. Role of Arbuscular Mycorrhizal
Fungi in the Nitrogen Uptake of Plants: Current Knowledge and Research
Gaps. Agronomy 5, 587 - 612
“
“