86 / 92
April 2015
84
Saadhanteringstelsel bring spoed en
gerief tot by jou drumpel
“P
ioneer het die pas aangegee – dít is die toekoms. Ander
saadmaatskappye sal nou moet uithaal om by te bly,”
so sê kommersiële produsent, mnr Willie de Klerk
van WA de Klerk Boerdery in Mpumalanga, wat as
proefkonyn vir DuPont Pioneer se opwindende nuwe ProBox-saad-
hanteringstelsel opgetree het.
Hierdie baanbrekerstelsel, wat die doeltreffendheid en produktiwi-
teit op produsente se plase kan verbeter, is op 29 Januarie tydens
‘n glansgeleentheid in Johannesburg bekend gestel. Kommersiële
klante kan nou mielie- en sojaboonsaad in groot maat by Pioneer
koop in ‘n houer wat 40 (25 kg) eenhede van 25 kg elk bevat.
Die ProBox-stelsel, wat uit groot saadhouers en ‘n waentjie, wat
in samewerking met Agricad ontwikkel is, bestaan, sal nie net vol-
doen aan produsente se behoeftes vir verbeterde produktiwiteit,
groter gemak en gerief by die hantering van saad in groot maat op
hulle plase nie, maar ook aan die saadbedryf se behoefte om meer
beskerming vir die saad te bied.
“Produsente is druk besig om die produktiwiteit en winsgewend-
heid in hul bedrywe te verbeter in ‘n moeilike ekonomiese om-
gewing,” het mnr Tony Esmeraldo (direkteur: DuPont Pioneer
Suid-Afrika) tydens die ProBox-bekendstelling gesê.
Met dié stelsel is dit geriefliker vir produsente om saad te vervoer,
oor te dra en te stoor op hulle plase. Dit is spesiaal in Suid-Afrika vir
die plaaslike toestande ontwikkel. Die ProBox-houers, wat glad en
soomloos aan die binnekant is om te verseker dat dit in minder as ‘n
minuut heeltemal leeggetap kan word, stapel maklik op mekaar, is
maklik om te hanteer en om af te laai. Dit kan met ‘n vurkhyser opgetel
en geskuif word en sodra die herbruikbare houer leeggemaak is, kan
dit gestoor en ná planttyd teruggegee word.
Mnr Heinz Oellermann (verkoopsbestuurder: DuPont Pioneer) het
genoem dat Pioneer wil verseker dat hulle saad reg hanteer word
aangesien dit ‘n lewendige organisme is en dit is waarom hulle hierdie
stelsel ontwikkel het. Volgens hom is die waentjie ook ontwerp dat
dit sodoende vinnig skoongemaak kan word. Die waentjie met die
saadhouers kan eenvoudig langs ‘n planter geparkeer word, waarna
die saad met ‘n awegaar na ‘n planter se
central feeder
vervoer word.
Hierdie proses duur maar sowat vier tot vyf minute en ‘n pro-
dusent kan ongeveer 60 ha op ‘n dag hiermee plant. “Omdat die
waentjie deur Agricad in Suid-Afrika vervaardig is, is onderdele
maklik bekombaar en kan dit plaaslik herstel word. Die waentjie
kan vier ProBox-houers vat wat gelyk is aan 160 sakke saad,”
sê Oellermann. Met dié stelsel kan saad ook tydens die plantproses
behandel word.
Dié stelsel is nou by DuPont Pioneer vir grootskaalse kommersiële
produsente beskikbaar.
AKTUEEL
ELMARIE HELBERG,
medewerker,
SA Graan/Grain
Wat sê die produsente?
WA Boerdery in Mpumalanga, wat
hoofsaaklik mielies plant, het die
ProBox-stelsel tydens die vorige sei-
soen uitgetoets. WA en Willie de Klerk
deel hul bevindings met ons:
Ons het ongelooflik baie gespaar in
terme van arbeid en spoed.
Wat sojabone betref, is dit veral
veelsydig aangesien die sojabone
geënt kan word soos wat dit na die
planter vervoer word.
Ons kon met een vol waentjie am-
per 250 ha teen ‘n 50 000-stand
plant.
Die houers is heeltemal bestand
teen muise.
‘n Arbeidsvermindering van 80%
is haalbaar.
1: WA de Klerk (produsent), Heinz Oeller-
mann (verkoopsbestuurder: DuPont Pioneer)
en Willie de Klerk (produsent) by die ProBox-
saadhanteringstelsel.
2: Peter Wood (agent: Pioneer Bergville) wys
sy maatskappy se produk aan Clinton Frey,
Trevor Bower, Gary Wood en Dewald Fick, al-
mal produsente in die Winterton-omgewing.
3: Hierdie Ottosdal-produsente was baie be-
indruk met die ProBox-stelsel: Pieter Dreyer,
Izak Potgieter (agter) en Johan Strydom.
By hulle staan Gary Farr (areabestuurder:
DuPont Pioneer, KwaZulu-Natal).
1
2
3