108 / 112
Nissan Navara pronk
by NAMPO Oesdag
t
ydens die afgelope NAMPO Oesdag het Nissan met sy
nuwe Navara-reeks, wat in Maart vanjaar in Suid-Afrika
vrygestel is, gespog.
Nissan het ‘n spesiale uitstallingsruimte gehad, wat ‘n
kompakte 4x4-baan ingesluit het, om die nuwe Navara se
vermoëns ten toon te stel. Oesdaggangers kon danksy ‘n ontblote
Navara, waarvan die kajuit spesiaal vir die Oesdag verwyder is,
sien hoekom die Navara se nuwe onderstel so aangeprys word.
Tegnici het bygestaan om aan omstanders die nuwe agterste kron-
kelveerstelsel met vyf skakels te wys. Die Navara is die enigste
bakkie wat hierdie veerstelstelsel het. Hierdie stelsel kombineer die
vragdravermoë wat ‘n mens van ‘n bakkie behoort te verwag met
die rygerief wat met ‘n sportnutsvoertuig geassosieer word. Dit
verseker verbeterde padgedrag en selfs beter rygerief op grond-
paaie, asook beter vastrap deur vinnige draaie.
Nissan het ook tydens die Oesdag gewys dat die Navara-eienaar
meer bykomstighede tot sy beskikking het – meer as enige ander
bakkie in Suid-Afrika – om sy Navara nog meer indrukwekkend,
sterker en funksioneel te maak.
Onder die bykomstighede is verskillende bosbrekers, onder meer
dié wat die hele voorste stamper vervang en waaraan ‘n wen-as
gemonteer kan word, trekstange, seiltjies en sitplekoortreksels.
Vir dié wat ernstig is oor veldry, kan ‘n swaardiens-opgradering
vir die veerstelsel gekies word, asook pasgemaakte swart XD-
wiele met veelterreinbande.
Navara-modelle
Vir eers sal net drie vierwielaangedrewe dubbelkajuitmodelle in
die Navara-reeks beskikbaar wees, maar ‘n 4x2-model sal ook binne
‘n paar maande op die mark wees.
Die Navara het volle LED-kopligte en die hele reeks het ook dagry-
ligte. Die LE-modelle, die hoogste spesifikasievlak, het ook inge-
boude rigtingwysers in die kantspieëls. Dit het ‘n swart B-pilaar
en die dak is 20 mm laer om aërodinamiese doeltreffendheid te
verseker. Verder vorm getinte glas, kanttrappe en allooiwiele van
16 of 18 duim, afhangende van die spesifikasievlak, deel van dié
modelle.
Byna elke funksionele aspek van die bakkie is verbeter teenoor dié
van sy voorganger. Die vragdra-kapasiteit is aansienlik verhoog en die
nuwe model se sleepkapasiteit is 3,5 ton. Die leerraam-onderstel is
versterk deur die gebruik van hoë sterkte staal. Die gebruik van nuwe
tipes staalallooie en verbeteringe in die ontwerp en vervaardiging
het gesorg vir ‘n massavermindering van 176 kg.
Diemeeste hiervan het onder die enjinkap en in die kajuit plaasgevind,
maar die grootste vermindering het by die onderstel en die boonste
gedeelte van die bakwerk voorgekom.
GERRIE SMIT,
lid van die SA Motorskrywersgilde
WIELE
vir die plaas
‘n Nissan Navara met ‘n kappie van vlekvrye staal. Die voornemende eienaar kan dan ook ‘n driekwart- of
volle kombuiseenheid en LED-beligting binne laat byvoeg om dit kamp-vriendelik te maak.
106
Augustus 2017