NAMPO 2019

134 / 140

P
2019
132
Graan|Grain
AKTUEEL
SA Graan/Grain redaksiespan
Verwyl jou ure by dié
unieke inkopieruimte
Volgens die Suid-Afrikaanse Raad van Winkelsentrums
(SACSC) het Suid-Afrika in 2016 reeds die vyfde meeste
inkopiesentrums (malls) ter wêreld gehad. Die gemid­
delde aantal besoekers aan die grootste sentrums wis­
sel tussen 40 000 en 60 000 gedurende die week en
70 000 tot 80 000 oor naweke.
Ná onlangse uitbreidings is die Menlyn Park-inkopiesentrum in
Pretoria, met ’n oppervlakte van 177 000 m2, die grootste mall in Suid-
Afrika. Daar is meer as 300 winkels en amper 40 restaurante om voor­
siening te maak vir elke smaak en soms is die 8 250 parkeerplekke nie
genoeg vir al die besoekers nie.
Die NAMPO-mall
By NAMPO se “inkopiesentrum”
is daar altyd genoeg par­
keerplek en die amper
700 uitstallers verseker
’n inkopie-ervaring
wat enige mall sal
oortref. Met die
uitstalruimtes
wat nie almal
in een sen­
trum gekon­
sentreer is
nie, kan jy
sommer
oefening ook kry en só seker maak dat jy jou treëdoelwit vir die dag
bereik.
Sowat 12% van die uitstalruimtes is gemik op die behoeftes van
vroulike Oesdagbesoekers.
Vul die kombuiskaste met deliprodukte
Die Padstal is in 2018 langs die vrolike Polkadot-teetuin gevestig en
heerlike deliprodukte het Oesdagbesoekers hierheen laat stroom.
Een nuwe uitstaller, Decana droëvrugte, kom spog vanjaar met hul
liplekker produkte. Daar kan jy ook neute, sade, meel en vrugtelek­
kers aankoop.
Maak net seker jou inkopiesak het ook spasie vir hierdie meer
bekende lekkernye:
Deonette Boerdery (Goeie Geite Kaas) met bees- en bokmelk­
produkte
EAT se tuisgemaakte souse, smere en konfyte
Funky Ouma se gewilde en gesonde gegeurde soute
Die verskeidenheid olyfprodukte van Gauteng Olives
36 verleidelike geure fudge van Gourmet Fudge
Met Liefde se mengelmoes deliprodukte
Die heerlike vars aarbeie en room (en aarbeigeskenke) van
Strawberries en Cream
Tooi jouself mooi in klere en bykomstighede
NAMPO is die regte tyd om jou klerekas en juwelekissie te vergroot
óf om ou goed met nuwe bykomstighede op te kikker.
As jy ’n damestee of troue het wat voorlê, gaan soek gerus ’n
nuwe uitrusting by Authentic Fashions of Silhouett Imports
in die Sampi-saal. By Spatz in die Hopefield-saal kan
jy ’n kant-en-katoen-nommertjie aanskaf of ’n
paar meter kant aankoop en self die uitrus­
ting maak.
Watter vrou kan nee sê vir ’n paar
nuwe skoene? Kry ’n paar egte leer­
skoene by My Makiti Leather Prod­
ucts in die Sampi-saal se anneks
of ’n paar regte cowboy-stewels
by Westernboots SA in die Hope­
field-saal waar Mint ook hulle
unieke handgemaakte skoene
uitstal.
Juwele kan enige kleding-
stuk ’n unieke voorkoms gee en
HDL Juwele, Jenna Clifford en
La Belle Chic in die Hopefield-
saal kan daarmee help. Studio
Silver se silwer juwele en vars­
waterpêrels kuier weer in die
Sampi-saal. Net ’n Kameel is ’n
nuwe uitstaller in die Sampi-saal se
anneks wat juwele van keramiek, hout
en ’n verskeidenheid metale ten toon
kom stel. Die materiaal- en houtkrale van
Fabulous Fabric kan ook hier gesien word. >