88 / 92
Paasfees ís belangrik
Kontak Abrie Coetzee van Kamelia in Klerksdorp
by 018 468 5689 of 072 804 9841.
ABRIE COETZEE,
onthaal- en dekorspesialis
KUIER SAAM MET
Abrie
Ontbyt
‘n Fees vir Pase wag onder die oggendskaduwee in
die tuin. Ons dek ‘n Barok-sementbladtafel vir ontbyt.
Spierwit orgideë word met lemmetjiegroen en oranje
blomme gemeng. Dit gee ‘n gevoel van varsheid en
vernuwing. Kunstige porseleinhase kruip weg tussen
die rangskikkings.
‘n Verfrissende voorgereg van spanspek met ‘n gem-
merstropie gee ‘n prikkel op die tong.
Aan die punte van die tafel is geroeste staanders, ge-
vul met strooi en paaseiers. Uit die bome hang harte
en kruise wat Sy liefde as tema uitbeeld vir Pase.
‘n Omelet met speserye en gekapte groen en rooi
soetrissie word keurig opgedien.
In die agtergrond kabbel die water oor die rand van
die spuitfontein. Waterlelies dryf op die visdam-
metjie. Onthou: ‘n Ysterkoepel op sementpilare oor
‘n dammetjie, rond altyd die dammetjie af (in hierdie
geval is dit ‘n simbool van ‘n kerkkoepel).
Middagete
Middagete ter ere van Pase word uitgebeeld met flu-
weel, kruise en rooi rose, soos karmosyn.
Jacobynstoele en uitgewerkte tapisseriesitplekke
roep nonne wat in ‘n klooster bid met kruise.
Rooi glase glim en weerkaats die son. Hier gebruik ek
kammavolstruisleer onder die borde en wit servette
waarop ‘n mes en vurk gedruk is.
Paasete moet so voorgesit word dat ‘n mens enige
tyd die spel van goue harp en singende engele
verwag.
Kruise met mosaïekspieëls hang uit die bome en glas
klingel soos klokke. Geroeste koepels oor die borde
en rooi rose rond die prentjie af.
Die sagte reuk van jasmyn (‘n moet in enige tuin),
hang soos wierook oor die hele tuin en die natuur
bring hulde aan die Offerkruis.
April 2015
86