9 / 52
Kontak gerus ons kliëntediens by:
011 790-8200 of customercare.sa@monsanto.com
DEKALB®
is
’
n geregistreerde handelsmerk van Monsanto Technology LLC.
Monsanto Suid-Afrika (Edms) Bpk, Posbus 69933, Bryanston, 2021.
Ons wens jou en jou geliefdes
’n feestyd gevul met liefde, lag en saamwees.
Mag elke dag vreugde inhou en die nuwe jaar geseën wees
met nuwe geleenthede en die geesdrif om die meeste van
elke dag te maak. Ons hier by
DEKALB®
sien daarna uit om
elke geleentheid saammet jou aan te pak.
FEESTYD IS FAMILIETYD!
uppemarketingA18732
DS KOOS KIRSTEN
WOORD
Uit die
d
it is al amper weer Kersfees en daar moet nog so baie
gedoen word! Die jaar is verby – en vir die meeste
mielieprodusente in die noorde is planttyd ook amper
verby. So stap die jare aan en so gaan ons voort van
een seisoen na die volgende.
Die Here leer ons egter in sy Woord dat ons nie ’n sikliese
geskiedenisbeskouing moet hê nie. Alles word nie jaar na jaar
herhaal sonder doel of rigting nie. Die Here is met ons op pad na
die eindtyd en ons moet elke geleentheid gebruik om ons en ons
kinders daarvoor voor te berei.
So kan Kersfees ’n wonderlike geleentheid wees om ons gereed
te maak vir die dinge wat kom. Die Here het die Israel van ouds
beveel om sekere instellings te onderhou. Hulle moes bakens en
gedenktekens oprig en sekere feeste op vasgestelde tye vier. In
Deuteronomium 6:20 en 21 lees ons dat hulle hierdie geleenthede
moes gebruik om hul kinders te onderrig om die Here te ken en
te dien.
Dit bring ons by Kersfees en ’n paar vrae daaroor. Seker die twee
belangrikste sake oor Kersfees is waarom en hoe dit gedoen moet
word. Waarom vier ons die geboorte van ons Here Jesus? Hy is as
mens in hierdie wêreld gebore – om as mens in ons plek te kom staan
en die oordeel van God oor ons sonde te dra. As Hy nie gekom het
nie, was daar geen hoop op redding en saligheid vir enige mens nie.
Dit bring ons dan ook by hoe ons Kersfees behoort te vier. Wat
behoort voorop te staan in die wyse waarop ons dit doen? Geskenke
en lekker eet en drink?
Geskenke en lekker eet hoef nie uitgesluit te word nie, want dit is
hoe ’n mens fees vier. Dit moet egter nie die belangrikste sy van
Kersfees wees nie. Die boodskap van Kersfees is veel belangriker
as geskenke en kos. Ons moet dit só doen dat ons kinders en ons
werksmense die boodskap van Christus se koms daarin kan sien.
Elkeen van ons het daarom die verantwoordelikheid om ons ook
tydens die Kersseisoen só te gedra dat Christus in ons optrede
gesien kan word. ’n Opregte vreugde en rede tot feesviering moet
in ons lewens sigbaar wees. Uiteindelik moet alles, ook hoe en
waarom ons Kersfees vier, tot eer van die Here wees.