109 / 112
Huidige modelle in die reeks spog almal met ‘n splinternuwe
2,3 liter viersilinder-dieselenjin, wat met twee turbo-aanjaers toe-
gerus is. Die eerste van hierdie turbo’s werk teen laer enjinsnelhede
om turbo-traagheid uit te skakel. Die tweede turbo-aanjaer skop
teen hoër enjinsnelhede in. Hierdie kombinasie van turbo’s sorg
vir meer krag teen alle enjinsnelhede en verhoogde brand-
stofverbruik.
Dié enjin lewer 140 kW teen 3 750 omwentelinge en wringkrag
van 450 Nm, wat tussen 1 500 en 2 500 omwentelinge beskikbaar
is. Die gemiddelde brandstofverbruik is 6,5 liter per 100 km en
dit maak ‘n tenkafstand van meer as 1 000 km met die 80 liter-
brandstoftenk moontlik.
‘n Vierwielaandrywingstelsel kombineer ‘n oordraratkas met ver-
skeie elektroniese hulpmiddels, wat veldryvermoë aansienlik ver-
beter. ‘n Draaiknop in die middelste konsole stel jou in staat om
van twee- na vierwielaandrywing oor te skakel: Die bestuurder kan
teen ‘n snelheid van tot 100 km/h tussen hoë- en laestrek skakel.
In albei vierwielaandrywingsmodusse word die nuwe vastrap-
ewenaarstelsel in werking gestel. Hierdie stelsel bestuur krag-
verspreiding en wielremming tussen die voor- en agterasse en
tussen die linker- en regterkant van die voertuig – afhangende
van vastrap en snelheid. Hierdie stelsel werk ook met die Vehicle
Dynamic Control – die vastrapbeheer waarmee die Navara toegerus
is – asook sluitweer-remme.
Dit alles bewerkstellig vasvoetigheid op die pad en in die veld.
Die luukser modelle het ook wegtrekhulp teen opdraandes en
hulp om teen steil afdraandes te ry. Dit alles word aan die vastrap-
ewenaar gekoppel.
Twee ratkaste is beskikbaar, naamlik ‘n handratkas met ses gange
en ‘n outomatiese een met ratverhoudings wat gekies is om die
wringkraglewering van die nuwe enjin optimaal te benut en ‘n
handratfunksie bied.
Die Navara bied een van die bes toegeruste binneruimte van alle
bakkies op die mark. Hoewel die afmetings nie veel van sy voor-
ganger verskil nie, maak die groter deure dit makliker om in en uit
te klim.
‘n Nuwe instrumentepaneel is een van die verrassings en die hele
reeks het ‘n raakskerm met satellietnavigasie as standaardtoe-
rusting. Die kaarte van hierdie stelsel is in 3D en bevat verkeers-
verslae en ‘n radio wat op een van 30 stasies ingestel kan word.
Daarby kan daar na videomateriaal in verskeie formate, onder meer
DVD, VCD, MP3 en MPEG 4-formaat gekyk word; terwyl USB-poorte
en Bluetooth-verbinding ook ingesluit is.
In die instrumentepaneel is daar ook ‘n uitleespaneel waartoe die
bestuurder toegang kan verkry deur middel van kontroles op die
stuurwiel. Die voorsitplekke van die nuwe Navara is nuut ontwerp
om liggaamsdruk op die sitplekoppervlakte te versprei en moeg-
heid oor lang afstande uit te skakel.
Verhitbare leersitplekke met ‘n elektriese verstelling aan die
bestuurderskant is teen ekstra koste op die luukse modelle
beskikbaar.
Die bakkie kry die Nissan Assured-waarborg en diensplan as
standaard. Die waarborg is geldig vir ses jaar of 150 000 km en
die diensplan vir drie jaar of 90 000 km. Die reeks bestaan uit
die volgende modelle: Die SE-dubbelkajuit teen R514 900, die
LE-dubbelkajuit teen R565 900 en die LE-dubbelkajuit met die
outomatiese ratkas teen R597 700. Die LE-modelle kan met
leerbekleedsel bestel word teen R13 000 ekstra.